hósdagur 27. august 2015síða 40

Fríggjadagur 28. august 2015 sosialurin 98 40 ítróttur Pætur Albinus Í fjør hevði HB heili fimm lið í steypafinalunum, men í ár hevur høvuðsstaðarfelagið ikki megnað at fingið eins nógv lið við. Hesaferð eru tvey HB-lið við. Tað er eins nógv lið sum grannarnir úr B36 hava við. Tað eru KÍ og NSÍ, sum við hvør sínum trimum liðum eru best umboðað í steypafinalunum, meðan Víkingur hinvegin einans hevur eitt lið við – nevniliga besta liðið. Fleiri feløg hava eitt lið við. Tey eru B68, EB/Streymur og Víkingur, meðan EB/Streymur síðani hevur eitt hálvt lið við afturat saman við Skála í samanlagda kvinnuliðnum EBS/Skála. 17. ferð á rað Tá ið steypafinala er hjá kvinnum, so er KÍ eisini við. Einki undantak er í ár. Hetta er 17. árið á rað, at KÍ- kvinn­urnar eru við í finaluni, og hesaferð er avbjóðari EBS/Skála, sum eisini er nærmasti avbjóðari í lands­kappingini. Har fáa tær tó ikki KÍ-kvinnurnar aftur, tí tær eru longu vorðnar føroyameistarar. Tað gjørd­ust tær seinasta vikuskiftið, tá ið tær við 6-0-sigri ímóti ÍF/Víkingi vunnu FM-heitið 16. árið á rað. Einki annað lið í heiminum hevur vunnið meistara­heitið so ofta á rað, sum tær hava. Tey seinastu 17 árini, sum KÍ hevur verið í finaluni, hava tær einans tapt hana fýra ferðir. Seinast var í 2009, tá ið AB vann ímóti teimum. Steypafinalur eru altíð nakað serligt, so tað er ikki givið, at KÍ fær tað so lætt. Í landskappingini hevur tað heldur ikki verið bara bara ímóti EBS/Skála, har tær í teimum trimum innan­hýsis dystunum hava megnað at fingið ein javnleik. Tá gjørdist úrs­ litið 2-2. Hinar báðar dystirnar hevur KÍ vunnið 1-0 og 4-0. Eins og undanfarin ár, so hava KÍ- kvinnurnar júst luttikið í Champions League, og tað er ein spurningur, hvussu hetta ávirkar tær. Møguliga eru tær eitt sindur troyttar eftir eitt drúgt kappingarár, men hinvegin eru tær betur samanspældar enn nakað annað lið. Tøtt U18-finala Finalan í U18 hjá dreingjum í ár verð­ ur ein endurtøka av finaluni frá í fjør. Tað eru nevniliga aftur í ár HB og NSÍ, sum hittast. Í fjør dró HB longra stráðið og vann 4-3 eftir eina sera tætta og spennandi finalu. Sambært stigatalvuni, so verður tað trupult hjá HB at endurvinna steypa­gullið. NSÍ er nevniliga ógvuliga sann­førandi í landskappingini, har teir eru á fremsta plássi, heili 10 stig framman­fyri NSÍ. Tó hava liðini leikt tveir dystir innanhýsis, og teir eru endaðir við einum sigri í part. 4-3 til NSÍ og síðani 3-2 til HB. Avgjørdi profilurin hjá NSÍ, Meinhard E. Olsen, verður ikki við í hesari finaluni. Hann er fyri stuttari tíð síðani fluttur til Danmarkar at spæla við Vendsyssel FF. Hinvegin, so sleppur HB helst at ráða yvir leikarum, sum í ár meira ella minni hava verið fastir fúsir á besta liðnum. Teir eru Adrian Justinussen, Teit Jacobsen og Bartal Wardum. Undir øllum umstøðum er lagt upp til eina ógvuliga spennandi finalu aftur í ár, tá ið HB og NSÍ hittast í U18-finaluni fríggjakvøldið kl.20. U16 stavn um stavn Eisini í U16-finaluni hjá dreingjum er lagt upp til eina sera spennandi finalu. Har er finalan ímillum B36 og NSÍ, sum alt kappingarárið í ár hava verið stavn um stavn í lands­kapp­ing­ ini. Í løtuni er tað tó B36, sum hevur mun­in við einum stigi. Í hesari finaluni verða ógvuliga nógvir ungdómslandsliðsleikarar á vøll­inum. Heili sjey spælarar í hesum dystinum vóru við U16-landsliðnum í menningarkappingini hjá UEFA fyrr í ár, har teir fingu góð úrslit. Í øllum finalunum valdar sjálvsagt stórur spenningur, men í summum førum eru eisini serligar søgur. Eitt nú í U17-kappingini hjá kvinnum, har B36-genturnar púra óvæntað hava spælt seg í finaluna, hóast tær liggja niðarliga í kappingini. Mótstøðuliðið verður KÍ, sum hevur verið púra sannførandi og er á greiðum fremsta plássi. albinus@sosialurin.fo Fótbóltur Hetta vikuskiftið verða gleðisrúsar og vónbrot at síggja á Tórsvølli. Klárt er nevniliga til stóra steypafinalu­ tiltakið, har tilsamans sjey steypavinnarar skulu finnast Sjey steypa- finalur hetta vikuskiftið Steypavikuskifti HB vann steypa­ finaluna hjá U14 í fjør