týsdagur 1. september 2015síða 12

Mikudagur 2. september 2015 · Nr. 100 12 Sosialurin Hugskot og viðmerkingar – send sms til 225000 Tøkk Hjartaliga takk til tykum øll, ið gjørdi gullbrúdleypsdag okra tann 7/8 2015 so hugnaligan. Okur høvdu ein frálíkan dag við góðum mati, nógvum gestum, sangi, blómum og heilsanum. Takk til tykum, ið komu framvið, tykkum sum ringdu, sendu heilsanir, blómur osfr. Takk til børn og svigarbørn, ið gjørdu dagin ógloymandi. Kærar heilsanir Sælbjørg og Bjartur Niclasen Tøkk Hjartans tøkk til tykkum øll ið mintust meg á 80 ára føðingardegnum tann 15. juni. Takk fyri gávur, blómur uppringingar, og aðrar heilsanir. Takk til tykkum øll, sum hildu dagin saman við mær. Ein serstøk tøkk til børn, svigarbørn, barnabørn og langabbabørn, ið gjørdu dagin so minnisríkan fyri meg. Takk til »Orðið á borðið« fyri vakran sang. Tær bestu og kærastu heilsanir við Guds ríku signing Hans Olaf Andersen Lopra Tøkk Vit takka øllum hjartaliga, sum vóru við til at hátíðarhalda brúdleyp okkara. Takk til Vesturkirkjuna við Hera Joensen fyri eina hátíðarliga vígslu og góð orð, tøkk fyri heilsanir og ein serlig tøkk til familju og vinir, sum hjálptu okkum so væl. Við brúðarkvøðum Bárður og Katrin Elisabeth Tøkk Vit takka tykkum so hjartaliga, sum gjørdu gullbrúdleypsdagin hjá okkum 24. juli so hugnaligan og ógloymandi. Takk til familjuna, sum vakti okkum við sangi um morgunin og høvdu gjørt heiðursportur. Takk fyri gávur, heilsanir og fyri talur. Kærar heilsanir Marin og Knud Poulsen NØVN Poul Olsen farin Poul Olsen (vanliga nevndur Pól av Lava), sum var ein av teimum allartrúgvastu gest­um og vinum av Tí føroyska Hús­inum í Kjøpinhavn, er slókn­aður. Hann var fødd­ ur í Vági, men vaks upp í Havn. Hann var vitugur og tók studentsprógv fyrst í 50´unum á VBV. Hann búði tó megin­partin av sini tíð´i Kjøpin­havn. Hann las eitt stutt skifti við Universi­tet­ið á Frúu Plássi. Síðani tók hann arbeiði í privatari hand­ils­vinnu, fyrst í Kjøpin­havn, so í Havn og síðani aftur í Kjøpinhavn. Hann var tal-ekvilibristur og rokn­skapar­kønur sum fáur og var hartil ein kønur og passio­ner­aður bridge- spæl­ari. Hann var ótrúliga lítil­látin og gekk stillisliga um, men hann var vitandi mað­ur og fylgdi sera væl við í øll­ um intellektuellum lívi mill­um føroyskar útisetar. Hann var ógiftur, men sera familjukærur og hann visti væl beskeð um øll síni ættar­fólk, sum hann fegin skifti orð við um kultur og ættar­søgu. Hann var sjáldan tann aktivi luttakarin, men oft­ast tann blídligi eyg­leið­arin, held­ur enn tann mælski debattør­urin. Hann ferð­að­ist nógv og hevði verið í teimum flestu verðins­pørt­um. Hann var disting­verað­ur, vin­sæl­ur mað­ ur og altíð sera kor­rekt­ur. Hann gleddist um tað danska væl­ferðar­sam­fe­lagið, sum Kamp­mann og Jens Otto Krag høvdu skapt, meðan hann var í bestu ár­um. Hann visti væl, at uttan danska sociallóggávu, høvdu fá­tæk­ir pension­istar aldri kunn­að fingið eitt sømu­ligt og fjøl­broytt lívs­kvøld. Tað fekk Pól, og hann frøddist um sín­ar møguleikar í ein­ um væl­skip­að­um væl­ferð­ar­sam­felag. Hann var tess­vegna enga­geraður social­demo­kratur og valdi altíð javn­aðar­ flokkin, bæði her og í Føroyum. Poul gjørdist 84 ára gamal. Friður veri við minninum um ein mætan havnar­mann og ein hollan útiseta! Virgar Dalsgaard 100 ára føðingardagur Tórsdagin 3. september verður Kala Jensen Sumba, búsitandi á Suðuroyar Ellis og Røktarheimi, 100 ár. Dagurin verður hildin frá kl. 14-17. Øll eru hjartaliga vælkomin.