hósdagur 3. september 2015síða 18

FRÍGGJADAGUR 4. SEPTEMBER 2015 SOSIALURIN 101 18 T ríggjar legur fyri børnum og ein familjulega var hetta summarið. Skjótt gingu teir fimm dagarnir, børnini vóru á leguni við bæði álvara og gaman. Beint fyri døgurða hvønn dag vóru tey á bíbliutíma og áðrenn drekka­munnin fyri songartíð fingu tey søgu og sungu sum einglar. Annars gingu dagarnir við spæli bæði úti og inni. Vatnið niðan fyri húsið hevði stóra at­ dráttarmegi, og har róðu tey í kano og svumu. Ella tey vóru í hugnaligu spælistovuni, har alskyns spøl og Lego var, sum teim­um dámdi serliga væl. Og ikki at gloyma útferðirnar og løturnar rundan um bálið ella grill­ irnar. Útferðirnar gingu til grannan, seyðabóndan og gartnaran Lassa, har børnini sluppu at ríða á ís­lendsku hestunum, og síggja hvussu tey ar­ beiddu á garðinum. Tað kundi verið so nógv annað at fortalt frá um leguna og hvussu børnini trivust, men eg haldi at myndirnar siga alt. Leggjast kann afturat, at alt varð tulkað til grønlendskt. SIMONA@SOSIALURIN.FO »Bert ein dropi í havinum« Eg bað Páll Poulsen siga eitt sindur frá arbeiðnum við summar­legunum og húsinum har. Hann greiðir soleiðis frá: – Eg meti, at bæði sjálvur spírin og eisini kjarnan og drív­ megin til at hetta verk – og eisini mong onnur manngóð tiltøk í Grønlandi, ið verða stuðlað úr Føroyum – liggur í trúgvandi føroyskum fiski­monn­um, ið einaferð høvdu sína inntøka í Grønlandi tey góðu fiski­árini – seinni rækjur. Teir komu ikki allir so nógv í beinleiðis sam­band við fólkið, so sum fleiri útróðrarmenn, men eg hugsi, teir allir fingu eina góða hóming av støðuni og gjørdust góðir við hetta landið og hetta fólkið. Eisini konur og børn teirra blivu inndrigin í eina innliving av viðurskiftunum her. Grønlendingar eru eitt so ómeta­liga fitt fólkaslag, og ein kann ikki annað enn gerast góður við teir. Grønlendingar halda eisini nógv av føroyingum. Tað, vit gera, er bert ein dropi í havi – men so er hann ikki eftir. Tað eru mong her í Qaqortoq t.d., sum gera eitt gott sosialt arbeiði, og tey hava vit gott samskifti við. Tað er ikki smávegis peninga­upphæddir, tað almenna brúkar á hesum økinum. Nú fíggjarlógin kemur fyri til heystar verður mett ein hálv milliard um árið. Í ár vóru tvær legur fyri børn úr Qaqortoq, ein lega fyri bygdar­børn og ein familjulega. Vit samstarva í ávísan mun við kommununa og leiga húsini út til kristilig og sosial vælgerandi endamál, har vit sigla og leggja hús til og hava andakt og gudstænastu, men hini annars hava sína egnu legu. Í ár hevur kommunan havt ein legu fyri familjum, ið hava fingið hjálp fyri rúsevnismisnýtslu, Háskúlin hevði í fjør eitt langt vikuskifti, har tey »ristu nýggjar næmingar saman«. Komandi ár hava vit fyrispurning frá Krabbameins­ felagnum og Pensionistafelagnum. Vit kundu hugsað okkum at havt eina legu fyri brekað. Um nakar lesur hesar reglur og ynskir at hjálpa til á onkran hátt, eru tit vælkomin at seta tykkum í samband við okkum á teldu­post­adressuni qaamasoq@gmail.com ella fart. 00299 532414. Tað er ein sjálveigandi stovnur, Qaamasoq, ið stendur fyri bátinum »Juvel«, sethúsunum í Qaqortoq og leguhúsunum. Í nevndini sita: Gotfred Norðoy, skipsførari, Klaksvík, Ragnar Poulsen, skipsførari, Hvalba/Klaksvík, Gordon Martin Modjord, reiðari, Fuglafjørður, Jóanes Norðberg. maskinmeistari, Vágur, og Páll Poulsen, Qaqortoq.« Salurin Matstovan Køkurin FRÁSØGN – Vit gjørdu eina navnakapping, har vit ynsktu eitt grønlendskt navn við trimum stavilsum. Navnið skuldi helst eisini hava ein viðkomandi symbolskan týdning. Valið fall á OQQIFFIK sum merkir lívd – júst sum navnið á sjómansheiminum í Føroyingahavnini! fortelur Páll Poulsen Langt burtur í legobygging