hósdagur 3. september 2015síða 23

FRÍGGJADAGUR 4. SEPTEMBER 2015 SOSIALURIN 101 23 1) Hevur tú veruliga tørv á víðari útbúgving? Um tær dám­ar væl arbeiði, sum ikki krevur víðari útbúgving, far so heldur til arbeiðis. 2) Ikki hugsa um longdina av útbúgvingini, tí um 5 ár, eru 5 ár farin, uttan mun til hvat tú brúkar tey 5 árini til. Munurin er, at tú kann hava verið 5 ár í einum starvi, sum tær ikki dámar, ella tú kann hava fingið lykilin til eitt starv, sum tær dámar væl, við at útbúgva teg. 3) Tú er (næstan) aldrin ov gam­al at fara undir víðari út­búgving. Um tú sum 40 ára gamal tekur eina 5 ára útbúgving, so hevur tú enn minst 25 ár eftir á arbeiðsmarknaðinum. Vil tú heldur verða 30 ár á arbeiðs­ marknaðinum í einum starvi, sum tær ikki dámar? Ella 25 ár í einum starvi, sum tær dámar? 4) Les tað, sum hevur tín áhuga, men minst til at eftir lesnað kemur arbeiði. Tað kann verða mikið gott og áhuga­vert at lesa eskimologi ella egyptologi, men tað verður helst trupult at finna arbeiðið eftir lesnaðin. Les okkurt sum samfelagið, og serliga vinnan, hevur tørv á. Náttúruvísind er grundarlagið undir einum stórum parti av vinnuligu menningini. Tí er altíð gott at lesa okkurt náttúru­ vísindaligt sum verk­frøði, um áhugin og evnini eru til staðar. 5) Set teg væl inn í útbúgving­ ina, útbúgvingarskipanirnar og arbeiðsmarknaðin í landinum, har tú ætlar at lesa. Nógv ganga út frá, at útbúgvingar og ar­beiðsmarknaðurin í øðrum londum eru júst so, sum tær eru í Føroyum og í Danmark, men so er ikki. 6) Tá tú hevur avgjørt at fara undir víðari útbúgving, ver so áhaldandi og arbeið hart. Hald á fram í lesnaðinum og brúka tað tíð, sum skal til, sjálvt um tað verður turt og strævið til tíðir. 7) Minst til at Føroyar er tín móðir, títt land og tín ábyrgd. Ikki spyrja hvat Føroyar hevur at bjóða tær, men kom aftur til Føroyar og hjálp okkum at byggja land. FAR OG LÆR – NÆR ELLA FJAR VÍÐARI ÚTBÚGVING? Vit hava spurt Boga Bech Jensen um 7 góð ráð! Bogi Bech Jensen