hósdagur 3. september 2015síða 36

Fríggjadagur 4. september 2015 sosialurin 101 36 ítróttur Jóannes Hansen A ltjóða fótbóltsheimurin sær við nýggjum eygum upp á smáu fótbólts­tjóð­ irnar norðuri í Atlants­ havi. Ísland er topplið í EM undan­ kappingar bólki A og harvið er sera stórur møguleiki fyri, at Ísland fyri fyrstu ferð nakrantíð skal røkka einum endaspæli uttan mun til, hvussu úrslitið í gjárkvøldið var á útivølli ímóti illa sperda Hollandi. Ísland verður stórfavorittur heima á Laugardalsvøllinum sunnudagin, tá ið Kasakstan fer at vitja í Reykjavík, og Ísland verður aftur stórfavorittur, tá ið Litava fer at vitja í Íslandi 10. oktober. Síðsti dysturin hjá íslendingum í hesi EM undankappingini verður á útivølli ímóti Turkalandi 13. oktober. Um tað eydnast Íslandi at vinna seks stig í heyst, so verður Ísland við í lutakastinum í sambandi við EM endaspælið næsta summar. Tað vekir stóran ans, og tað er ikki so undarligt, tá ið havt verður í huga, at tað er ikki so ógvuliga langt síðani, at Ísland ikki taldist millum hundrað tær fremstu fót­bóltstjóðirnar í heiminum. Á FIFA styrkislistanum, sum varð kunngjørdur í gjár, er Ísland numm­ ar 23. Harvið er Ísland eitt pláss framman­fyri Frakland! Danmark er á 22. plássi og einasta norðurlandið, sum er hægri styrkismett enn Ísland. Ovarlaga á styrkislistanum Í kvøld skulu Føroyar og Lars Olsen royna seg á heimavølli ímóti Norður­ írlandi. Eftir teir báðar sigrar­nar á Grikkalandi fylgir altjóða fót­bólts­ heimurin ógvuliga áhugaður við í, hvussu tað fer at roynast ímóti norður­írum. Teir báðir sigrarnir á Grikkalandi sein­astu tíggju mánaðirnar bera við sær, at Føroyar á FIFA styrkis­list­ anum, sum varð kunngjørdur í gjár, eru nummar 75. Harvið eru nógvar euro­peiskar fótbóltstjóðir, sum altíð hava verið roknaðar stinnari enn Føroyar, lægri á listanum enn Føroyar: Montenegro, Estland, Kypros, Letland, Finnland, Hvítarussland, Makedonia, Litava, Aserbadjan, Moldova og so allar hinar, ið áður hava verið roknaðar at eiga umleið eins stinn landslið sum Føroyar. Eitt nú Luksemborg, Kasakstan, Georgia, Liktinstein, Malta og San Marino. At úrslitini seinastu tíðina hava verið góð og støðug ber við sær, at áhugin fyri landsliðnum er størri og vaksandi. Tað sást eitt nú aftur í, at atgongumerkini til heimadystirnar verða rivin burtur eftir lítlari løtu. At áhugin er so stórur hevur higartil ikki havt við sær, at FSF er fallið fyri freisingini at hækka prísin á atgongu­ merkjunum. Summarið er komið seint í ár, og tað verður roknað við góðum veðri í kvøld, tá ið týski dómarin, Felix Zwayer, fer at bríksla fyri fyrstu ferð klokkan 19.45. Harvið er lagt upp til altjóða brak í Gundadali! Vónirnar og veruleikin Tað verður fullsett kring Tórsvøll í kvøld, og Lars Olsen og hansara menn vita, at tað verður roknað við, at Føroyar skulu megna gott úrslit ímóti Norðurírlandi. Eftir 1-0 sigurin í Grikkalandi 14. november í fjør, er tað tvær ferðir staðfest, at talan var ikki um tilvildarligt úrslit. 1-0 tapið 29. mars á útivølli ímóti Rumenia má roknast at vera meiri enn at liva við, tá ið havt verður í huga, hvussu tíðliga á árinum tað var, og at mótstøðuliðið er á sjeynda plássi á nýggjasta FIFA styrkislistanum. Fantastiski 2-1 heimasigurin ímóti Grikkalandi 13. juni ber sjálvandi við sær, at viðhaldsfólkini rokna við nýggjum glæsiligum úrsliti í kvøld, og at altjóða fótbóltsheimurin bíðar í spenningi fyri at síggja, um tað verður hildið fram við framúr avrikunum, sum føroyska liðið seinasta árið hevur megnað. Tað er einki undarligt í hesum. Lars Olsen, Jóannes Jakobsen og spæl­ararnir tykjast duga væl at liva við hesum veruleikanum, og spæl­ ararnir hava aftur og aftur víst, at teir eru búnaðir, og at teir megna spæli­ stílin, sum danski venjarin miðvíst hevur arbeitt við at fáa teir at skilja og útinna. Føroyar hava tvær ferðir áður megnað javnleik ímóti Norðurírlandi. Fyrra ferðin var á útivølli í Belfast 1. mai 1991, og seinna ferðin var á heima­ vølli 12. oktober 2010, tá ið Christian Lamhauge Holst eftir ein tíma setti hol á, og tá ið Norðurírland javnaði, tá ið tað restaði eitt korter. Fimm av teimum, sum fyri fimm árum síðani vóru við í megnar avrikinum á heimavølli, eru eisini við hesaferð. Teir vóru allir millum teir fyrstu ellivu 12. oktober 2010: Jónas þór Næs, Erling D. Jacobsen, Fróði Benjaminsen, Christian Lamhauge Holst og Jóan Símun Edmundsson. Hesir fimm og allir hinir, sum seinastu dagarnar hava fyrireikað seg til stóru avbjóðingina í kvøld, vita, at møguleiki er fyri at vinna ella at spæla javnt, og at vandin lúrir fyri, at Norðurírland skal endurtaka sigurin á heimavølli. 11. oktober í fjør var úrslitið í Belfast 2-0 heimasigur. Fyrsta løtan verður avgerandi í kvøld. Um tað eydnast at byrgja fyri norðurírsku hvirluvindunum, sum fara at pressa og kroysta føroy­ ing­arnar aftur í egnan brotsteig, og sum ætla sær at leggja nógvar høgar sendingar úr borðunum og inn fyri málið hjá Gunnari Nielsen, so fer at síggja ljóst út. Ikki minst um tað fer at eydnast okkara at sneiða seg úr fyrsta trýstinum og at tora og megna samanspæl niðri á vøll­ inum, og at halda ferðini soleiðis, at heimamenninir hava stundir at hugsa seg um og bjóða seg til. Norðurírland er nummar 41 á FIFA styrkislistanum. Harvið eigur Norðurírland í útgangsstøðuni at verða roknað at vera favorittur í kvøld. Lars Olsen og hansara kosnu hava aftur og aftur víst, at tað ber til at fáa bilbukt við teir stóru. So­ leiðis vóna vit eisini, at tað verður í kvøld. Harvið verður dreymurin enn einaferð veruleiki, og harvið fara bæði føroyingar og øll onnur fram­ vegis at undrast á, at tað skal bera til hjá pinkutjóð á jøvnum føti at bjóða teimum stóru av. Góða eydnu Føroyar – og góða eydnu Ísland! joannes@sosialurin.fo Fótbóltur Landsliðið skal enn einaferð avrika yvir evni, um tað skal eydnast at varðveita plássið millum 75 tær hægst styrkismettu fótbóltstjóðirnar í heiminum Undan- vindurin ber bjartar vónir við sær føroyar vs n.írland Landsliðið