týsdagur 15. september 2015síða 12

Mikudagur 16. september 2015 · Nr. 106 12 Sosialurin Hugskot og viðmerkingar – send sms til 225000 Árni Gregersen – Eg eri sera ótolin og vil hava tingini at henda skjótt – helst her og nú. Nývaldi lands­stýris­mað­ urin við innlendis­mál­um, Henrik Old, dylur ikki fyri, at hann bæði er bráður og ótolin, men hann hevur eis­ ini eina greiða forkláring uppá, hví tað er so. Í mong ár hevur hann siglt sum skipari og tá er mangan neyðugt at taka skjótar avgerðir. – Tá ber sjáldan til at bíða. Avgerðirnar mugu takast, so tingini kunnu henda, sigur hann. Tá ið Aksel V. Johanne­ sen, løgmaður, valdi at seta Henrik Old sum lands­stýris­ mann, so visti hann væl, at hann fær ein mann við sera drúgvum royndum, bæði úr politikki og úr vinnulívinum. Henrik Old var fyrstu ferð valdur á ting í 1984. Burtursæð frá tíðar­skeið­ num frá 2008 til 2011 hevur samanhangandi sitið í Løgtinginum. Hann hevur røkt fleiri nevndar­sess­ir, og hann hevur eisini verið for­ mað­ur í nevnd­um, um­framt at hann hevur veirð for­mað­ ur í Útnorður­ráð­num. Strandferðslan Javnaðarflokkurin fekk tríggjar tingmenn valdar í Suður­oynni. Umframt Henrik Old vóru Kristin Michelsen og Bjarni Hammer valdir. Beinanvegin hetta var kent fór tos í gongd um, hvat nú fer at henda við Strand­ferðsluni, tí fleiri lyftiur vóru í valstríðnum giv­in um sambandið millum Suður­oynna og restina av Føroyum. Nú er landsstýrismaðurin so settur, sum eisini hevur Stgrandferðsluna sum málsøki. – Tað er sjálvandi lætt­ ast fyrst at tosa um Strand­ ferðsluna, sigur Henrik Old, tá ið hann verður spurdur um, hvørjar raðfestingar­ tankar hann hevur gjørt sær nú hann fer í Tinganes. Hann vil ikki beinleiðis raðfesta enn, hvat fer at henda. – Eg fari sjálvandi fyrst og fremst at lurta meg fram til, hvat tað er, tey sum bruka Smyril vilja hava. Tað ber ikki til at gera nakað, sum fólkið ikki vil hava. Hann vísir á, at ein fund­ ur er í kvøld í Hovi um hvat brúkararnir av Smyrli ynskja. Hvussu tey kundu hugsa sær, at hann skal sigla. – Tí umframt ferðafólkini, so er tað eisini vinnulívið í Suðuroynni, sum hevur tørv á farma­flutningi, sum passar til av­skipignarnar, leggur ný­valdi landsstýrismaðurin afturat. Eisini ferðavinnan hevur tørv á betri sambandi til Suður­oyar. Í tí sambandi nevnir Henrik Old eisini, at tað er sjáldan bussar við ferðafólki koma til Suður­ oyar, tí prísurin at fáa ein buss við til Suðuroyar er so høgur. Í sambandið við, tá ið Smyril leggur at í Havn, so heldur hann at viðurskiftini eru vánalig og ofta hættislig, tá ið farmur og ferðafólk koma í land í senn í sama stað. – Har ætli eg at seta meg í samband við býráðið í Havn og vita um vit ikki kunnu finna eina betri loysn, sigur hann. Tunnlar og Landsverk Stóri almenni stovnurin Lands­verk hoyrir eisini undir landsstýrismannin við inn­lendis­málum. – Tað ræður um at tryggja hendan stovnin, so ró fæst kring hann so hann fær gjørt sítt arbeiðið, sigur Henrik Old. Hann vísir á, at seinnu árini hevur tað haltað álvar­ sliga við viðlíkahaldi hjá tí almenna – bæði við bygn­ing­ um og vegum og lendingum. Tað er sum tað er lættari at fáa pening til nýgerð enn til viðlíkahald. – Her noyðast vit at seta meira pening av, so tingini ikki forfella. Hendir tað, so verður upptakið so mikið nógv størri og dýrari, sigur hann. Nývaldi lands­stýris­mað­ urin sigur, at tað higartil hev­ur gingið so væl at gera Viðareiðis­tunnilin, at hann verður liðugur fyrr enn ætlað. – Tí vænti eg eisini, at vit kunnu fara undir Hvalbiar- tunnilin fyrr enn ætlað. Tað er neyðuugt fyri alt vinnulív í Hvalba, at tunnilin verður gjørdur tíðarhóskandi. Tað hevur fleiri ferðir verið havt á lofti um Hvalbiar­tunnilin ella tunnlar­nir Norður um Fjall skulu gerast fyrst, men eftir hvat nýggi lands­stýris­ mað­urin sigur, so verður Hvalbiar­tunnilin gjørdur fyrst. Arbeiðsmarknaðarmál Nývaldi landsstýrismaðurin hevur eisini eitt annað máls­ øki afturatsær, sum kann hava stóra ávirkan á ger­ andis­dagin hjá mongum føroy­ingum. Arbeiðsmarknaðurin hevur nógv ymiskt, men tað sum liggur fremst hjá Hnerik Old er barnsburðarfarloyvi. – Eg havi havt óteljandi røður frá tingsins røðarapalli um barnsburðarfarloyvi. Tað ætli er mær at fáa longt. Málið er til eitt ár, men kanska verður tað gjørt í tveimum stigum, sigur hann. Hann undirstrikar, at allar ábøtur sum hann nevnir, sjálvandi eru tengdar at fíggjarstøðuni hjá landinum. Bráður sum fáur Landsstýrismaürin við innlendismálum og harvið eisini samferðslu, Henrik Old, Javnaðarflokkurin, vil hava tingini at henda skjótt Nýggjur landsstýrismaður Henrik Old Mynd: Álvur Haraldsen