hósdagur 17. september 2015síða 4

Fríggjadagur 18. september 2015 sosialurin 107 4 Fólkatalið í Føroyum setur met, men tvey øki hava afturgongd 1. august í ár kom fólkatalið í Føroyum fyri fyrstu ferð upp um 49.000 fólk. Hagstova Føroya gjørdi fólkatalið upp til at verða 49. 179 fólk, og hetta er met. Seinasta 12-mánaðir tíðarskeiðið vaks fólkatalið við 539 fólkum og svarar til 1,1 prosent. Flestu økini í landinum uppliva framgongd í fólkatalinum. Norðoyggjar, Eysturoy, Streymoy, Tórshavnarøkið og Sandoy hava øll havt fólkavøkstur seinasta árið – millum 0,9 og 1,6 prosent. Vága sýsla og Suðuroyar sýsla hava havt afturgongd í fólkatalinum seinasta árið. Í Vágum gjørdust tey tvey fólk færri, og í Suðuroy minkaði fólkatalið við 44 fólkum. Tá ið tað kemur til kommunurnar, hevur Sunda kommuna havt størst framgongd. Har vaks fólkatalið við 4,1 prosentum. Sands kommuna vaks við 3,4 prosentum. Ummælari á tíðarritinum Gaffa er stórliga hugtikin av nýggjum útgávum hjá Eivør Pálsdóttir Eivør Pálsdóttir er nú aktuell við tveimum nýggjum útgávum. Fyrr í ár kom enskmælta útgávan Bridges og nú kemur føroysktmælta Slør. Útgávur eru nær skyldar, tí tær eru gjørdar í sama tíðarskeiði og partur av somu sangskrivaratilgongd. Tíðarritið Gaffa, sum skrivar um og ummælir tónleik, hevur lurtað eftir báðum útgávunum hjá Eivør, og har er eingin ivi. Útgávurnar fáa báðar sera gott skoðsmál, og í báðum førum letur Gaffa 5 stjørnur í ummælinum. Har Bridges er ljós og langtandi, er Slør meira rá og reflekterandi. Bridges ber dám av heimlongsli, vinskapi og kærleika. Plátan viðger brúgvarnar okkara millum; sambond millum menniskju, støð og tingini, ið vit ávirkast av. Slør ber hinvegin brá av útlongsli og tráan eftir frælsi. Eitt slør kann vera súmbol uppá markið millum hitt núverandi og tað farna, og eitt brúðarslør verður ofta sæð sum eitt súmbol uppá eydnu og yvirgeving. Eivør er sostatt í einum produktivum og kreativum tíðarskeiði og hevur stóra viðgongd í m.a. Týsklandi, har hon hevur spælt yvir 50 konsertir í 2015. Í næstu viku fer hon við bólki á konsertferð í Danmark. Vikan ið fór Sæð á Facebook: »Eg eri stórliga bangin fyri at Sonja hevur gjørt sjálvmál í fyrsta minutti av dystinum« Sæð á Facebook: »Um tú ivast í, hvat tú skalt gera við títt lív; ivast so bara í frið og náðum, inntil tú ikki ivast longur« Hesa vikuna er nýggj samgonga endaliga skipað og staðfest í løgtinginum, har Aksel V. Johannesen varð valdur til løgmann, og sjey landsstýrisfólk vóru sett. Á fyrsti degi hjá nýggju samgonguni, datt burtur av undirtøkuni, tí Sonja Jógvansdóttir tók seg úr Javnaðarflokkinum. Hon var misnøgd við, at tað ikki varð nevnt í samgonguskjalinum, at hjúnabandslógin skuldi broytast. Hon segði seg tó framvegis stuðla samgonguni, sum harvið varðveitti meirilutan. Samgongan fekk aftur meiriluta, tá ið Annika Olsen, sum fór úr Fólkaflokkinum, hósdagin fór upp í Framsókn. (stjm.) stjórnarflokkar, landsstýrisflokkar B36 vinnur føroya– ±meistaraheitið í mansfótbólti Aksel V. Johannesen verður valdur til løgmann. Nýtt landsstýri við sjey fólkum verður mannað. Janus Petersen fer úr starvinum sum stjóri í BankNordik. Árni Ellefsen tekur fyribils við. Páll á Reynatúgvu verður valdur til løgtingsformann. Matvørurisarnir P/F Poul Hansen og SP/F Haraldsen leggja handlarnar saman í eitt felag. Sonja Jógvansdóttir meldar seg úr Javnaðarflokkinum, júst sum samgonga er skipað. Annika Olsen fer upp í Framsókn Sámal Erik Hentze er nýggjur venjari í Víkingi. »Samgonga« Vágar og Suðuroy minka Eivør gevur gásarhold Mest nýtta orðið hesa vikuna ...uppá ein minutt fólk búðu í Føroyum 1. august. Hetta er tað mesta nakrantíð 49.179 mangt og hvat Visti tú? at 45 sessir eru í teimum 7 høvuðsnevndunum í løgtinginum Fimm stjørnur Fólkatalið Eivør er aktuell við tveimum útgávum í ár Fólkatalið í Føroyum hevur havt fittan vøkstur seinasta árið og setur nú met