hósdagur 17. september 2015síða 8

Fríggjadagur 18. september 2015 sosialurin 107 8 seinastu tíðina um, hvat rættast er at gera. Vit hava arbeitt við at tillaga strategiina síðani mars, og hava eisini sett tiltøk í verk – millum annað hava vit sett íslendska tryggingarfelagið Vørð til sølu, tí tað er ein einsamøll fyritøka, sum ikki passar inn í heild­ ina í bankanum. Í sambandi við hetta arbeiðið gjørdust vit samd um, at okkara vegir skulu skiljast, sigur Janus Petersen, sum ikki vil greiða nærri frá tí tilgongd, sum hevur verið síðan nevndarskiftið. Í samrøðu við eitt nú finans.dk hevur nevndarforkvinnan, Stine Bosse, sagt, at nevndin og forstjórin vóru ósamd um framtíðarætlanirnar hjá bankanum. Og júst tað er orsøkin, sambært Janusi Petersen. Tá nevndin varð send til hús í mars mánaði, var tað eitt slag av uppreistri móti tí strategi, sum undanfarna nevnd og frá­farandi forstjórin hava staðið á odda fyri. – Tað er eingin ivi um, at Janus er faðir at tí strategi, sum bankin hevur havt. Vit hava kjakast um, hvussu framtíðarstrategiin skal vera, og út frá teimum samrøðunum, vit hava havt, eru vit samd um, at her steðgar samstarvið.(..) Tað er ein púra vanlig av­leiðing av, at vit hava ymiskar met­ingar um, hvat er rætt at gera strategiskt, sigur Stine Bosse við donsku heimasíðuna. Grundleggjandi ósamd um framtíðina Hóast Janus Petersen hevur verið ein stórur partur av tí strategi, sum bankin hevur ment síðan nevndin varð skift út fyrr í ár, so eru nakrar grundleggjandi ósemjur, sum hava elvt til, at fyrrverandi forstjórin leitar aðrar vegir. – Tú kanst siga, at grundleggjandi ósemjan snúði seg um, hvussu tú sært upp á BankNordik. Eg havi seinastu árini arbeitt við einum longri tíðarhorisonti fyri hvussu bankin skal menna seg, sigur Janus Petersen. Tær langtíðarætlanirnar, sum hava verið lagdar fyri dagin, hava bundið kapital í bankanum. Og tá peng­arnir hava verið brúktir upp á íløgur at menna bankavirksemi, so hevur tað merkt, at partaeigararnir tey seinastu árini bert hava fingið sera lítið í vinningsbýti, meðan virk­ semið hevur verið bygt upp. Og tað er her, at hundurin er grivin. – Nýggja nevndin boðaði alment frá, at partaeigararnir skuldu hava størri vinningsbýti. Hetta var sera jaligt, og partabrævakursurin er eis­ ini bøttur nógv seinastu tíðina. So vit vóru grundleggjandi samd um strateg­iska rætningin, men kanska ikki í øllum lutum, sigur Janus Peter­ sen, hvørs strategi hevur verið at nýta kapital til at byggja bankan upp til eina enn størri fyritøku upp á longri sikt. Tá ið nýggja nevndin kom til, vórðu langtíðarætlanirnar hjá bank­ anum, sum vórðu stungnar út í kort­ ið, endurskoðaðar, og bankin er nú fyri stórum broytingum í mun til upp­runaætlanina. – Tað, sum í veruleikanum er hent í hesum er, at nýggja nevndin hevði eina aðra ætlan fyri bankan enn undan­farna nevndin. Og bankin varð tí útsettur fyri broytingum, sum man ikki hevði væntað, sigur Janus Petersen. Nýggja strategiin er at avmarkað fyritøkuna Ein liður í nýggju strategiini, sum nevnd­in hevur sett út í kortið í hesum sam­bandi er, at vinnuliga virksemið í Dan­mark og tryggingarfelagið í Íslandi skulu niðurleggjast. Hetta tí, at so verður peningur leysgivin til part­eigararnar. – Eg havi verið við til at gjørt strategiina, og eg ivist ikki í, at hon eisini fer at vera góð fyri fyritøkuna, sigur Janus Petersen. Hann er tó ikki heilt samdur í per­ spektivinum, men ásannar, at tað er bert ein spurningur um, hvussu tú velur at menna bankan framyvir. – Eg havi í mínum starvi verið fram­skygdur og roynt at bygt eina sterka fyritøku, sum tað føroyska samfelagið kann vera errið av. Og summi eru samd í mínari strategi og onnur ikki. Men eg eri errin av mín­ari tíð sum forstjóri, sigur Janus Petersen. Hóast nýggja nevndin hevur lagt aðrar ætlanir fyri dagin, so er Janus Petersen sannførdur um, at BankNordik eisini framyvir fer at menna seg tann rætta vegin. – Tað er lagt grundarlag fyri, at BankNordik kann menna seg til eina enn sterkari fyritøku, enn hon er í dag. Og tað trúgvi eg framvegis fer at henda, sigur Janus Petersen. Samanumtikið eru ein persónlig og ein faklig orsøk til, at andlitið hjá BankNordik seinastu 10 árini takkar fyri seg. Á tí persónliga vonginum hevur Janus Petersen leingi spælt sær við tankanum um at royna aðrar leiðir, og nú stevið ikki var av tí allar besta, nýtti hann høvið at fara undir at royna seg á øðrum frontum. Á tí fakliga økinum er orsøkin, at tað er ein balansa millum vinningsbýti og at vaksa um fyritøkuna, og júst hvar tann balansan er, eru partaeigarar og fyrr­verandi forstjórin ikki samd um. – Eg vildi heldur vaksa um fyri­tøk­ una, men hetta er so bara ein annar máti at gera tað uppá, vísur Janus Petersen á. Hann afturvísir, at hann skal hava verið koyrdur úr starvinum. – Tað er ikki bara hetta málið snýr seg um. Vit eru ikki samd, og tá eg eri 56 ára gamal, so havi eg ikki mett tað rætt at nýta orku upp á at leggja eina framtíðarætlan, sum ikki øll eru eins spent uppá. So vil eg heldur gera nakað annað, sigur hann. Men júst hvat framtíðin hevur at bjóða er enn óvist. – Eg líði onga neyð, so eg fari at nýta komandi tíðina til at síggja, hvat framtíðin hevur at bjóða mær. Tað er sera spennandi tíðir fyri framman, sig­ur ein glaður Janus Petersen, sum eftir 10 ár í almenna rúminum nú ikki long­ur er talsmaður fyri BankNordik. barbara@sosialurin.fo BankNordik heldur fram í strategiskum sporskifti »Tað er sjálvandi keðiligt at fara frá í einum slíkum tíðar skeiði, tá ið tú verður lagdur undir kritikk fyri tað tú gert« Nýggjar leiðreglur frá Fíggjar­eftir­ lit­inum eru ávegis, og bankin metir tørv vera á at minka um váðan á vinnu­markn­aðinum. Árni Ellefsen verð­ur fyribils settur í starv sum for­stjóri eftir Janus Petersen, sum fer frá. Nevndin í BankNordik hevur tikið síðsta stigið í fráboðaðu strateg­isku ætlanini, ið leggur høvuðs­dent á bankavirksemi sam­taks­ins. Á nevndarfundi 16. sep­tember 2015 er avgerð tikin um at seta vinnulívspartin av banka­virk­seminum í Danmark til sølu. Fyrr í ár varð tryggingarfelag bank­ans í Íslandi, Vørður, lýst til sølu. Sam­ráð­ingar eru í gongd, og vænt­andi verður ein loysn funnin innan árslok. Nevnd bankans ynskir eitt til­ lagað fokus fyri bank­an. Á økinum inn­an privatar banka­kundar hev­ur stødd alstóran týdn­ing, og BankNordik er við síni støðu sum størsti útbjóðari í Føroyum, við 20% av marknaðinum í Grøn­landi og við einum skjótt vaks­andi marknaðarparti í Dan­ mark ein áhugaverdur aktørur á hesum marknaðum. Við­víkj­andi manna­gongdum og tænastu­út­ boði vantar ágóðin av samstarvi tvørtur um landamørk framvegis at verða heystaður. Hetta fer at henda so líðandi komandi árini. Nýggjar leiðreglur frá Fíggjar­ eftirlitinum eru ávegis og innibera, at bankin á vinnuøkinum hevur tørv á at minka um váðan. Har­ umframt ynskir bankin at minka um samfelagsváðan í sam­bandi við vinnufígging uttan­lands. Tískil fer nevndin at leggja dent á fram­ haldandi at menna ser­kunn­leika bankans í Norður­atlants­havi, og í hesum sambandi er møguleiki fyri at gagnnýta fyri­munir við sam­ starvi og ser­kunn­leika um ymiskar vinnur og sam­felags­viðurskifti. Ein nýggjur forstjóri skal standa á odda fyri hesi ætlan. Hes­ um tekur Janus Petersen undir við, og tískil eru nevndin og núverandi for­stjórin komin ásamt um, at sam­starvið millum partarnar heldur uppat. Árni Ellefsen, fíggjar­stjóri, tekur við starvinum sum fyribils settur forstjóri. »Bankin skal nýta sína orku, har hon skapar størst virði fyri kundar og íleggjarar. Hetta er høvuðs­endamálið við strategiska spor­skiftinum,« sigur nevndar­ for­kvinna bankans, Stine Bosse. Hon takkar samstundis Janusi Petersen fyri gott samstarv og stóra arbeiði hansara fyri bankan sein­astu 21 árini, harav seinastu tíggju árini sum forstjóri. Í Norðuratlantshavi skal Bank Nordik á sama hátt sum higartil geva sítt íkast til at stuðla undir jaligu búskapargongdina. Bankin skal veita privat- og vinnukundum í Føroyum og Grønlandi eina dygdar­góða tænastu umframt at stuðla undir ta altjóða menning, ið nógvir kundar longu eru – ella eru um at verða – partur av. Sum áður boðað frá væntar BankNordik at kunna gjalda íleggj­ ar­unum eitt serligt vinningsbýti, tá strategiska ætlanin er endaliga framd. Umskipanin av danska virk­sem­inum til at fara frá vinnu­ virk­semi til bert at fevna um privat­kunda­marknaðin verður væntandi framd uttan uppsagnir av starvs­fólkum. Nýggju strategisku avgerðirnar broyta ikki væntanirnar til úrs­ litini, ið seinast vórðu kunngjørd í sam­bandi við hálvársúrslitið pr. 30. juni 2015. BankNordik Mynd: Álvur haraldsen Janus Petersen, fyrrverandi forstjóri í BankNordik persónssøga Tíðindaskriv