hósdagur 24. september 2015síða 6

Fríggjadagur 25. september 2015 sosialurin 110 6 persónssøga – Fólk royna at fáa meg frá sum lærara. Mín familja er munnliga álopin fleiri ferðir. Eg mundi sjálvur blivið sligin niður. Alt orsaka av, at eg eri kristin og havi stillað upp fyri Miðflokkin, sigur Rani Skaalum, sum spyr hvar toleransan móti teimum trúgvandi er blivin av Blivið í lagi at niðra kristin Rani Skaalum Barbara Holm S einastu vikurnar hava vit hoyrt nógv um happing í fólkaskúlanum. Um munnlig álop á politikarar og um tað almenna trýstið, sum verður lagt á tey, sum halda ella gera okkurt óvæntað ella óvanligt. Ein, sum kennir til persónliga kostn­aðin av at stilla seg fram og hava eina hvassa meining, er 31 ára gamli Rani Skaalum úr Havn. Í 2011 stillaði hann fyrstu ferð upp fyri Mið­flokkin, og síðani gjørdi hann tað sama til løgtingsvalið 1. september í ár. Ikki óvæntað, er Rani av tí áskoðan, at hjúnaband er millum mann og kvinnu, og hann er ein teirra, sum al­ ment hevur ført fram, at hann ikki ynskir at broyta hjúnabandslógina. Men tann áskoðanin hevur ikki verið kostnaðar­leys. – Persónligi kostnaðurin fyri at stilla seg fram og siga sína meining er høgur í Føroyum. Eg spyrji onkuntíð meg sjálvan – hvar er tolsemi mót­ vegis teimum við øðrum meining­um, sigur Rani Skaalum. Tað botnar fyri tað mesta í kjak­ inum um tey samkyndu. Skal ein broyting gerast í hjúnabandslógini, sum loyvir tveimum av sama kyni at giftast borgarliga, ella ikki. Og sprottið úr tí kjakinum er komið eitt nýtt orð, sum Rani heldur hann er faðir at. Tolsemisman. – Tað er nærmast vorðin ein víð­ gongdur átrúnaður. Tað, at vera tol­ samur og liberalur, sigur Rani. Fyri summi ljóðar tann isman sum nakað jaligt, men Rani er ikki so sann­førdur. Sjálvur metir hann seg vera júst tolsaman, men merkir ikki sama tolsemi móti sínum hugsanum, tá ið umræður eitt nú rættindi hjá sam­kyndum. Fyri summi tykist tað sum tolsemi er ein einvegis motor­vegur. Vit skulu vera tol­ som kosta hvat tað kosta vil, meðan onnur ikki nýtast at vísa sama tolsemi fyri okkum »trúgv­ andi« »Persónligi kostnaðurin fyri at stilla seg fram og siga sína meining er høgur í Føroyum. Eg spyrji onkuntíð meg sjálvan – hvar er tolsemi mótvegis teimum við øðrum meiningum« Framhald á næstu síðu