hósdagur 24. september 2015síða 42

Vinnublaðið hjá miðlahúsinum September 2015 10 6 Eirikur Lindenskov – Eg taki tað sjálvandi sum eitt herða­klapp, at Stine Bosse hevur tosað so positivt um meg. Og ja. Eg taki sjálvandi av, um valið fellur á meg, og nevndin heldur, at eg eri tann rætti. Tað sigur Árni Ellefsen, fyrbils­ settur forstjóri í BankNordik, tá vit hitta hann í nýggja høvuðssæti bank­ans á Oknarvegi við Hálsatjørn í Havn – og vit spyrja hann, um hann væntar sær at verða settur í starvið, tá forstjórin endaliga skal setast. Sum fíggjarstjóri seinastu fýra árini hevur Árni Ellefsen verið partur av leiðslubólkinum í BankNordik. Í leiðslu­bólk­ inum vóru báðir stjórarnir, Janus Petersen, forstjóri, John Rajani, stjóri, kredittstjórin, íløgu­stjórin og fíggjar­stjórin, sum var Árni Ellefsen. Nýggi setti forstjórin er út­búgvin grann­skoðari. Ikki bara sum van­lig­ur grannskoðari, men hann er ríkis­góð­ kendur grannskoðari – ella stats­ autoriseraður revisor. Hann fór í læru hjá KPMG í Keyp­ mannahavn í 1986. Samstundis tók hann HD og cand.merc.aud, sum er tað ástøðiliga í sambandi við próv­ tøk­una sum ríkisgóðkendur grann­ skoðari. Tann sætti ríkisgóðkendi Hann flutti heimaftur til Føroya í 1996 og fór í starv hjá KPMG, sum var grann­skoðaravirkið hjá pápanum, Paula Ellefsen. Kona hansara, Ann Danielsen, er útbúgving lækni og tók turnus í Føroyum. Tey fóru niður aftur til Danmarkar 2000. Í 2001 tók hann próvtøkuna sum statsautoriseraður revisor. Tað er ein sera krevjandi próvtøka, sum bara nakrir fáir føroyingar hava tikið undan honum – Carl Vilhelm Weihe, Pauli Ellefesen, Jógvan Sundstein, Klaus Rasmussen og Jógvan Amonson. Onkur annar føroyingur, sum býr og starvast uttanlands, hevur eisini tikið útbúgvingina. At gerast bankastjóri er ikki sum at taka við einum og hvørjum øðr­ um starvi. Tú skalt kannast út í odd og egg og liva upp til alskyns treytir, hava reina revsiváttan og siga frá tær ymisk álitisstørv. Árni Ellefsen hevur eis­ini deponerað sína grann­skoðara­ góð­kenning. Ítøkiliggera langtíðarætlanina Árni Ellefesen leggur dent á, at hann bara er fyribils settur stjóri, og tí heldur hann seg ikki til at siga ov nógv um framtíðar leiðslu bankans. – Nevndin hevur valt at broyta langtíðarætlan, sum í høvuðsheitum gongur út upp á at halda fram sum vit hava gjørt í Føroyum og Grøn­ landi, meðan vit í Danmark siga frá okk­um vinnupartin og bara savna okk­um um privatkundar – og at vit selja tryggingarfelagið í Íslandi frá, sigur Árni Ellefsen. – Uppgávan hjá leiðsluni verður so at ítøkiliggera hesa langtíðarætlan í tøttum samstarvi við nevndina, sig­ ur hann. Tað er ikki uttan orsøk, at bankin broytir langtíðarætlan og sigur frá sær vinnuparin í Danmark. Tí í 2017 verða krøvini til peningastovnar herd munandi. Tað hevur nakað við at gera, at 20 tey størstu útlánini hjá bank­anum ikki mugu vera størri enn eitt vist, og tað hevði ávirkað víðari­menn­ingina hjá bankanum í Føroyum og Grønlandi eisini. Árni er eitt gott boð Hóast Árni Ellefsen leggur dent á, at hann er bara fyribils settur banka­ stjóri, so hevur Stine Bosse, nevndar­ forkvinna í BankNordik, tó sagt, at Árni Ellefsen er meira enn fyribils­ stjóri. – Hann skal sjálvandi metast í mun til tað, sum er at finna á marknað­inum. Eg haldi, at hann er eitt rættiliga gott boð, og eg eri ógvu­ liga nøgd og glað fyri, at hann hevur tikið við fyribils stjóra­starv­inum. Men tað er greitt, at vit skulu vera 100 pro­sent vís í, at hann er tann besti mað­urin, segði Stine Bosse við Ritzau Finans eftir nevnd­ ar­fundin næst­síðsta mikudag, tá stjóra­skiftið varð kunngjørt. Stine Bosse hevur eisini sagt, at forstjórin sjálvandi skal kenna fíggjar­geiran í Føroyum og eisini at hann so ella so skal hava tilknýti til Føroyar. Nevndarforkvinnan væntar, at stjórastarvið endaliga verð­ ur mann­að innan tveir til tríggjar mánaðir. eirikur@sosialurin.fo Árni Ellefsen Taki av um valið fellur á meg Árni Ellefsen er stettur at stjórna BankNordik, eftir at Janus Petersen fór frá sum forstjóri í síðstu viku. Nevndarforkvinnan Stine Bosse sigur, at Árni Ellefsen er eitt gott boð upp á nýggjan stjóra, men tað verður helst ikki uttan kapping Um 150 fólk starvast í nýggja høvuðssætinum hjá bankanum á Oknavegi við Hálsatjørn í Havn Hækkaði góðar 130 milliónir í virði Mikudagin í síðstu viku gjørdi kursurin hjá BankNordik eitt ordans lop. Tá parta­bræva­marknaðurin í Keypmannahavn læt aftur týskvøldið, var kursurin á BankNordik parta­brævinum 135,5. Mikudagin kom fráboðanin um strategi- og stjóraskiftið, og tá parta­bræva­marknað­urin lat aftur mikukvøldið var kursurin lopin upp á 150. Virðið á bankanum vaks sostætt hendan mikudagin við yvir 130 milliónum krónum upp í góðar 1,45 milliardir krónur. Seiansta hálva árið ella so hevur kursurin ligið um 125. Hyggja vit at øðrum bankum í Norðurlondum, so var eingin, sum gjørdi nærnámind so stórt lop hendan dagin, sum BankNordik. Tað kann so tulkast sum um, at marknaðurin trýr upp á nýggju ætlanina hjá nýggju nevndini í BankNordik. Ríkisgóðkendir feðgar Eins og pápin, Pauli Ellefsen sáli, fyrrverandi løgmaður, er Árni Ellefsen ríkisgóðkendur grannskoðari. Hann hevur starvast í nógv ár í grannskoðaravirkinum hjá pápanum, ið byrjaði sum »Grannskoðarastovan Pauli Ellefsen«. Hetta grannskoðaravirkið fekk í 1998 navnið KPMG og í 2006 Spekt. Pauli Ellefsen flutti heim til Føroya við familju í 1971, og tá arbeiddu hann og Jógvan Sundstein saman í felagnum Sundstein & Ellefsen. Báðir vóru teir ríkisgóðkendir grannskoðarar. Men teir fóru hvør til sítt í 1975. Jógvan Sundstein varð valdur á ting fyri Fólkaflokkin í 1970, og Pauli Ellefesen fyri Sambandsflokkin í 1974. Nakað eftir, at Pauli Ellefsen eisini fór upp í politikk, býttu teir viðskiftafólkini millum sín og stovnaðu hvør sítt virki. Virkið hjá Jógvan Sundstein bleiv til Inpact og varð fyri nøkrum árum síðani lagt saman við Nota (gamla grannskoðaravirkið hjá Carl Vilhelm Weihe) til grann­skoðara­virkið Januar.