hósdagur 1. oktober 2015síða 6

FRÍGGJADAGUR 2. OKTOBER 2015 SOSIALURIN 113 6 LÍV Í BÝIN Men ætlar nakar at keypa okkurt av teimum til eitt Pizzaria, ella eina skrivstovu, verða tey vend í hurðini ÁKI BERTHOLDSEN T órshavnar Kommuna fer nú at selja trý hús mið­ skeiðis í Havnini. Í hesum hevur Býráðið samtykt at selja gamla barnagarðin á Vípuvegi á Konmansmýri, umframt tey bæði húsini í sjálvum miðbýnum, nevniliga húsið í Niels Winthersgøtu, har íverksetarahúsið, Hugskotið, heldur til, og húsið í Tórsgøtu, har húsaseljarin, Skyn, helt til. Tað er Tróndur Sigurðsson, for­ mað­ur í byggi- og býar­skipanar­ nevnd­ini hjá Tórshavnar Býráði, sum hevur troka á a selja hús hjá komm­un­uni, og sum hevur lagt tað fyri býráðið. Hann sigur, at býráðið hevur leingi tosað um at selja tær ognir, kommunan eigur í miðbýnum, men tað kom ikki longur. – Tað er ómetaliga keðiligt fyri býarlívið, at kommunan sjálv liggur á so nógvum ognum í býnum, og endamálið hjá okkum er at geva borgarunum býin aftur, sigur hann. Tí vildi hann nú hava málið fyri býráðið fyri at fáa gongd á, og tað varð eisini samtykt við stórum meiriluta at selja tey trý húsini. Men samstundis varð gjørt greitt, at býráðið fer at tilskila sær fullan rætt til at vraka øll tilboðini, lýkur keyparin ikki ávísar treytir, býráðið fer at seta. Og ein treyt verður, at húsini skulu ikki brúkast til skrivstovur, ella til annað virksemið, har ljósið verður sløkt klokkan 16 um dagin, so at tað liggur steindeytt og myrkt alt kvøldið og alla náttina. – Kemur nakar og ætlar at keypa sær eitt av húsunum til eitt Pizzaria, ella eina skrivstovu, verða tey vend í hurðini, leggur Tróndur Sigurðsson, dent á. Hann heldur, at tað er nóg mikið av tí virkseminum í miðbýnum. Tvørturímóti samtykti býráðið at leggja søluna soleiðis til rættis, at húsini skulu brúkast til bústaðir, í hvussu so er fyri ein stóran part. – Endamálið er, at fáa fólk at búseta seg í sjálvum býnum. Men Tróndur sigurðsson sigur, at talan kann eisini verða um at hava okkurt útvent, vinnuligt virksemi í veghæddini. – Serliga húsið, har Skyn helt til, er serstakliga væl hóskandi til eitthvørt útvent virksemi í teirri niðastu hæddini, og annars ivist eg í um nakar vil búgva í veghæddini í tí húsinum, sigur hann. – Tað vísir seg eisini, at tað er samanrenningin ímillum bústaðir og vinniligt virksemi, sum riggar best. Tróndur Sigurðsson leggur dent á, at í næstum skulu fleiri ognir hjá kommununi seljast og tað fer ikki at ganga drúgv tíð, áðrenn fleiri hús verða seld, sigur hann. Tað skal verða lættari at útvega bústaðir í Havn ÁKI BERTHOLDSEN Nú skal tað verða lættari at útvega bústaðir mitt í Havn. Tórshavnar Býráð hevur nevniliga samtykt at broyta byggisamtyktina fyri at gera tað lættari at byggja bústaðir í teimum økjum, sum enn eru óbygd, millum tey sethúsaøki, sum longu eru. Tróndur Sigurðsson, formaður í byggi- og býarskipanarnevndini hjá Tórshavnar Býráð, sigur, at eitt nú skal tað bera til at byggja hús í trimum hæddum, har lendið er soleiðis háttað, at tað fellur natúrliga inn, uttan at verða til ampa fyri grannar. - Tað skal eisini bera til at hava eina eyka íbúð í tvíhúsum á sama hátt sum í stakhúsum, sigur hann. Samstundis skal tað bera til at frábýta hvørja íbúð, so at hon verður ein sjálvstøðugur bústaður. Sum støðan er nu, ber einans til at byggja stakhús, sum eisini kunnu hava eina minni íbúð. Men hin kann ikki frábýtast sum eigaraíbúð. Tað ber eisini til at fáa serligt loyvi til at tvíhús og raðhús til eitt húski. Men Tróndur Sigurðsson sigur, at nú skal tað so bera til at gera fleiri íbúðir í slíkum húsum, og at frámatrikulera tær í sjálvstøðugar bústaðir. Tað skal eisini bera til at gera stórar bygningar um til bústaðir, men hinvegin fer ikki at bera til at gera vanlig sethús til fleiri íbúðir. - Endamálið við hesum er at fáa fleiri fólk í sjálvan býin at búgva, sigur formaðurin í byggi- og býarskipanarnevndini. Hann sigur, at broytingarnar umfata ein stóran part av Havnini og at tað nú verður lættari at útvega bústaðir í havn, er í fullum samsvari við ætlanina hjá býráðnum at fáa meiri lív í býin. Annars er Havnin bara farin at breiða seg út um allar geilar, og Tróndur Sigurðsson sigur, at tað verður neyðugt at byggja tættari, eisini fyri at fáa meiri lív í inni í býnum. SELJA TRÝ HÚS MITT Í HAVN Tórshavnar Býráð broytir reglurnar fyri at byggja bústaðir fyri nakrar partar í Havn Húsið, har Skyn helt til í Tórsgøtu, er eitt av húsunum, sum nú verða seld, men tað skal ikki brúkast til Pizzaria, sigur Tróndur Sigurðsson, formaður í byggi- og býarskipanarnevndini hjá Tórshavnar Býráði