hósdagur 8. oktober 2015síða 10

Fríggjadagur 9. oktober 2015 sosialurin 116 10 tema Føroyskt vinnulív merkir sviðan Nógvar ymiskar meiningar eru um Sea Shepherd. Fleiri bólkar eru á Facebook, sum eru fyri og ímóti hesum og hasum, sum hevur við grinda­ dráp og Sea Shepherd at gera. Her sæst eitt lítið yvirlit. »Sleppið Grindini« Sea Shepherd elvt til kjak á ymsum økjum Svartkløddu fólkini hava pakkað saman – í øllum førum fyri 2015. Men seinastu árini hava tey verið javnan í Føroy­ um, onkuntíð við størri ávirkan á samfelagið enn aðrar tíðir. Í ár hava tey fingið nógvar dómar fyri at leggja seg uppí grinda­dráp. Tað yvirlitið sæst aðra­staðni á temasíðunum. Spurningurin er hvørja ávirkan teirra uppílegging hev­ ur á tað føroyska sam­felagið. Ivaleyst elvir teirra hjá­vera til kjak av ymiskum slag. Vit hava í ár hoyrt, at Visit Faroe Islands heldur tað vera ein trupulleika, at grindalógin við­førdi fráboðanarskyldu við vanda fyri fongsulsrevsing, við brot á lógina. Tað hevur elvt til ein ótta millum ferðafólk, sam­bært ferðaskrivstovunum. Og eitt ávíst kjak hevur tikið seg upp í politisku skipanini um júst hesa paragraffina í grinda­lógini. Summi halda hon skal takast burtur, meðan onnur halda, at hon skal vera verandi. Vit hava eisini fingið tað broyting, at grindamenn skulu til skeið áðrenn, og øki kring grindadráp er munandi meira uppmerkt og avstongd í dag, enn áðrenn Sea Shepherd legði seg uppí. Summi vilja vera við, at før­oy­ingar ikki hava merkt eins nógv til Sea Shepherd hesaferð, hóast dómarnir eru fleiri í tali. Óttin fyri felagsskapinum hevur ikki verið eins stórur, siga summi. Men kortini hevur mót­støðan í Føroyum móti felags­skapinum verið at sæð í summar. Ein, sum hevur nýtt nógva orku uppá Sea Shepherd, er klaksvíkingurin Jógvan á Høvdanum. Samrøða sæst við hann aðrastaðni á tema­síðunum. Páll Nolsøe, kunn­ingarráðgevi hjá lands­ stýr­inum hevur eisini havt úr at gera orsaka av djóra­ verndar­felagsskapinum, og í temasíðunum hesaferð kanst tú eisini lesa um hvussu tann upp­gávan hevur verið. Og her á síðuni sært tú, hvussu føroy­ ingar hava merkt hjáveruna hjá Sea Shepherd, og hvussu áhald­ andi kjakið hevur ávirkað okk­ ara mót uppá at drepa grind. Seinastu herskipini hjá djóraverndar­ felags­skap­inum Sea Shepherd er nú farið av land­inum og átakið »Sleppið grindini« er av fyri hesaferð Barbara Holm Redaktørur á Vikuskiftis Sosialinum Sissal Kristiansen, eigarin av merkinum Shisa brand, hevur upplivað mótstøðu frá útlendskum kundum, orsaka av grindadrápi Hon skrivar á Facebook nú um dagar­ nar, at seinastu árini hevur hon ferð­ ast nógv til Týsklands, og serliga fyrstu árini var hon altíð nakað fjáltur­stungin fyri at møta mótgangi vegna grindadráp. Í vikuni, tá Sissal var úti og vitjaði møgu­ligar kundar í Týsklandi, merkti hon ágang. »Í trimum handlum á rað bleiv grindadráp tikið upp sum tað fyrsta, og var tað veruliga sum at fáa ein framm­aná. Hvussu sjón­varps­send­ ingarnar vóru og hvussu synd tað var. Hetta var faktiskt einki stuttligt, tað var køvandi og ein forðing og eg lúgvi um eg sigi, at eg ikki bleiv kedd. Tað er ikki ókeypis at fara á slíka ferð og nógv arbeiði liggur í tí og er eisini gjørt uppundir túrini og so møta hes­um! So beint nú eri eg faktiskt, hes­um viðvíkjandi, kedd í Berlin! Tá summi vilja vera við, at vit einki hava tapt, men heldur hava vunnið við okkara al­mennu strategi – so vil eg siga, at tað er lygn!«, skrivar Sissal Kristiansen á Facebook. barbara@sosialurin.fo Ymiskar meiningar Mynd: Privat