hósdagur 8. oktober 2015síða 12

Fríggjadagur 9. oktober 2015 sosialurin 116 12 Rógvi Nybo V ið omanfyri 100 tekn­ing­ um, sum hava rokkið út til hundraðtúsundtals fólk um allan heimin, tók Jógvan á Høvdanum, yngri, við satiru og humori einsamallur og av sín­um eintingum upp stríðið móti Sea Shepherd og teirra herferðum í Før­oyum í summar. Tað byrjaði alt tann 29. juni í ár, tá ein lítil grind varð hildin til í Hvannasundi. Hetta var tann fyrsta grindin, eftir at átakið hjá Sea Shepherd í Føroyum 2015, Sleppið Grindini, varð byrjað. Tá loysti eitt lítið hug­skot fyri tí, ið skuldi vísa seg at vera eitt skiðjulop av álopum móti Sea Shepherd. – Tað byrjaði í Hvannasundi, tá eg og bróðir (Símun á Høvdanum, red) fóru í grind. Tá hugsaði eg, at tað hevði verið stuttligt at gjørt eitt filmsbrot meðan grindin varð skorin upp, har eg gekk í klædningi millum hvalirnar og har vit gjørdu gjøldur burtur úr, at Sea Shepherd ikki fingu steðgað drápinum. Tað filmsbrotið royndist væl. Tá sá eg eisini, at fólk dáma væl humor, og at hetta er eitt gott amboð at nýta móti Sea Shepherd, greiðir Jógvan á Høvdanum frá. Stutt eftir teknaði Jógvan á Høvda­num fyrstu tekningina, har hann gjørdi gjøldur burturúr Paul Watson. Sea Shepherd fylgja ógvuliga væl við, hvat verður skrivað og sagt í før­oysk­um fjøl­miðlum, og skjótt fingu tey eisini frænir um tekningina hjá Jógvani. Hetta fekk øði í, og við einari tekning sum aftursvar, bjóðaðu Paul Watson og konan Yana Rusinovich av til kríggj við tekningum. Hetta var ein av­bjóð­ing, Jógvan á Høvdanum ikki kundi lata fara framvið. Satira og skemt við álvara aftanfyri Síðani Paul Watson og frú bjóðaðu av, hevur Jógvan á Høvdanum ikki ligið á latu síðuni. Hann setti sær fyri, at so leingi Sea Shepherd vóru í Føroyum, skuldi hann tekna minst eina tekning um dagin. Herfyri fór síðsti sjálv­bodni hjá Sea Shepherd av land­inum, og samstundis setti Jógvan á Høvdanum eisini seinasta penna­strokið á pappír á hesum sinni. Tilsaman eru omanfyri 100 tekn­ingar komnar burtur­úr í summ­ar. Hóast skemt og satira er ein ber­andi partur í amboðs­ kass­anum hjá Jógvani, eru tekningarnar ikki ein­asta am­boðið, hann hev­ur nýtt. Á Norðoya Portal­inum, sum Jógvan og bróð­urin Símun reka saman, hava teir eisini lagt fleiri greinar út, bæði skemtiligar, sar­kast­iskar og álvars­ligar. Sein­astu døm­ini eru innan­ hýsis teldu­postar hjá Sea Shepherd, ið av­ dúka teirra stra­tegi og møgu­liga kunnu prógva ætlan­ir um við vilja at bróta lands­ins lógir. Tey hava jú hoyrt upp í saman, at vit eru eitt barbar­iskt og dráps­hugað fólka­slag. Tá tey so koma her, møta tey ongum øðrum enn blíð­ skapi og fyri­ komandi fólki« Í hernað móti Sea Shepherd Eg veit at eg geri mun Tekningar: Jógvan á Høvdanum, yngri Við satiriskum tekningum, álvarsligum greinum og sakligum práti tók Jógvan á Høvdanum, yngri, av sínum eintingum stríðið upp móti Sea Shepherd í Føroyum. Meðan summi av teimum sjálvbodnu eru »totalt hjernadeyð« heldur stríðs­mað­ urin sjálvur, at tað ber til at røkka fleiri teirra við sakligum argumentum »Tað hevur týdning fyri allar føroyingar, at vit duga at nýta sarkasmu og humor til at bróta lygnirnar hjá Sea Shepherd niður« Framhald á næstu síðu tema »Sleppið Grindini«