hósdagur 8. oktober 2015síða 40

FRÍGGJADAGUR 9. OKTOBER 2015 SOSIALURIN 116 40 K laverið varð ongantíð still­ að, stemmað, tann fyrsta dag ella sjeynda dag. Eing­in dugdi tað kynstrið tá. Tí spælir klaverið ongantíð væl, og tað verri enn so. Tað hevur altíð verið, tað er, og tað verður í allar ævir (og tað er leingi, skal sigast) falskt, sama, hvat verður spælt við tí. Eingin dugur enn at stilla tað, men nógv hava roynt og royna enn. Men piano says noooooo. Klaverið hevur tó ikki alla skyldina. Tað er sum við teld­uni. Tey, sum spæla, duga ikki at spæla. Og klaver­ið spælir ikki sjálvt. Nótablaðið er har­aft­urat ein stór prent­villa, sum ongan­tíð er rætt­l­isin, bara ein ússa­l­ig kladda. Tá tey, sum ikki duga at spæla klaver, hóast tey eru vaksin upp í heimi við klaveri, sum tey siga í móður­ land­in­um, duka á klaverið, sum ikki er stemmað, krevur úrslitið dup­ult­ar oyraproppar og bumbu­skýli. Tí ræður um, at eingin setur seg við klaverið, men at tað sleppur at standa har og rusta í friði til streingirnir slitna og allir tangentarnir eru vorðnir svartir. Og tí ræður ikki minni um at sleppa sær sum skjótast út gjøgnum neyð­ dyrnar, tá onkur kortini setur seg við klaverið og spælir, ð dur og www moll. Don´t play it again Sam. Væl­sign­ aður. Ein tangentur eitur, sambært orðabókunum, eisini nertil. Eitt deiligt orð og logiskt, nertil. Svartir nertlar og hvítir nertlar. Niðurlag: á ólavsøku, í stóra bygdar­ ballinum í høvuðsstaðnum, verður spælt á urgu í Dómkirkjuni, tí har er einki klaver. Ólavsøkan er skírd at vera há­ borgin hjá fólkaræðinum. Løgtingið verður sett ólavsøkudag, ein nýggj seta, ein nýggj sirkussesong byrjar. Fyrst verður sjálvandi farið í kirkju, í Dómkirkjuna, kristna grundarlagið og alt hatta har. Í kirkjuni tosar prestur, tann fremsti í halanum at sleppa at prædika fyri fólkaræðinum, um tann einasta eina altvaldandi. Prestur prædikar fyri einaræði á størsta degi fólkaræðisins og eingin mótmælir. Í kirkjunum er einki talufrælsi og eingin kjakmentan. Har ber ikki til at biðja um orðið. Við harraboðum um einaræði í oyrunum marsjerar alt demokratiska liðið niðan aftur í tinghúsið og tosar har um fólkaræði. Pávin var eisini á bananum ein hálvan hálvleik. Hann heldur, at vit eiga øll at hugsa um flóttafólkini og hjálpa teimum. Kanska Vatikanið tekur nøkur hundrað flottafólk. Har eru nógvir pengar, um ikki so nógv pláss til legur, men hjartakamar. Høgt til loftið og vítt til veggja í Pæturs­kirkj­ uni. Sam gubbi hevur aftur sett seg við klaverið, tónasteindulur sum hann er, og spælir larmandi bardagaeggjan. Í Guds egna landi er sjálvandi trúarfrælsi og demokratiskur rættur at skjóta tey, sum ikki trúgva tað sama. Og bumba sjúkrahús, av mis­ gáv­um sjálvandi, sorry. Kríggj er kríggj, alt kann henda, eisini mistøk. Shit happens. USA bumbar uttan mark, eisini læknar og sjúk fólk. Bestilt arbeiði. Amerikanarar bumba og drepa fyri okkum í frælsa heiminum. Hóast Føroyar sjálvandi ikki eru frælsar, eru Føroyar í frælsa heim­in­ um og saman við Danmark við í kríg­ num. Samstundis sleppur ein annar Sam eisini at gera júst sum honum lystir í fjørðinum. Hansara demokratiski rættur, sum vit verja. Sleppið grindini, siga tey. Sleppið Sam Simon, siga vit. Gáva á Argjum: blokklingur í frystiposa. Verður ein sannleiki sagdur nóg ofta, gerst hann lygn. So, maybe You should play it again Sam, please. Annars koma arabarnir og eta okkum. Bumba klaverstólin, so eingin fær sett seg við klaverið. Sam spælir falskt í z moll Ingi Sørensen Høgni Djurhuus fekk Móðurmáls­ viðurslønina 2012 Høgni Djurhuus MYND: HEINESEN MYNDIR Yrki: Kavari/myndamaður Bústaður: Hamarin á Argjum Hvat ætlaði tú at blíva, tá tú bleivst vaksin? – Tyrlupilot hevði verið tað ultimativa! Hvat burdi hitt kynið vitað um títt kyn? - At nógvir menn verða ongantíð vaksnir. Hvat burdu børn vitað um tað at verða vaksin? – At tað krevur nógv av einum vaksnum at hava tað líka stuttligt sum børn. Hvat var seinasti dreymurin, tú gjørdi til veruleika? – At fara einsamallur niðan á Eiðiskoll og hyggja niður á Risan og Kellingina. Enda setningin: Um eg tordi, hevði eg… ... alment sagt, at canabis átti at verið avkriminaliserað. Hvat hevði gjørt heimin til eitt betri stað? – Um religión var líka persónligt sum onani. Nær vart tú seinast veruliga ovfarin? – Tá ið Henrik Old gjørdist landsstýrismaður. Tað seinasta, tú hevur lært, er at: – Putin is »the Man«! Tann støðuga ringa samvitskan snýr seg um, at eg… … Ikki havi megnað at verið nóg góður pápi fyri míni børn. Enda setningin: Føroyingar áttu at… … trúð uppá, at vit megna at standa á egnum beinum. BAKSÍÐAN