mánadagur 12. oktober 2015síða 44

VIKA 42 • 12. OKTOBER 2015 12 Jólaborðhald ÓKEYPIS LÝSINGARBLAÐ Vilmund Jacobsen T að var í ítróttarhøllini á Kambs­ dali tíðliga í áttati­árunum, at Poul Rustin, sum eigur og rek­ ur matstovuna Muntra í Fuglafirði, byrjaði sítt matstovuvirksemi. Hann leigaði seg inn í kafeteria í høllini, og her hevði hann sítt virksemi í umleið hálvt triðja ár. – Fyri jól í 1984 fór eg at hjálpa Peturi Mohr, sum tá hevði rikið Muntra í fleiri ár. Eg hjálpti honum til jólar hetta árið og yvirtók síðan virksemi hjá honum longu um ársskiftið 1984/ 1985. Tað sigur maðurin, sum flestu kenna í hvítum kitli og “kokkahúgvu” á høvdinum. Upprunaliga læt Muntra upp hin 5. mai í 1971, tá Petur Mohr, sum var útbúgvin hovmeistari, byrjaði sítt virk­ semi í bygninginum. Øll hesi 44 árini síðan hevur Muntra verið ímyndin av matstovuvirksemi í Fuglafirði. Skiftandi tíðir Sjálvur hevur Poul ikki gjørt seg lidnan við nakra útbúgving, men hann hevur verið á fleiri altjóða skeiðum innan tað, sum hann dagliga hevur fingist við hesi ár. – Tá tú rekur slíkt virksemi í so langa tíð, hevur tú upplivað góðar tíðir, men tú hevur eisini upplivað minni góðar tíðir, og soleiðis hevur eisini verið hjá mær. Eg hevði opið á Muntra øll kreppuárini fyrst í nítiárunum, tó at tað ikki altíð var so lætt. Tá kreppa er, og fólk hava minni pening um hendi, er tað fyrst hotel-og matstovuvirksemi eins og undirhaldsvirksemi, sum verður rakt, sigur matstovueigarin. At seta segl Poul Rustin vísir á, at marknaðurin í Føroyum er ógvuliga avmarkaður, og tí er neyðugt, at seglini vera sett eftir tí, sum virksemið kann bera. – Skalt tú reka slíkt virksemi í Før­ oyum, mást tú hava bæði beinini á jørðini, og tú kanst ikki spæla stjóri. Tú noyðist at arbeiða hart hvønn ein­asta dag, og tú noyðist at seta alt til síðis, sum annars fellir sam­an við tínum arbeiði. Tað kann vera, at føðingardagur er í familjuni, kon­firma­ tión, brúdleyp - ella at gestir eru og vitja onkran í familjuni. Men hevur tú um somu tíð uppgávur á matstovuni, sum tú noyðist at taka tær av, er eingin bøn, tí tú kanst ikki bara blaka upp­gávurnar upp í hendurnar á øðrum. Gott smyrjibreyð Á Muntra í Fuglafirði hevur mangur sitið væl. Matstovan er kend fyri góðan mat og gott leskandi, og her situr tú altíð væl, heitt og fjálgt. Muntra er eisini kend fyri gott smyrji­breyð, sum tey smyrja og lata út av húsinum. Hevur tú eitt og hvørt tiltak fyri framman, er avgjørt vert at venda sær til Poul Rustin. – Vit gera tað, vit duga - og vit duga tað, vit gera, plagar matstovueigarin í Fuglafirði so beinrakin at taka til. Eisini jólaborð Nú heystið er komið, og jólaborðini stunda til, fer Muntra eisini at bjóða familjum, fyritøkum og stovnum at eta jólaborð á hugnaligu matstovuni í Fuglafirði. – Tey, sum vilja hava neyvari at vita, nær hesi jólaborð verða, og hvat kann hugsast at verða í matskránni, eru hjartaliga vælkomin at venda sær til okkara, sigur Poul Rustin. – Skalt tú reka matstovuvirksemi í Føroyum, mást tú hava bæði beinini á jørðini, og tú kanst ikki bara spæla stjóri. Tú noyðist at arbeiða hart hvønn einasta dag, og tú noyðist at seta alt til síðis, tá arbeiðið krevur tað, sigur Poul Rustin Tú kanst ikki bara vera stjóri - Vit gera tað, vit duga - og duga tað, vit gera. Soleiðis plagar hin altíð so fryntligi Poul Rustin at taka til Mynd: Jan Erlingsson Petersen