mánadagur 26. oktober 2015síða 38

Vinnublaðið hjá miðlahúsinum November 2015 14 7 Eyðfinn Reyðberg Føroyska alivinnan er lítil í altjóða høpi, og talan er heldur ikki um nógv­ar føroyskar alifyritøkur, tí tær eru bert fýra í tali. Av hesum fýra er Faroe Farming tann minsta. Felagið hevur 65 starvsfólk og um­setningurin í 2014 var 168 milljónir krónur. Hetta var ein minking í um­ setn­ingi uppá 19 prosent í mun til 2013. Verður hugt longur aftur í tíð, so hevur umsetningurin ligið um 130 milljónir krónur, so talan er um stóra fram­gongd í mun til árini 2010-2012. Úrslitið áðrenn skatt var 29 milljónir krónur. Um hetta verður sett í mun til umsetningin, so er avlops­ stigið 17,3 prosent. Avlops­stigið í 2013 var 15,8 prosent. Hetta er verri enn hjá hinum trim­ um føroysku alifyritøkunum, sum bæði í 2013 og 2014 høvdu eitt av­ lops­stig sum lá um 30 prosent. Tað vil siga at avlopið hjá Faroe Farming, tá tað verður samanmett við kappingarneytarnar Bakkafrost, Luna og Marine Harvest, lutfallsliga bert er helmingin av avlopinum hjá hinum. Faroe Farming hevði eitt avlop áðrenn skatt uppá tilsamans 62 milljónir krónur í 2013 og 2014. Hevði Faroe Farming havt sama avlopsstig sum kappingarneytarnir, so hevði saml­aða úrslitið ligið um 115 milljónir krónur samanlagt fyri 2013 og 2014. Hægri starvsfólkakostnað Faroe Farming hevur 65 starvsfólk, og hesi fingu 22 milljónir krónur í lønum í 2014. Hetta svarar til eina meðal mánaðarløn til hvørt starvs­ fólkið uppá 28.000 krónur. Starvsfólkakostnaðurin var 13 pro­sent av samlaðu søluni í 2014. Í 2013 var tilsvarandi talið 11,2 prosent. Tá hini alifeløgini hava ein starvs­ fólkakostnað, ið liggur undir 10 pro­ sent av samlaðu søluni, so er tað her at ein frágreiðing liggur til at felagið hevur heldur lægri avlop enn kapp­ ingar­neytarnir. Meðallønin er eisini nakað hægri enn hjá Luna og Marine Harvest. Tí meðan Luna og Marine Harvest høvdu eina meðal mánaðarløn uppá ávika­vist 22.000 og 21.000 krón­ur, so lá Faroe Farming um 30 pro­sent hægri við 28.000 krónum um mán­ aðin. Bakkafrost liggur tó hægst við 31.000 krónur um mánaðin, og Bakka­frost var tann fyritøkan, ið hevði hægst avlopsstig. Tjaldur eigur Tað er íløgufelagið Tjaldur, sum eigur 51 prosent av partapeninginum í Faroe Farming. Hesi partabræv vóru keypt í 2012 fyri 47 milljónir krónur, og er tað eitt dóttirfelag hjá Tjaldur, Sp/f Hjallur, ið er eigari. Sp/f Hjallur fíggjaði alt keypið við einum avdráttarfríum bankaláni uppá 47 milljónir krónur. Hini 49 prosentini eigur Bakka­ frost. Faroe Farming keypir smolt og fóður frá Bakkafrost. Hetta verður gjørt fyri vanligan marknaðarprís. post@sosialurin.fo Alivinna: Faroe Farming P/f Minsta føroyska alifyritøkan Við einum umsetningi uppá 168 milljónir krónur í 2014, er Faroe Farming minsta føroyska alifyritøkan. Tað er íløgufelagið Tjaldur, ið eigur 51 prosent av alifyritøkuni, meðan Bakkafrost eigur 49 prosent. 0 50000 100000 150000 200000 250000 2010 2011 2012 2013 2014 0 10000 20000 30000 40000 50000 60000 2010 2011 2012 2013 2014 0 5000 10000 15000 20000 25000 2010 2011 2012 2013 2014 0 5000 10000 15000 20000 25000 30000 35000 40000 45000 50000 2010 2011 2012 2013 2014 Umsetningur 2010-2014 Umsetningurin hjá Faroe Farming hevur ligið støðugt millum 110 og 207 milljónir krónur seinastu fimm árini. avlop áðrenn skatt Avlop í roknskapinum á hvørjum ári síðan 2007. Samlaða avlopið seinastu fimm árini hevur verið 130 milljónir krónur áðrenn skatt. Starvsfólkakostnaður Faroe Farming hevur 65 fólk í starvi, og betalti 22 milljónir krónur í lønum í 2014. vinningsbýti 75 milljónir krónur í vinningsbýti eru goldnar til eigararnar seinastu fimm árini. Vinningsbýti er goldið á hvørjum ári. Høvuðstølini hjá Faroe Farming seinastu tvey árini. Bæði søla og bruttovinningur lækkaðu, og úrslitið fall við 12 prosent áðrenn skatt. Við nýggja tøkuskattinum hækkaði skatturin, hóast úrslitið var verri. Faroe Farming P/f 2014 2013 Broyting Nettosøla 167.673 207.359 -19% Framleiðslukostnaður 108.242 142.769 -24% Bruttovinningur 59.431 64.590 -8% Starvsfólkakostnaður 21.860 23.152 -6% EBITDA 37.571 41.438 -9% Avskrivingar 4.937 4.252 16% Fíggjarpostar netto -3.694 -4.362 -15% Úrslit áðrenn skatt 28.940 32.824 -12% Skattur 11.183 6.229 80% Ársúrslit 17.757 26.595 -33% Støðisogn 49.628 49.246 1% Ogn í umferð 114.514 103.036 11% Ogn tilsamans 164.142 152.282 8% Eginpeningur 72.365 59.609 21% Skuld 91.777 92.673 -1% Skyldur tilsamans 164.142 152.282 8% Rentuberandi skuld - - - Rentuberandi skuld/EBITDA - - - Starvsfólk 65 70 -5