mánadagur 26. oktober 2015síða 42

Vinnublaðið hjá miðlahúsinum November 2015 18 7 Eyðfinn Reyðberg Tað eru teir tríggir brøðurnir Atli, Regin og Páll, sum eiga og í felag reka virk­semi hjá Luna, sum um­framt alivirki Luna eisini umfatar Fiska­ virkið í Gøtu. Tað er Sp/f Í Tungu, sum eigur øll partabrøvini í bæði Luna og Fiskavirkinum í Gøtu. Tann parturin, ið umfatar alivirki verður rikið í felagnum Luna, og sigast má, at tað hevur gingið sera væl við hesum virksemi. Umsetning­ urin hjá alivirkinum Luna, sum øll árini undan 2009 lá und­ir 100 milljónir krónur, fór á fyrsta sinni uppum 100 milljón­ir krónur í 2010, og síðan er netto­sølan støðugt hækk­að hvørt ár. Í 2014 var sølan komin uppá 430 milljónir krónur, og av hesum lógu 134 milljónir krónur eftir áðrenn skatt. Hetta svarar til eitt avlopsstig uppá heili 31,2 prosent. Stórar íløgur P/f Luna hevur gjørt stórar íløgur sein­astu árini, og bert í 2014 hevur felagið gjørt íløgur fyri 147 milljónir krón­ur. Av hesum eru 63 milljónir krón­ur íløgur í grundøki og bygn­ing­ ar, meðan restin 84 milljónir krónur eru íløgur í aliútbúnað. Luna hevur valt at útbyggja smoltka­pasitetin á Fútakletti mun­ andi í 2014. Endamálið er at kunna fram­leiða størri smolt innandura. Hetta merkir at smoltið er størri, tá tað verður sett út, og harvið gerst fram­leiðslutíðin á sjónum styttri. Fyrimunirnir við hesum eru, at smittuváðin fyri sjúkum minkar, sam­stundis sum sjógvaliøkini kunnu útnyttast betri. Hetta merkir somu­ leiðis at framleiðsluorkan økist. Tað er eisini áhugavert, hvussu royndir­ nar hjá felagnum í Heystfirði hilnast. Um hetta øki verður mett at verða nóg gott sum rakstrarøki, so kann hetta økja munandi um aliorkuna hjá Luna. Sera góð avlop Virksemið hjá Luna hevur kastað væl av sær seinastu árini. Frá 2010 til 2014 er samlaða avlopið áðrenn skatt tilsamans 406 milljónir krónur. Av hesum er skattur 81 milljónir krón­ur, so nettoavlopið hevur verið 325 milljónir krónur í fimm ár. Taka vit samlaðu søluna í sama tíðarskeiði, so hevur hon verið 1,5 milljard krónur. Tað vil siga at avlopið hevur verið 27,3 pro­ sent av samlaðu søluni hesi seinastu fimm árini. Av samlaða vinninginum hesi fimm árini, eru 81 milljónir krónur goldn­ar til móðirfelagið í vinnings­býti. Starvsfólkatalið trífaldað Luna hevði í 2010 54 starvs­ fólk og samlaði lønar­kostn­ að­urin var 13 milljónir krónur. Í 2014 var starvs­fólka­talið komið uppá 150 og saml­aði lønar­ kostn­aðurin var 38 milljónir krónur. Tað vil siga at Luna hevur fingið 96 nýggj starvsfólk eftir 5 árum. Kostn­aðurin til starvsfólk var í 2014 38 milljónir krónur, so talan er um eina meðal­løn uppá 21.000 krónur um mánaðin. Eins og hjá øðrum alifyritøkum, so er starvsfólkakostnaðurin lut­falls­liga lítil partur av samlaðu út­reiðsl­unum av at reka felagið. Starvs­fólka­kostn­ aðurin er soleiðis bert 8,7 pro­sent av netto­søluni. post@sosialurin.fo Undir heitinum Hiddenfjord hevur familjufyritøkan Luna uppbygd eitt serstakt vørumerki í útheimi. 134 milljónir í avlopi í 2014 av vanligum rakstri við 150 starvsfólkum, er kontanta úrslitið av hesi strategi. Alivinna: Luna P/f Burðardygd lyklaorðið fyri góðum úrslitum Fíggja stórar íløgur sjálvir Luna hevur megnað at goldið stóru íløgurnar í 2014 við eginfígging. Felagið kann nú rekast heilt uttan bankafígging. Tað man verða dreymurin hjá hvørjum íverksetara, ikki at verða bundin av avgerðum hjá øðrum, til tess at náa tey mál, fyritøkan hevur sett sær. Tað verði seg bæði tá talan er um íleggjarar, ella tá talan er um at fara í bankan til tess at fíggja virksemi sítt. Luna hevur í dag 39 milljónir krónur í lánifígging, samstundis sum 37 milljónir standa á bók. Netto lániskuldin er sostatt bert tvær milljónir krónur. Tað vil siga at Luna ikki longur hevur brúk fyri lánifígging. Hetta væl at merkja eftir at íløgur eru gjørdar í 2014 fyri 147 milljónir krónur. Íløgur, sum felagið hevur megnað at gjalda kontant. Luna hevur fastar ognir fyri 247 milljónir krónur samanlagt. Virðið á laksinum, ið svimur í ringunum er 129 milljónir krónur, og útistandandi hjá kundum er 37 milljónir krónur. Teir tríggir brøðurnir og eigararnir nýtast tí ikki at spyrja nakran annan eftir, tá avgerðir verða tiknar um íløgur ella rakstur av felagi teirra. Tað burðardygga fyllir alt Hoyrir tú stjóran í Luna úttala seg, so gongur ikki long tíð, til tú hevur hoyrt hann tosa um vandan í at ala laks, og at aling altíð má fremjast á ein burðardyggan hátt. Tað var í 2011, at Luna í altjóða høpi byrjaði at nýta vørumerkið Hiddenfjord. Hetta vørumerki er eisini skrásett. Fyrsta floks alilaksur er greiða málið hjá Luna, og gjøgnum Hiddenfjord vørumerki er greiða málið ein fyrsta floks laksur av allarbestu góðsku tú kanst fáa í heimshøpi. At bæði eigarar og starvsfólk veruliga brenna fyri hesum máli er eyðsæð, har arbeitt verður støðugt við at nýta nátturugivnu umstøðurnar í Føroyum sum grundarlag undir hesi visjón. Við norsku netsíðuna ilaks.no segði Atli Gregersen fyri stuttum, at “vit skulu ikki gera slíkt, ið forðar okkara eftirkomarum í at virka. Vit skulu reka okkara virksemi í samljóði við náttúruna. Burðardygd er tí ikki bert eitt orð vit brúka, men nakað við meina í álvara, tað er hetta, ið myndar okkara arbeiði í Luna” segði Atli Gregersen, stjóri. Tað er henda meginregla, ið ger at Luna og Hiddenfjord nú vinna seg fram í heimshøpi, og har umsetningurin hjá felagnum skjótt fer at runda eina hálva milljard krónur um árið. Á ársins leiðaradegi í januar mánað var stjórin á Luna, Atli Gregersen valdur sum ársins leiðari 2015, millum annað við hesari grundgeving: Hann hevur gingið á odda fyri at skapa góðar vinnuligar og umhvørvisligar karmar fyri alivinnuna. Er dugnaligur, framskygdur og tilvitaður um at framleiða eina matvøru við høgari góðsku, har Luna eisini við átøkum skapar trivnað fyri starvsfólkið hjá felagnum. Høvuðstølini hjá Luna seinastu tvey árini. Bruttovinningurin hækkaði við 14 prosent, hóast sølan bert fór fýra prosent upp. Eginognin er nú 315 milljónir krónur, og netto rentuberandi skuldin 2 milljónir krónur. Luna hevur kastað væl av sær seinastu árini Luna P/f 2014 2013 Broyting Nettosøla 430.295 412.165 4% Framleiðslukostnaður 238.940 243.846 -2% Bruttovinningur 191.355 168.319 14% Starvsfólkakostnaður 37.650 25.322 49% EBITDA 153.705 142.997 7% Avskrivingar 19.910 10.626 87% Fíggjarpostar netto 258 -6.889 -104% Úrslit áðrenn skatt 134.053 125.482 7% Skattur 32.418 20.957 55% Ársúrslit 101.635 104.525 -3% Støðisogn 247.241 119.712 107% Ogn í umferð 217.994 253.190 -14% Ogn tilsamans 465.235 372.902 25% Eginpeningur 315.119 228.243 38% Skuld 150.116 144.659 4% Skyldur tilsamans 465.235 372.902 25% Rentuberandi skuld 39.400 43.750 -10% Rentuberandi skuld/EBITDA 0,3 0,3 -16% Starvsfólk 150 100 50