mánadagur 26. oktober 2015síða 72

VIKA 44 • 26. OKTOBER 2015 16 ÓKEYPIS LÝSINGARBLAÐ TEMA Hús&Heim Er hetta nakað fyri teg? Laða grót í hegnformi H esin hátturin at laða sær ein garð ella kant um blómubeðið verður ongantíð eitt alternativ til teir vøkru, laðaðu garðarnar. Men fyri tað kanst tú brúka hegnið til alt møguligt í urta­garðinum. Hegnið er lætt at fáast við, tú kanst fylla tað við vøkrum steinum, brúka tað sum portalar, lívd til ein sólkrók og til dømis laða grønmetisbeð. Til ber eisini til at leggja flag á og vita um man fær t.d. hjálpirótina og aðrar stein­beðsplantur at festa røtur mill­ um steinarnar. Men regnar alt burtur? Tá er tað at, at hugflogið má takast í brúk. Hegnið er lætt at fáast við, so tær nýtist ikki at vera so øgiliga handasterk fyri at arbeiða við hegn­ in­um og grótinum. Eitt gott er afturat við tí: Tá tú ert troytt av at síggja upp á tað, so er bara at taka tað burtur aftur. Onki hóvasták! Leykirnar í jørðina og pottarnar Nú vetur er á gáttini og urtagarðarnir eru farnir úr sínum summarskrúði, er tíðin komin at fáa blómuleykirnar niður. Úrvalið er stórt og litirnir somuleiðis. Tá so kuldi og kavi er, so minnast vit smáfuglarnar og gleða teir við onkrum leskiligum á fóðurbrettinum. Hóast bløðini følna er so nógv annað at gleðast um í havanum.