hósdagur 29. oktober 2015síða 6

Fríggjadagur 30. oktober 2015 sosialurin 125 6 persónssøga – Eg minnist væl tann morgunin. Elsti sonurin spurdi »mamma, koma tit heim aftur hesaferð«, og eg segði »sjálvandi«. Mamma, babba og Aron koma heim aftur um eina løtu. Men Aron kom ikki heim aftur á lívi. Tað var ein ræðuligur dagur. Orðini eigur 41 ára gamla Rini Mørk, sum misti 15 mánaðir gamla sonin Aron 11. januar í ár Aron tók trý fet áðrenn hann doyði Barnadeyði Barbara Holm T að er mikudagur í høvuðs­ staðnum, og innar í Miðla­ húsið koma Rini Mørk, Tórður Holm og børn teirra Adrian, sum er 12 ár og Sandra, sum er 10 ár. Vaksnu systrar teirra Barbara, Elin og Tórunn eru har suð­ uri í dag. Annan hvønn mikudag eru tey øll í Havn. Tað hava tey verið í nakrar mánaðir nú, tí annan hvønn mikudag skipar Berin, felagsskapurin hjá teim­um, sum hava mist ein kæran, fyri sorgar­bólki fyri børn. Adrian og Sandra fáa nógv burturúr. Tey minn­ ast beiggja sín Aron, sum doyði so óskilj­andi ein kaldan sunnu­morgun í januar. Og Rini og Tórður eru altíð bæði við teimum. Lagnan hjá Aron er ómeta­liga tung hjá teimum øllum at bera, men nú snýr tað seg um at fáa yngstu systkini hjá Aroni heilskapað burtur úr sorgini. Tí tey eru merkt. Merkt av, at mamma og babba vóru skrykt frá teimum ein dagin í oktober 2013 fyri síðani ikki at venda aftur fyrr enn 8 mánaðir seinni. Og merkt av, at teirra fitti lítlibeiggi skuldi fara frá teimum ein dag, fyri síðani ongan­ tíð at koma aftur á lívi. Skuldu bara til læknan Tað byrjaði tann 14. oktober í 2013, tá ið Aron Mørk Holm varð borin í heim. Hann vigaði 3120 gramm tá hann varð føddur. Men fimm dagar seinni varð galið. Lítli Aron át einki og tók einki uppá, og Rini valdi at fara á Suðuroyar Sjúkra­hús við honum. Ráðini hendan dagin vóru at royna sum frægast at geva barninum mat og vita, um ikki tað gjørdist betur. Tað var ræðuligt. Tað var sum hann hevði verið í kríggj. Blóðið fleyt um allan kroppin« »Ein doyði, meðan vit bíðaðu eftir at frætta, hvussu gekk. Eg hugsaði, kanska tað ikki verður nú, tí nú hevur Jesus fingið hatta barnið, so kanska hann ikki hevur brúk fyri mínum« Framhald á næstu síðu Mynd: Privat