mánadagur 2. november 2015síða 42

VIKA 45 • 2. NOVEMBER 2015 10 MIÐLAHÚSIÐ ÓKEYPIS LÝSINGARBLAÐ Danjal av Rana S einasta freist at lata jólagávur inn sum partur av tiltakinum Christ­mas Child var farna sunnu­ dag og hósdagin boðaði nevndin fyri til­takið frá, at tað í ár vóru latnar 5.499 jólagávur inn. Tær 5.499 eskjurnar, sum føroy­ ing­a­r hava latið inn í ár, vera nú sendar til Bretlands, áðrenn tær verða sendar víðari til Rumenia. Miriam Rasmussen, nevndarlimur í Christmas Child Føroyar, er ovfarin av undirtøkuni. – Í fyrraárið settu vit met við 5.230 eskjum. Í fjør komu 4.924 eskjur, so vit høvdu vónað at fáa yvir 5.000 eskjur í ár. At vit seta nýtt met í ár, eru vit sera fegin um, sigur hon. – Føroysku gávurnar eru á hvørjum ári farnar til Rumenia, undantikið eitt ár, tá tær vóru sendar til Kirgisia. Tað er eftir ynski frá føroyingum, at før­ oysku gávur­nar vera sendar til Ru­ menia, tí før­oy­ingar hava í mong ár verið virknir í hjálpar­arbeiði í Rumenia, sigur Miriam Rasmus­sen, nevndar­ limur í Christmas Child. Hon greiðir tó frá, at tað kann koma fyri, at onkr­ar før­o­yskar eskjur verða sendar aðra­ staðni. – Tað veldst eisini um, hvussu pakk­að verður. Um bingjan til Rumenia verður full, so verður restin av eskj­un­ um send aðra staðni. Tað eru í størstan mun í kirkjum og samkomum, at jólagávur hava verið savnaðar inn, og Miriam Rasmussen sigur, at hon veit ikki um nakra sam­ komu ella kirkju, ið ikki tekur lut í ti­ ltakinum. Tað er tó ikki bara fyri kirkju­ fólk og samkomulimir. – Sambýli runt um í landinum hava verið sera røsk at binda til tiltakið. Hósdagin var eg á Blákolluni á Oyri, har tey eldru hava bundið hosur alt árið, sum tey síðani geva til Christmas Child. Vit leggja so eitt par í hvørja eskju, so langt tað røkkur, sigur Miriam Rasmussen. Hugnin á Sandi hevur eisini tikið lut í tiltakinum í eini 10 ár. Jólagávurnar eru skóeskjur, sum fólk síðani fylla við ymiskum lutum, so sum skrivi- og skúlaamboðum, tann­ bust og tannkremi, vøttum, húgvum og hosum, onkrum leikum og onkrum góðgæti. – Tað eru nógv, sum leggja okkurt heima­bundið í ekskjuna, men eisini nógv, ið keypa alt tilfarið. Tað er nokk so ójavnt býtt tí viðvíkjandi. Fleiri hava Christmas Child í huga alt árið, millum annað tá útsølur eru, og tey fáa tí fylt eskjuna fyri ein rímiligan penga. Um ein skal út dagin fyri evsta mark at fylla eskjuna, kann hon tó skjótt ger­ ast ein dýr jólagáva, sigur Miriam Ras­ mussen. Tá gávurnar koma til Rumenia, vera tær sendar út um landið, alt eftir hvør tørvurin verður mettur at vera. Síðani vera gávurnar býttar út til børnini á skúlum, sjúkrahúsum, barna­ gørð­um, kirkjum og samkomum. Miriam Rasmussen sigur, at fyri teirra viðkomandi byrjar arbeiðið beint und­an summarferiuni, tá tey hava fyrsta fundin. Tá verður arbeiðið við fald­ar­um og plakatum gjørt klárt. Í august mánað seta tey seg so í sam­ band við fólk runt um í landinum, sum kunnu taka sær av at samskipa til­ takið í sínum øki. – Tey nýta ofta gudstænastur og møti sum høvi at kunna um tiltakið og tá so evsta mark nærkast seinast í oktobur, verða ofta størri tiltøk fyriskipað, greiðir Miriam Rasmussen frá. Fleiri velja at senda eitt bræv ella eitt lítið kort við eksjuni, og onkur teirra fáa svar eisini, men øgiliga fá. – Flestu teirra, sum svara aftur, eru børn, sum búgva í stórbýnum. Hesi hava atgongd til posthús, pengar til frímerki, duga enskt ella hava onkran sum kann hjálpa sær. Støðan úti í bygd­unum er heilt annarleiðis og eg plagi at siga, at um tú ongantíð fær svar aftur, so er eskjan farin til eitt fátækt barn, ið snøgt sagt ikki hevur ráð at svara tær, sigur Miriam Ras­ mussen. Tilsamans vera millum sjey og átta milliónir eskjur samlaðar saman til Christmas Child, úr eini átta ymiskum londum. Tey 25 árini, sum Christmas Child hevur verið, eru 124 milliónir eskjur sendar til 158 ymisk lond. Tað er neyðhjálparfelagsskapurin Samari­tan’s Purse, ið stendur aftan fyri tiltakið. – Í ár hava vit fingið boð um, at nógvar eskjur verða sendar til flótta­ fólkini her í Evropa. Tað er vanligt, at felagsskapurin sendur gávur til neyð­stadd øki, sum til dømis eftir flóð­alduna á Filipsoyggjunum. Tað er ójavnt, hvørji lond fáa, men gávurnar vera býttar eftir tørvi, sigur Miriam Ras­mussen. 5499 rumensk børn fáa jólagávu úr Føroyum 13. árið á rað hava føroyingar sent jólagávur sum partur av tiltakinum Christmas Child. Aftur í ár fara føroysku gávurnar til Rumenia vHetta eru ársins gávur í Pakkhúsinum