mánadagur 2. november 2015síða 44

VIKA 45 • 2. NOVEMBER 2015 12 MIÐLAHÚSIÐ ÓKEYPIS LÝSINGARBLAÐ Jógvan Kruse STÓLURIN Í STÓLINUM HESA VIKUA LÝS TEG SJÁLVAN VIÐ TRIMUM ORÐUM: Eg eri eg, hvørki meir ella minni. HVAT MERKI ER BILUR TÍN? Ein eldri Mazda 6 og ein nýggja Kia Ceed, sum eg koyri við hvørt. HVAT MERKI ER TELEFON TÍN? Apple, iPhone 6 HVØR ER TÍN BESTA SUMMAR­ FRÍTÍÐARUPPLIVING? Familju bilferian gjøgnum Evropa við konuni og børn­unum í ein heilan mánað er besta summa­rfrítíðarupplivingin saman við allari familjuni. Men at sleppa at byrja summar­ feriuna í 2000 við gávuni at gerast pápi fyri fystu ferð, er besta summarferian nakrantíð. HVAT ORÐ ELLA HVØNN SETNING NÝTIR TÚ OFTAST? Hallo, tað er Jógvan, verður nógv brúkt, men børnini halda meg siga ógvuliga ofta, bíða líka. HVØRJUM HYGGUR TÚ AT HJÁ HINUM KYNINUM? Kvinnan er ein heild, men eyguni og smílið lýsa veruliga hvør kvinnan er. HVAT GER TEG Í GÓÐUM LAG? Tá tað gongur familjuni, teimum rundan um meg, vinum og kenningum, starvsfelagum, mær sjálvum, EB, EB-Streymi og Manchester United væl. Humor í breiðum týdningi ger meg somuleiðis í góðum lag hvønn dag. HVAT STRESSAR TEG? Ógvuliga lítið, men brotnar avtalur, ábyrgd sum ikki verður tikin og drál hava lindi til at stressa meg. HVØR ER TÍN YNDISRÆTTUR? Stoktur glaseraður havhestur við nýbakaðum drýli og nýupptiknum eplum er toppurin av øllum tí góða føroyska matinum. HVAT GLEÐIR TEG? Millum annað allar tær smáu góðu løturnar í degnum so sum eitt smíl, gleða meg. HVAT VAR SEINASTA YNSKIÐ, SUM TÚ FEKST UPPFYLT? At í dag er aftur ein góður dagur. HVAR ARBEIÐIR TÚ? Eg arbeiði hjá Sunda kommunu. HVÍ VALDI TÚ AT ARBEIÐA INNAN JÚST HESA VINNU ELLA ØKI? Áhugin hevur altíð verið fyri kommunal­ politikki, serlia í Sunda kommunu, her eg í dag búgvi og eri uppvaksin. Tá møguleikin var, at sleppa at virka sum eitt leiðandi starvsfólk í umsitingini við ávirkan á kommunalpolitikk í Sunda kommunu, fór eg sjálvandi eftir møguleikanum. HVØR ER STUTTLIGASTA UPPLIVING TÍN Í STARVINUM? Tað man helst vera, tá eg mitt í einari langari telefonsamrøðu fór ørindi við kommunubilinum norður á handilsøkið við Norðskála at keypa, og av misgáum kom aftur á kommunuskrivstovuna við einum bili sum eingin kendi. Tíbetur var eigarin av bilinum ikki farin av stað við kommunubilinum, tá eg eina løtu seinni kom aftur á handilsøkið við »stolna« bilinum. HVØRJUM TÓNLEIKI LURTAR TÚ EFTIR? Mær dámar ymsan tónleik og tað kann gott vera eitt sindur av futti í. Í løtuni lurti eg nógv eftir bróðir, Marna Kruse. HVAT ER BESTA UPP­ FINNINGIN OG HVÍ? Tað eru óteljandi grundleggjandi up­ pfinningar sum vit í dag byggja víðari á, men í »nýggjari tíð« er alnótin besta uppfinning. Her eru óendaligir møguleikar inna samskiftið, vitan og deiling, heilsu, arbeiðið, handil, undirhald, stýringar, goymslu, upp­livingar ....... og enn hava vit bert sæð byrjanina. Tó er vandi í allari vælferð. Tí hóast vit vanligu bert hava liva við alnótini í smá 20 ár, eru fleiri okkara longu alt ov bundin at henni. HVAT ER BESTA ÍLØGAN, TÚ HEVUR GJØRT? Familjan. HVAT ER TÍTT BESTA HEIMARÁÐ? Brúka vit og skil. HEVUR TÚ NAKAÐ HÚSDJÓR? Vit hava ein deiligan Border Collie, sum eitur Ponyo. HVAT HEVÐI TÚ GJØRT, UM TÚ VAST EINA MILLIÓN? Goldið skuld og ferðast. HVAT HEVÐI TÚ GJØRT, UM TÚ VAST TÍGGJU MILLIÓNIR? Goldið alla skuld, slakkað av og ferð­ ast nógv. Onkur íløga hevði eisini verði gjørd og onkur hjálp veitt. HVAT ER BEST VIÐ FØROYUM OG HVÍ? Familjan, mentanin, maturin, náttúran, tryggleikin, frælsi, felagsskapurin, blíð­ skapurin, samanhaldið.... Fyri meg er heildar­ upplivingin av at liva í Føroyum optimal. HVAR ERT TÚ UM 10 ÁR? 10 ár er laaangt inni í framtíðini. Við allari sínari tøkni, vitan og ástøði hava veðurfrøðingar trupult við at spáa um veðrið komandi vikuna. Eg havi nógv goð boð upp á, hvar eg eri um 10 ár, men eg veit, at eg fái skeivt í tí mesta. Tað er tað góða við at hava loyvi at droyma. Men fyrsti dagurin til »hvar er eri um 10 ár« er í dag. Eg eri eg, hvørki meir ella minni Ógvuliga lítið stressar meg