mánadagur 2. november 2015síða 46

VIKA 45 • 2. NOVEMBER 2015 14 ÓKEYPIS LÝSINGARBLAÐ TEMA Norðoyggjar Vilmund Jacobsen T að eru seks oyggjar, sum hoyra til Norðoyggjar. Hesar eru Fugl­ oy, Svínoy, Viðoy, Borðoy, Kunoy og Kalsoy. Viðoy, Borðoy og Kunoy eru bund- nar saman av byrgingum, og Fugloy, Svínoy og Kalsoy røkkast við báti ella tyrlu. Landslagið í Norðoyggjum er ser­ merkt við høgum og brøttum fjøll­um, og eru sjey av teimum tíggju tind­ unum í Føroyum, ið eru hægri enn 800 metrar, at finna í Norðoyggjum. Her eru størri og smærri bygdir, firðir, sund, dalar og áir. Tað er óneyðugt at siga, at mið­ depil­in í Norðoyggjum er Klaksvík, ið kann sigast at vera ein fiskivinnubýur burtur-av. Men, í Klaksvík er annað enn fiskur. Klaksvík og Norðoyggjar annars hava eisini nógv at bjóða teimum ferð­andi, tá ræður um søgu, mentan, vinnu­lív og vakurt umhvørvi. Her finst eitt ríkt tónleikalív, eins og fleiri listafólk innan málingalist eru at finna her - ella hava røtur hiðani. Gistingarmøguleikarnir eru eisini góðir í Norðoyggjum. Í Klaksvík er hotel, íbúðir, vallara­ heim, og kring um í Norðoyggjum eru eisini summarhús, bed & brekfast og bygdahús, sum kunnu leigast. Høvi er eisini til tjalding og hús­ vogn­ar ymsastaðni í økinum. Í Norðoyggjum finnast nógvar vakrar og áhugaverdar kirkjur og søgu­ligir bygningar. Ikki minst kunnu vit nevna stór­ fingnu Christianskirkjuna í Klaks­vík, gamla einahandilin við fornminna­ savn­inum og Leikalund, eins og presta­garðurin Ónagerði á Viðareiði, har hin tiltikna Beinta, ið gav íblástur til skaldsøguna Barbara - einaferð búði. Vikublaðið hevur vitjað í Norð­ oyggj­um, og í hesum blaðnum hava vit ser­liga vent okkum til borgarstjórarnar í økinum. Sjey av teimum tíggju hægstu tindunum í Føroyum eru at finna í Norðoyggjum, og økið er merkt av størri og smærri bygdum, firðum, sundum, dølum og áum Norðoyggjar á breddan