mánadagur 2. november 2015síða 52

vika 45 • 2. november 2015 20 Ókeypis lýsingarblað TEMA Norðoyggjar Tað hendir nógv á Viðareiði Í løtuni fær Viðareiði eina lund við Spónhyl, og bygdin fær eisini eina minnislund. – Vit bíða ógvuliga spent eftir tunnlinum, sigur borgarstjórin, Hans Jákup Kallsberg Vilmund Jacobsen Í Viðareiðis kommunu búgva út við 350 fólk. Av hesum eru 109 fólk mill­um 0 og 18 ár – og 40 fólk eru 67 ár og eldri. Borgarstjóri í kommununi er Hans Jákup Kallsberg, og hann er eft­ir­ hondini royndur í leikum í kommu­nal­ politikki. – Við árslok í fjør var skuldin hjá komm­ununi 0,67% av eini álíkning, og hóast vit bæði hava lækkað skatta­ pros­entið við 0,5 prosentum og hava hækk­að barnafrádráttin er skatturin hig­ar­til í ár kortini væl hægri enn somu tíð í fjør. Borgarstjórin sigur, at Viðareiði eig­ur nakað av siglandi fólki, og menn eru eitt nú við nótabátum, par­trol­ar­ um og trolbátum, umframt at nakrir eru útisiglarar. – Vit hava eisini fólk, sum arb­eiða innan barnagarðs-, røktar-og lær­ara­ økið, og fólk eru í privatari vinnu. Á smoltstøðini Inni í Dølum arbeiða eis­ ini nakrir mans. Skúlabørnini ganga í Viðareiðis skúla til og við 7. flokk, og síðan hev­ ur Viðareiðis kommuna samstarv við Klaksvíkar kommunu um fram­halds­ skúl­an á Skúlatrøð, har næmingar ganga í 8., 9. og 10. flokki. Á Viðareiði er eingin dagstovnur, men í stað­in hevur kommunan eina góða dag­røkt­ar­skipan við nøkrum dag­røkt­ar­mammum, sum eisini hava at­gongd til Summardáan, ið er spæli­ stov­an hjá dagrøktini. – Sjálvandi ynskja vit, at ein dag­ stovnur kemur á Viðareiði, men vit meta ikki, at fíggjarligt rásarúm er til eina slíka íløgu í løtuni. Hans Jákup Kallsberg sigur, at á eldra­øk­inum er Viðareiðis kommuna part­ur av eldrasamstarvinum í Norð­ oyggj­um, og hann heldur, at hetta sam­starv – sum enn er so nýtt – hig­ ar­til hevur riggað væl. Stórur skúli Skúlin á Viðareiði er bæði stórur og rúm­lig­ur, og her hevur kommunan gjørt eina aulu – ella eina miðhøll – har ym­isk tiltøk kunnu havast. – Í skúlanum savnast fólk í vetr­ar­ hálv­uni, og her er høvi til prát og ym­ isk spøl, eins og skipað hevur verið fyri onkrum fyrilestrarkvøldi. Hetta hev­ur eis­ini verið eitt gott høvi hjá til­flyt­ar­ um at læra hvønn annan og bygd­ar­ fólkið at kenna. Borgarstjórin vísir á, at alt hetta er sjálvboðið arbeiði, sum kommunan stuðl­ar við hølum og kaffi. – Gamli skúlini í bygdini, sum hevur tvær skúlastovur, verður ikki brúktur í løt­uni, men her hava vit so okkara al­ mennu wc, sum eru í bygdini. Eins og í flestu smærru komm­un­ um, hevur lítil sethúsabygging verið á Við­ar­eiði seinnu árini, men ein familja flutti tó í nýggj hús til jólar fyri einum ári síðan. – Meginparturin av jørðini á Við­ar­ eiði er landsjørð. Vit hava eina byggi­ sam­tykt, og vanligt er, at fólk, sum ætla sær at byggja, søkja kommununa um grundstykki, og síðan vendir komm­unan sær til Búnaðarstovuna. Lund og minnislund Í løtuni er nógvur grevstur á Viðareiði, og her verður grivið fyri eini lund við Spón­hyl. Tað er ein áhugabólkur, ið varð stovnaður fyrr í ár, sum stendur aft­an­fyri hesa verktælan. – Kommunan hevur ein sáttmála við Búnaðarstovuna, sum fevnir um leigu av hesum øki í 30 ár við møgu­ leika fyri leingjan. Tað vóru fimm fest­ ar­ar, ið sótu á hesi jørðini, sum tó ikki er serliga vælegnað til landbúnað, tí her er so vátt. Hans Jákup Kallsberg vísir á, at tað er byggifelagið Articon, ið annars bygg­ir Viðareiðistunnilin, sum tekur sær av grevstrinum við Spónhyl. – Tilboðið er upp á 2,7 miljónir krón­ur fyri lundina, men her er nógv, sum sjálvboðin kunnu gera, soleiðis at verk­ætlanin í krónum er trimmað nið­ ur á umleið 1,5 miljónir krónur. Ætl­ andi verður lundin við Spónhyl liðug seinni í heyst. Borgarstjórin sigur, at her verða trígg­ir hyljar, og her verða heyggjar, sum skulu bróta vind, eins og trø verða plantað í lundini. – Hetta verður í fyrst lagi eitt frí­ øk­ið, og ætlanin er eisini, at her skulu verða gøtur og torg. Í aðrar mát­ar verður tað bara hugflogið, ið set­ir mørkini fyri, hvat her kann fáast burt­ ur úr, sum tíðin gongur, leggur Hans Ják­up aftrat. Í løtuni verður eisini arbeitt við eini minnislund á Viðareiði. Tað er Dánj­ al Lydersen, sum hevur savnað all­ ar skaðatilburðir, ið hava rakt fólk í komm­un­uni, sum er upphavsmaðurin aft­an­fyri minnislundina. – Ístaðin fyri at hesi nøvn liggja í eini skuffu, verða plátur við nøvn­um og stuttari frágreiðing um skaða­til­ burð­ir settar upp í minn­is­lundini, sigur hann og vísir á, at tað er Viðareiðis komm­una, ið stendur aftanfyri hesa verk­ætlan. Tunnilin kærkomin Borgarstjórin í Viðareiðis kommunu sig­ur, at viðoyingar gleða seg nógv til Við­ar­eið­is­tunnilin verður liðugur og tik­in í nýtslu. – Tað gekk rættiliga væl at bora tunn­il­in ígjøgnum, og ætlandi verður hann liðugur longu á vári næst ár. Hann væntar tó ikki, at Við­ar­eið­ is­tunnilin fer at merkja, at fleiri fólk fara at flyta til Viðareiðis í fyrstu syfti, tí framvegis eru tunlarnir Norður um Fjall ein rættiligur fløskuhálsur. – Tað verður ikki, fyrr enn tunlarnir Norð­ur um Fjall eru boraðir av nýggjum ella víðkaðir, at full nytta fæst burtur úr nýggja Viðareiðistunlinum, sigur Hans Jákup Kallsberg, borgarstjór. Hetta er spælistovan – Summardáin – sum dagrøktin á Viðareiði brúkar Mynd: Vilmund Jacobsen Vikublaðið hevur hitt borgarstjóran í Viðareiðis kommunu, Hans Jákup Kallsberg Mynd: Vilmund Jacobsen Í løtuni er nógvur grevstur á Viðareiði, og her verður grivið fyri eini lund við Spónhyl Mynd: Vilmund Jacobsen