mánadagur 2. november 2015síða 54

VIKA 45 • 2. NOVEMBER 2015 22 ÓKEYPIS LÝSINGARBLAÐ TEMA Norðoyggjar Vilmund Jacobsen V ið 30 íbúðum kring nýggja Biskupstorg í Klaksvík vilja vit geva eitt munagott íkast til fram­skygdu ætlanina fyri miðbýin, sum Klaksvíkar kommuna hevur stung­ið út í kortið. Soleiðis siga Bústaðir um verk­ætl­ anina, sum nú er í gongd á stóra pla­ ner­aða økinum inni á vánni í Klaksvík. Lagt verður aftrat, at íbúðirnar kring Biskupstorg, sum byggingin verður rópt, fara at skapa eitt sam­ spæl við tað nýggja miðbýarøkið. – Tá lunnar eru lagdir undir ein liva­ndi og fjølbroyttan bý, verður hetta íbúgvum og vitjandi til gagns, sigur stovnurin. Ymiskar leiguíbúðir Bústaðir vísa á, at íbúðirnar eru tekn­ aðar við støði í nýggju miðbýar­ætl­ anini í Klaksvík. – Umframt at hava ymiskar al­ menn­ar funktiónir í veghædd kring Biskupstorg, hava vit lagt dent á at hava eitt fjøltáttað úrval av leiguíbúð­ um í ovaru hæddunum. Bústaðir vísa á, at allar íbúðirnar eitt nú fara at hava rúmliga og nýtiliga terassu við góðum sólargangi, lætta atgongd fyri øll við innandura trappu og lyftu, alrúm við vindeygum á báð­ um útsíðum, so ljósviðurskiftini eru góð, nútímans baðirúm við plássi til vaski- og turkimaskinu, stór kømur og arbeiðsrúm, eitt í hvørjari íbúð við beinleiðis útgongd til terassu, privatan goymslukliva til súkklu og barna­vogn í veghædd – og gott útsýni yvir Biskupstorg, vánna, býin sum heild og náttúruna kring býin. Lagt verður aftrat, at samstundis verður hugsað um, at tað ikki sæst ov væl inn av torginum, so eitt ávíst privatlív verður tryggjað. – Tann góði bústaðurin er ikki ein­ ans góður innanveggja. Hann skal virka hond í hond við umhvørvið, bý­ lingin og býin, hann er partur av. Vit hava lagt okkum eftir, at hesir nýggju bústaðir koma at lúka øll nútímans krøv, siga Bústaðir um byggingina, sum nú er í gongd í Klaksvík Spennandi verkætlan Borgarstjórin í Klaksvíkar kommunu, Jógvan Skorheim, heldur, at fólk í Klaksvík eru ógvuliga spent upp á hesa verkætlan, sum Biskupstorg er. – Vit hava nógvar spennandi verk­ ætlanir fyri miðbýin, sum standa í fullum blóma. Miðbýurin er so sen­ tralur fyri okkum, og hetta er nakað, sum allir borgarar síggja og kunnu fylgja við í. Borgarstjórin vísir á, at umframt hesar 30 leiguíbúðirnar, verða umleið 900 fermetrar í veghæddini bygdar til handilshøli. – Saman við teimum umleið 80-90 fólkunum, ið fara at búleikast her, fer Biskupstorg at skapa eitt sprelllivandi umhvørvi. Jógvan Skorheim sigur, at tað var ein treyt hjá Klaksvíkar kommunu, at eitt handilslív eisini verður skapt á økinum, nú íbúðarbygging verður framd. – Eg eri ógvuliga fegin um, at tað, sum tosað hevur verið um her í Klaks­ vík í eini 30 ár, nú byrjar at koma. Restin av miðbýnum er ein longri til­gongd, men nú er so skjøtil settur á, og eg haldi, at vit øll fegnast um hetta. Borgarstjórin í Klaksvíkar komm­ unu sigur, at allur miðbýurin í Klaksvík og ivaleyst onnur øki við verður hit­ aður við alternativari orku - í hesum førinum við sjóhita. – Jú, hetta er ein spennandi tíð, sum vit nú ganga á møti, og tað verð­ ur áhugavert at fylgja byggingini og til­gongdini í miðbýnum, sigur Jógvan Skorheim. Klaksvíkin fær ein sprellivandi miðbý – Miðbýurin er so sentralur fyri okkum, og byggingin av Biskupstorgi er nakað, sum allir borgarar síggja og kunnu fylgja við í. Umframt 30 leiguíbúðir, verða eisini umleið 900 fermetrar til handilshøli, sigur Jógvan Skorheim, borgarstjóri í Klaksvíkar kommunu Myndin er av parti av Biskupstorgi, og tað eru Bústaðir, sum eiga myndina – Hetta er ein spennandi tíð, sum vit nú ganga á møti, og tað verður áhugavert at fylgja byggingini og tilgongdini í miðbýnum, sigur Jógvan Skorheim