mánadagur 2. november 2015síða 64

VIKA 45 • 2. NOVEMBER 2015 32 MIÐLAHÚSIÐ ÓKEYPIS LÝSINGARBLAÐ A lt datt eitt sindur niður fyri, tá Rás 2 flutti av sendinetinum hjá Peturi Jacobsen, men nú byrja vit aftur, sigur Petur Mohr, pro­ gram­leiðari á Rás 2. Í fyrstu atløgu er talan um nakrar fastar sendingar um dagin, men ætl­ an­in er, at byggja skránna meiri út so við og við. Petur Mohr Reinert sigur, at Rás 2 serliga leggur seg eftir at veita fólki gott undirhald. – Vit skulu gera útvarp, sum fólk tímir at lurta eftir, og vónandi fáa vit lurtaran meiri virknan í sendingunum, sigur hann og tosar um at fáa fólk at ringja inn og luttaka í kappingum av ymiskum slag. – Vit skulu tó framhaldandi bjóða fólkinum føstu tíðindasendingarnar, umframt at vit eisini halda á við at varpa út frá ítróttarkappingunum um vikuskiftið, sigur Petur Mohr Reinert. Fleiri nýggjar sendingar standa á skránni. Ein teirra eitur Prát og Plátur, har ein samrøða verður við ein gest um leyst og fast. – Tað verður eitt prát við kend ella áhugaverd fólk av onkrum slag. Prátið kann snúgva seg um nógv og ferðast víða, tað veldst alt um, hvør gesturin er. Onkuntíð snýr prátið seg um pláturnar beinleiðis, onkuntíð er minni samband millum tey bæði. Tó so, tað skal altíð vera eitt hugnaligt prát, sigur Petur Mohr Reinert. Ynskiløtan er eisini aftur á skrá, hvønn dag frá 13 til 14. – Sum nú er senda fólk ynski inn umvegis sms-skipanina. Vit vóna tó, at kunna útbyggja sendingina nakað, so at fólk heldur senda heilsanir ella siga eina søgu í samband við ynski, heldur enn bara at nevna eitt lag. Ætlanin er eisini, at hósdag ringja fólk inn í studio, so fáa vit eitt lítið prát við tey tá. Tveir dagar um vikuna, mánadag og týsdag, stenda lokalsendingar á skránni seinnapartin. Klokkan 16 verður sent úr Runavík mánadag og úr Klak­svík týsdag og sum vera man fara hesar sendingarnar fyrst og fremst at snúgva seg um tað, sum hendir í teim­um økjunum. Sendingarnar vera sendar beinleiðis úr Runavík og Klaks­ vík. Týsmorgun er ein vinnusending á skrá, har prátað verður við vinnu­lívs­ fólk ella onnur, ið hava við vinnuna at gera. Hendan sendingin verður allar­ helst nógv merkt av, hvat fyriferst í løtuni, greiðir Petur Mohr Reinert frá. Mikudag og hósdag seinnapart eru Eyðfinn Drewsen og Petur Mohr Reinert vertir í eini beinleiðis sending frá 15 til 17 – Tá verður tosað um alt møguligt. Vit fáa gestir inn, spæla tónleik, hava kappingar av ymiskum slag og hósdag seta vit sjóneykuna á, hvat fer at henda í vikuskiftinum, greiðir Petur Mohr Reinert frá. Fríggjamorgnar verður ein tón­ leika­dokumentarur, sum Petur Mohr Reinert er vertur fyri. Í hesi sendingini verður farið í dýbdina við einum bólki ella einari útgávu. Ein annar gamal kenningur á skránni er firmakappingin, sum eisini er umtalað aðra staðni á síðuni. – Síðani tekur fótbóltspanelið hjá Hera Simonsen og Trónduri Arge yvir og um vikuskiftið verður frásøgn frá ítrótti sum vanligt, umframt endur­ sendingar frá fyrr í vikuni, sigur Petur Mohr Reinert. Rás2 fer at kappast um undir­halds­ lurtararnar Fólk skulu tíma at lurta Mikudag og hósdag seinnapart eru Eyðfinn Drewsen (myndin) og Petur Mohr Reinert vertir í eini beinleiðis sending frá 15 til 17 Fótbóltspanelið: Hilmar Jan Hansen, Heri Simonsen og Trónduri Arge Petur Mohr, pro­gram­leiðari