mánadagur 2. november 2015síða 70

VIKA 45 • 2. NOVEMBER 2015 38 MIÐLAHÚSIÐ ÓKEYPIS LÝSINGARBLAÐ Lukas Graham stórtrívist í Føroyum D anski poppbólkurin Lukas Gra­ ham hevur júst verið á vitjan í Før­oyum. Bólkurin spældi tvær konsertir í ítróttarhøllini á Hálsi í Havn, og nú hava teir spælt tríggjar kon­sertir í Føroyum seinastu tríggjar mán­aðirnar. Í august spældu teir eisini á Summar Festivalinum í Klaksvík. Lukas Graham hevur verið serstak­ liga væl móttikin. Fyrsta ferðin gjørd­ ist so góð og hugalig fyri bólkin, at teir vildu sleppa aftur til Føroya at spæla sum skjótast. Og tað gjørdist til tvær konsertir fyri góðari viku síðani. Sangarin í bólkinum Lukas Forc­ hammer er stóri profilurin, og hann hevur av álvara funnið seg til rætt­is í Føroyum. Tann óformligi tónin og fyrikomandi framferðin hjá føroy­ing­ um tiltalar unga mannin, ið er upp­ vaksin á Christiania, og hann stór­ trívist millum føroyingar. Á konsertunum fyri viku síðani spurdi Lukas Graham enn einaferð sín­ar mongu fjepparar, um hann kundi koma aftur til Føroya at spæla næsta ár, og svarið var sjálvsagt eitt rungandi ja. Stór framgongd Spurningurin er, um Lukas Graham fær stundir og høvi at vitja í Føroyum komandi tíðina. Bólkurin er av álvara á veg fram, og eftir at sangurin Seven Years varð útgivin kring allan heimin fyri tveimum vikum síðani, hevur hann vunnið upp á globala hitlistan hjá tónleikatænastuni Spotify. Sambært amerikanskari uppgerð er júst tann sangurin mest virali sangurin í heiminum í løtuni. Tað merkir, at Seven Years er sangurin, sum flest fólk deila og posta umvegis sosialar miðlar og aðrar internettænastur. Lukas Graham hevur eisini fingið fótin fastan í Svøríki, Noregi og Týsk­ landi, og alt fleiri fyrispurningar eru um konsertframførslur. Nógv talar fyri, at Lukas Graham kann fáa veruligt altjóða gjøgnumbrot í næstum, og tey, sum kenna fram­ førslur og tónleik hjá bólkinum, vita, at tað er ikki so løgið. Sangirnir eru framúr góðir, bólkurin spælir knasandi gott, og so er Lukas ein fantastiskur sangari og performari. Lukas Graham hevur allar dygdir, sum skulu til fyri at fáa altjóða gjøg­ num­brot, og tí verður spennandi at fylgja bólkinum komandi tíðina. Vónandi fer framgongdin ikki at merkja, at Lukas Graham fer at gloyma sínar føroysku fjepparar, sum hann hevur fingið so gott forhold til. Seinastu mánaðirnar hevur Lukas Graham havt tríggjar konsertir í Føroyum, og hann vil gjarna vitja aftur til sínar mongu føroysku fjepparar. Bólkur vinnur nú av álvara fram á altjóða marknaðinum Føroyingar hava tikið serstakliga væl ímóti Lukas Graham Lukas Graham hevði fyri viku síðani tvær framúr góðar konsertir í Havn Lukas Graham vinnur av álvara fram á altjóða marknaðinum í hesum døgum