týsdagur 3. november 2015síða 20

Mikudagur 4. november 2015 · Nr. 127 20 Sosialurin Eirikur Lindenskov Úrslitið hjá Bakkafrost í triðja ársfjórðingi 2015 áðr­ enn skatt var 212 milliónir krónur samanborið við 255 milli­ónir krónur í triðja árs­ fjórðingi í fjør. Úrslitið eftir skatt var 168 milliónir krónur samanborið við 211 milliónir í fjør. Bakkafrost tók 13 tús­ und tons av laksi í triðja árs­ fjórðingi 2015. – Úrslitið er heldur lakari í hesum ársfjórðinginum í høvuðsheitum orsakað av hægri kostnaði. Hóast hetta, góvu allar deildirnar hjá fe­lag­num avlop. Tá ið nýggja brunn­skipið »Hans á Bakka« kom til Føroya í triðja árs­fjórðingi, tók Bakka­frost eitt týðandi stig í stra­tegiini hjá felagnum at lækka lívfrøðiliga váðan og menna virksemið. Mark­ naðar­útlitini fyri komandi ár eru góð, ongin vøkstur í út­boðnum væntast á heims­m­ark­naðinum, sam­ stundis sum økjandi eftir­ spurn­ingur er á øllum teim stóru marknaðunum, sigur Regin Jacobsen, stjóri á Bakkafrost í tíðindaskrivi í sambandi við, at felagið hevur kunngjørt roknskapin fyri triðja ársfjórðing í gjár. Bakkafrost setti 2,8 milli­ ónir smolt út í triðja árs­fjórð­ ingi 2015, sum er í samsvari við útsetingarætlan­ina hjá felagnum. Rávørukeypið hjá Havs­ brún fyrstu níggju mánað­ ir­nar í ár minnir nógv um rávørukeypið somu mán­ aðir­nar í fjør. Havsbrún tók ímóti 10 túsund tonsum av rávøru í triðja ársfjórðingi 2015, og rávørukeypið hjá Hav­sbrún fyrstu níggju mán­aðirnar 2015 var 171 tús­ und tons. Nýggja brunnskipið »Hans á Bakka« kann føra 450 tons av livandi fiski og er útgjørt við nýggjastu tøkni og serstakari útgerð at loysa uppgávur, t. d. av­lús­ing. Íløgan í »Hans á Bakka« økir flutningsorkuna og mink­ ar lívfrøðiliga váðan. Eftir at skipið kom til Før­oyar, er seinasta hond løgd á upp­ seting av útgerð og roynd­ arkoyringar. Tann 30. september 2015 var nettoskuldin hjá Bakka­ frost 182 milliónir krónur í mun til 233 milliónir krónur við ársenda 2014. Bakkafrost hevði ótroyttar kredittir á 802 milliónir krónur við endan av triðja ársfjórðingi 2015, og solvensurin var 63 prosent. MarknaðurinVaksandi eftirspurningur Eftirspurningurin eftir laksi hevur verið vaksandi sein­ astu árini orsakað av høga vøkstrinum á nýggjum mark­naðum og støðugum vøkstri á sið­bundnu mark­ nað­un­um. Vøksturin í útboðnum av ald­um laksi á altjóða mark­ naðinum verður væntandi áleið 4 prosent í 2015 og 0 prosent í 2016 í mun til árið frammanundan. Orsøkin til avmarkaða vøksturin er, at nógvir laksaframleiðarar eru um at røkka fulla nýtslu av verandi framleiðsluorku. Vænta at taka 48.000 tons næsta ár Bakkafrost væntar at taka 50.000 tons av laksi í 2015. Útsetingin av smolti hjá Bakkafrost í 2015 verður vænt­andi um 10,4 milliónir smolt. Tøkumeting og útseting av smolti er altíð tengd at ávís­ari óvissu, m.a. lívfrøði­ ligu gongdini. Lívfrøðiliga støðan er sum heild góð í Føroyum. Bakkafrost ar­beið­ ir áhaldandi við at tryggja eina burðardygga ali­vinnu. Í 2016 væntar Bakkafrost at taka 48.000 tons av laksi, og útsetingin av smolti í 2016 verður ætlandi 10,5 milliónir smolt. Málið hjá Bakkafrost er, at umleið 40-50 prosent av aliframleiðsluni verður selt sum liðugvøra til fastar prísir. Søluavtalur fyri liðug­ vøru verða gjørdar fyri eitt tíðarskeið millum seks til tólv mánaðir. Bakkafrost hev­ur avtalað umleið 78 pro­ sent av framleiðsluorkuni hjá liðugvørudeildini fyri rest­ina av 2015. Mjøl, lýsi og fóður Útlitini fyri framleiðsluni av mjøli og lýsi eru tengd av rávørumongdini, sum er tøk. Kvoturnar fyri svartkjaft í Norðuratlantshavi verða væntandi lækkaðar, og tí met­ir Bakkafrost, at tað er sann­líkt, at framleiðslan av mjøli og lýsi í 2016 lækkar frá lutfalsliga stórari nøgd í 2015. Størsti marknaðurin fyri laksafóður hjá Havsbrún er heimamarknaðurin, íroknað fóðurnýtslan hjá Bakkafrost. Mett verður, at samlaða sølan av laksafóðri verður 79.000 tons í 2015. Treytað av fóðurkeypi hjá kundum uttanhýsis verður mett, at samlaða sølan av laksafóðri í 2016 verður 80.000 tons. Íløgur fyri 1,37 milliard Langtíðar íløguætlanin hjá Bakkafrost fyri tíðarskeiðið 2014-2017 er 1.370 milliónir krónur, harav væntast íløgur fyri umleið 550 milliónir krón­ur í 2015. Ætlanin hev­ ur sum endamál at tryggja framhaldandi besta kapp­ ingar­føri, lívfrøðiligan vøkst­ur, økja smidleikan í fram­leiðsluni og minka lív­ frøði­liga váðan. Útlitini fyri laksa­mark­n­ að­in komandi árið og áhald­ andi denturin, sum verður lagd­ur á, at Bakkafrost hev­ur eina framleiðslu við muna­dygg­um eftirliti av kostn­að­in­um, eru við til at økja um fíggjarligu møgu­ leik­arnar hjá felagnum. Stóra eginognin í mun til saml­aðu ognirnar, saman við at­gongdini til altjóða fígging, geva Bakkafrost fíggjarligu styrkina at gjøgnumføra stóru íløgurnar, sum eru fyri framm­an. Heldur slakari ársfjórðingur VINNA Bakkafrost hevði 212 milliónir krónur í úrsliti áðrenn skatt í triðja ársfjórðingi Fakta um Bakkafrost: Bakkafrost er størsta alifyritøka í Føroyum. Samtakið hevur fulla virðisketu frá fóðri, smolt- og laksa¬aling, kryvjing, liðugvøruframleiðslu til sølu. Framleiðslan av mjøli, lýsi og fóðri (FOF) er á Havsbrún í Fuglafirði, meðan alivirksemið er kring oyggjarnar á 14 ymsum firðum. Kryvjivirkini eru í Klaksvík, á Strondum og í Kollafirði, meðan liðugvøruframleiðslan (VAP) er á Glyvrum og í Fuglafirði. Høvuðsskriv¬stova felagsins er á Glyvrum. Samanlagt hevur samtakið um 700 fulltíðar starvsfólk. Regin Jacobsen, stjóri á Bakkafrost