týsdagur 3. november 2015síða 25

25 Mikudagur 4. november 2015 · Nr. 127 Sosialurin Hugskot og viðmerkingar – send sms til 225000 Svenning av Lofti Í eini grein skrivar Heðin Mortensen, borgarstjóri, um ym­iskar ætlanir við miðbýnum. Hann greiðir í miðlunum frá um nakrar bygningar, sum komm­unan eigur. Hann vil, at fleiri bygningar í miðbýnum, sum kommunan hevur ræðið yvir, kunnu nýtast til útvent virksemi, sum fólkið fær gleði og gagn av. Býráðsformaðurin nevnir eisini at uppgávurnar hjá Tórshavnar komm­unu eru vaksnar nógv sein­ astu árini. Ein av uppgávunum, sum eigur at fáa fremstu raðfesting, er at fáa frið og ró í miðbýnum, sum nú er vorðin mest átøkur ein vígvølli hvørt vikuskifti. Mestsum hvørt ein­asta vikuskifti verður onkur slig­in niður, sparkaður, stungin við knívi ella neyðtøkuroynd gjørd. Her má býarstjórn okkara gera nakað fyri at steðga hesum. Eg fyrireikaði vitjan av donskum kóri fyrst í september mánaði í ár, sum eitt vikuskifti búði á Hotel Hafnia. Eini eldri hjún søgdu mær, at tey høvdu ikki fingið svøvn í eyguni náttina millum leygarkvøld og sunnumorgun, tí fólk leikaðu í úti á gøtuni. Hetta er stór skomm fyri býin. Las í dag á portalinum, at »løg­ reglan fekk eina fráboðan eitt mid­ náttarleiti, har ein 16 ára gamal drong­ur var álopin. Sum skilst, so hevur álopsmaðurin verið í trupul­ leikum við løgregluna áður. Mað­ urin, ið varð álopon fekk snuddir, og varð koyrdur út á skaðastovuna til nærri kanningar. Løgreglan varð fleiri ferðir boðsend út á m.a skeinkistøð, har fólk vóru í horna­ tøkum«. Meginorsøkin til alt hetta eru drykkju­støðini, sum eru opin megin­partin av náttini. Fari at heita á býarstjórn okkara um at steðga hesum ólevnaði, sum oyðileggur ung­dóm okkara og ger, at fólk ikki kenna seg trygg at ganga úti í Havn seint á kvøldi. Miðbýurin í Havn – mest átøkur einum vígvølli um vikuskiftið KJAK Fuglafjarðar Kommuna Námsfrøðingar til Stropan at byrja 1. Januar 2016.   Stropin er ein dagstovnur í byrjaði sítt virksemi í september 2012, fyri børn úr ½ til 5 ára aldur. Stropin liggur í einum náttúruríkum umhvørvi, har ið náttúran náttúrliga setur sín dám á gerandisdagin.   Vit sóknast starvsfólkum, ið hava dirvið at seta dagsskránna. Vit vænta tí at tú kanst arbeiða sjálvstøðugt, ert eitt menniskja ið hevur eina jaliga tilgongd til lívið, dugir at samstarva, tekur ábyrgd, tolir broytingar og dugir at seta tær hóskandi mál.   Vit bjóða tvey spennandi størv, ið eru í støðugari menning, har tú kanst verða við at mynda og seta tín dám á stovnin.   Størvini eru á 40 tímar, og vit vænta at tit kunnu byrja 1. Januar 2016 Setanarviðurskifti Størvini vera sett 1. Januar 2016. Løn sambært sáttmála millum Føroya Pedagogfelag og Kommunala Arbeiðsgevarafelag Føroya. Lønarstig 11-18 fyri Námsfrøðingar Arbeiðstíð, mánadag til fríggjadag 07.15 – 17.00.    Skrivlig umsókn skal verða Fuglafjarðar kommunu í hendi í seinasta lagi mánadagin 16. November 2015 kl. 12. Fuglafjarðar kommuna Ennivegur 38 Fo-530 Fuglafjørður Ella info@fuglafjordur.fo   Meira fæst at vita um starvið við at venda sær til Siggu Óladóttir Joensen, leiðari, telefon 238041, ella stropin@fuglafjordur.fo. – www.stropin.fo