týsdagur 10. november 2015síða 44

vika 46 • 9. november 2015 44 Miðlahúsið Ókeypis lýsingarblað Í nógv ár hevur Nordjysk Lift havt eina deild í Føroyum, sum hevur leigað ymiska arbeiðsútgerð til bæði privat og vinnuligt virksemi. Men nú hava teir báðir Geir Wardum og Eyðun Egholm, ið báðir hava starvast í fyritøkuni í fleiri ár, saman við Christian Nagata sum íleggjara, yvirtikið føroyska partin og sett á stovn nýggja felagið Lyfta, sum nú er ein føroysk fyritøka í føroyska samfelagnum Av og á hava vit øll tørv á onkrari útgerð, sum vit ikki eiga heima við hús, tá ið vit gera okkurt arbeiði. Tað kann til dømis vera, at man skal upp at mála ein kvist, og at man ikki hevur ein hóskandi stiga ella eitt stillads. Í slíkum førum er eitt gott mið at leita sær niðan á Hjalla 30, har fyritøkan Lyfta, sum í farnu viku kom á føroyskar hendur, heldur til. Góð 10 ár á baki Tað var í 2003, at Eyðun Egholm á fyrsta sinni byrjaði við arbeiðnum at hava eina fyritøku, sum skuldi leiga ymsa arbeiðsútgerð til bæði vinnulív og privat. Við árslok í 2003 kom so sam­starv við Nordjysk Lift í lag. Fyrstu tíðina varð hildið til úti við Vel­ba­stað­vegin, men í 2008 bleiv flutt nið­an á Hjalla, har teir bygdu sær sín egna bygning. Tá var Geir Wardum kom­in afturat Eyðun Egholm at starv­ast í felagnum. – Vit gjørdu næstan alt sjálvir. Vit fingu eitt sindur av hjálp frá fakfólki til ávísar uppgávur, men sum heild gjørdu vit tað mesta sjálvir, greiða teir báðir frá. Fleiri enn 500 ymisk eindir at leiga út Í farnu viku yvirtóku teir báðir, Eyðun Egholm og Geir Wardum, virksemið hjá Nordjysk Lift í Føroyum. Tað hevur verið eitt ynski hjá okkum báðum í langa tíð, men tað hevur verið ein drúgv tilgongd at fáa hetta í lag, siga teir, sum harumframt hava fingið Christian Nagata við í fyritøkuna sum íleggjara. Teir báðir hava sum áðurnevnt drúgvar royndir á økinum, tí teir hava starvast í fyritøkuni leingi, og teir kenna tí føroyska marknaðin og ikki minst viðskiftafólkini. – Vit hava verið við øll árini, og tí kenna vit allan marknaðin. Vit kenna eisini allar maskinurnar og alla útgerðina, sum vit hava, og vit vita, hvørja útgerð ymsu viðskiftafólkini hava tørv á, siga teir báðir. Úrvalið av eindum, sum Lyfta hevur at bjóða, er ógvuliga víttfevnandi. Tilsamans er talan um fleiri enn 500 ymiskar eindir. – Vit hava alt líka frá einum skrúvublað til eina lyftu, sum røkkir 30 metrar upp. Vit hava næstan alt, sum man kann standa og mangla í sambandi við eina arbeiðsuppgávu, siga teir á Lyfta. Lættir um hjá fyritøkum Men er tørvurin á eini slíkari fyritøku stórur í Føroyum. – Tað meta vit, at hann er. Vit eru einasta fyritøka í Føroyum, sum burturav fæst við útleigan av slíkari útgerð, og vit vita, at tað er ein marknaður fyri hesum í Føroyum. Vanligu føroysku fyritøkurnar hava ikki tørv á at eiga alskyns útgerð sjálvar, tí at í flestu førum er talan um útgerð, sum man ikki brúkar so ofta. Tí hevði tað bara bundið pengar hjá eini slíkari fyritøku at keypa til dømis eina lyftu ella okkurt annað. Nú kann fyritøkan ístaðin leiga tað frá okkum, og vit taka okkum av at fáa útgerðina út til kundan, og vit taka okkum av øllum viðlíkahaldi. Tað vil siga, at kundin bara fær útgerðina koyrda á arbeiðsstaðið, tá ið hon skal brúkast, og tá ið hon ikki skal brúkast meira, koma vit eftir henni, greiða teir á Lyfta frá. Ein náttúrlig gongd Fyri teir báðar Eyðun Egholm og Geir Wardum er tað náttúrligt, at teir nú hava yvirtikið fyritøkuna, og sjálvir eiga tað, sum teir fáast við til dagligt. – Tað eru vit báðir, sum altíð hava verið andlitið út til føroysku kund­ar­nar, men nú er munurin so tann, at tað eru vit báðir, sum eiga og hava avgerandi orðið. Fyrr bleiv alt fullkomiliga stýrt úr Danmark, siga teir. Teir halda tað hevur nógv at siga, at Lyfta nú er vorðin ein føroysk fyritøka í tí føroyska samfelagnum, og teir eru sannførdir um, at útlit eisini eru fyri vøkstri í framtíðini. Men sambært teimum trimum eig­arunum av Lyfta hevði tað ikki bor­ið til at yvirtikið fyritøkuna uttan væl­vild frá fíggingarstovninum. – Tað hevði ikki borið til, utt­an gott og tætt samstarv við góð­ an sak­før­ara og vinnudeildina í Bank­Nor­dik, sum hevur staðið fyri fígg­ing­ina, sigur nýggi nevnd­ar­for­ mað­ur­in, Christian Nagata. virkisvitjan Lyfta á fø