mánadagur 16. november 2015síða 36

vika 47 • 16. november 2015 4 Miðlahúsið Ókeypis lýsingarblað Føroya minsta góðkenda flakavirki H ann er ein býarmynd í Havnini, har hann trúfastur stendur niðri í Vágsbotni og selur fisk, men í dag hitta vit hann á staðnum, har fiskurin verður tilvirkaður. Í kjall­ aranum í sethúsunum hjá Mortani í Føgrulíð er tað, hann sjálvur kallar Føroya minsta góðkenda flakavirki. Mortan Johannesen sigur, at hetta er ein hobby, hann hevur fingið sær, nú hann er vorðin pensjónist. – Eg takki Várharra hvønn morgun fyri at eg eri frískur og havi okkurt at fara upp til. Eg setti mær fyri, tá eg fór at rógva út, at eg skuldi fáa sum mest burtur úr hvørjum fiski, og tað royni eg enn, sigur hann. Hann greiðir frá, at hann hevur verið skipari, síðani hann var 26 ára gamal, og tað var serliga meðan hann var skipari á Suðringi, at hann hugsaði um allan fiskin, sum fór til spillis. – Vit fingu 270 tons av upsa, men koyrdu so 100 tons burtur. Havtaska, svartkalvi, tunga, alt bleiv koyrt til síðis og lagt at rotna. So fingu vit sama prís fyri allan fiskin, líkamikið hvussu góður hann var. Tað vil siga, at tað var tann ringasta vøran, sum ásetti prísin, sigur Mortan Johannesen. Einki verður blakað burtur á flaka­ virkinum hjá Mortani. Tá fløkini eru skorin, verða bæði ryggar og uggar eisini gagnnýttir. Hann hevur ognað sær eina maskinu, sum fær skavað tað seinasta av fiskinum av uggunum og rygginum, sum so verður nýtt til knett­ir og frikadellur. Hann sigur, at hann og abbasonurin, sum hjálpir honum, steikja 700 knettir og 700 frika­dellir um vikuna. Í morgun, áðrenn hann fór oman í Vágsbotn at selja klokkan 10, hevur abbasonur staðið og gjørt frikadellur, sum Mortan fer at steikja seinnapartin. Frikadellurnar verða stoktar á pannu á flakavirkinum. – Eg vildi fáa tað góða, gamla før­oyska hándverki inn aftur í mat­ gerð­ina. Hesi knettini eru ikki gjørd við mjøli, men við reinum fiski, sum mamma tín plagdi at gera hann. Tað sama er við fiskafrikadellunum, sigur hann og greiðir frá, at nógvir gluten­ allergikarar fegnast um, at hann ikki nýtir mjøl í vørunum. Fiskin keypir hann á fiskamarknaðinum. Mortan Johannesen er upptikin av, at fáa sum mest burtur úr til tilfeingi, vit hava. – Eg sá, hvussu nógv fór vekk og eg fór at spyrja meg sjálvan, hvussu vit kundu fáa meiri burtur úr hvørjum kilo fiski, og tað er tað, eg royni her á flakavirkinum, sigur hann. – Havnin etur fýra tons av døg­ urða­mati hvønn dag og ein fittur part­ur av hesum er fiskur. Eg ivist ikki í, at um vit løgdu okkum eftir tí, kundu vit fingi 30% meiri gagnnýtslu burtur úr hvørjum kilo av fiski. Tað eru 30% meiri fiskur, sum kundi farið út á føroyska marknaðin og komi før­oyskum familjum til góðar, sigur Mort­an Johannesen. Mortan Johannesen og abbasonurin gera 1400 knettir og frikadellur um vikuna í kjallaranum hjá Mortani