mánadagur 16. november 2015síða 38

vika 47 • 16. november 2015 6 Miðlahúsið Ókeypis lýsingarblað Rani A. Skaalum Stólurin í stólinum hesa vikua Lýs teg sjálvan við trimum orðum: Ærligur, álítandi og illsintur. Hvat merki er bilur tín? Ein gamal VW Passat, sum eitur Lasarus. Hvat merki er telefon tín? Samsung S4 Mini. Hvør er tín besta summarfrítíðaruppliving? Tað má vera túrurin saman við konuni í 2010, tá vit m. a. vitjaðu Disney World og Universal Studios. Hvat orð ella hvønn setning nýtir tú oftast? Lat meg siga tað upp á hendan mátan & Hattarhar em.... Hvørjum hyggur tú at hjá hinum kyninum? Eg druknaði í vøkru eygunum, flottu krúll­unum og vakra smílinum á kon­ uni, tá eg fyrstuferð sá hana fyri um­leið 15 árum síðani. Hvat ger teg í góðum lag? Tað er ordiliga deiligt og gevur mær eina góða byrjan á dagin, tá ið Jónatan kemur sníkjandi inn at vekja meg um morgunin. Hvat stressar teg? Vánaligt alment tænastustøði og tá vaksin uppføra seg sum børn. Hvør er tín yndisrættur? Fiskur, fuglur og hvalur! Hvat gleðir teg? Tá ið eg síggi flest svørt tøl í heima­bank­ anum, at Sev nýtslan minkar ár um ár, og tá tað gongst væl í fótbóltinum! Hvat var seinasta ynskið, sum tú fekst uppfylt? At Jónatan bleiv stóribeiggi hjá lítla fitta Benjamin! Hvar arbeiðir tú? Í Skúlanum við Løgmannabreyt. Hví valdi tú at arbeiða innan júst hesa vinnu ella øki? Eg royndi tað fyrst sum læraravikarur eftir lokið studentsprógv. Tað var avbjóðandi á ein heilt serligan hátt. Sjálvur helt eg meg púrasta vita, hvat tað krevur at vera lærari, og hvussu mínir lærarar burdu havt gjørt. Tí var tað serliga stuttligt at allar mínar hugsanir og meiningar um hetta vóru endavendar eftir eini stuttari løtu handan lærarapultin. Tað eru nú 12 ár síðani, og eg læri hvønn dag okkurt nýtt. Eingin dagur er líka, eingin flokkur hin sami, og hesi fantasisku børnini og ungu seta sannilga lit á gerandisdagin! Tað er eitt sera týdningarmikið, gevandi og avbjóðandi starv! Hvør er stuttligasta uppliving tín í starvinum? Tað er sera torført at taka dagar í millum allar tær stuttligu og góðu løturnar, ið tú upplivir saman við børnum og ungum sum lærari. Tað er eingin einstøk løta, ið skarar framúr, men heldur eru tað tær nógvu smáu løturnar, ið eg havi upplivað, har børnini hava víst mær, hvør stór ábyrgd tað er, og hvussu gevandi tað er at vera lærari. Hvørjum tónleiki lurtar tú eftir? Fyri tíðina lurti eg nógv eftir einum amerikanskum bólki, ið eitur Big Daddy Weave, ið spælir eina blanding av pop og rock, har nógv fokus er á vokalin. Annars dámar mær ómetaliga blandaðan tónleik. Alt frá kórsangi til heavy metal. Hvat er besta uppfinningin og hví? Tað er so ómetaliga nógv sum eg ikki haldi meg kunna vera fyri uttan, at eg havi ilt við at velja. Men einnýtisblæður, tær liggja ovarliga á listanum, annars hevði tað verið nakað verri skitt! Hvat er besta íløgan, tú hevur gjørt? Espressomaskinan og kanska eisini húsini, fáa at síggja. Hvat er títt besta heimaráð? Eg haldi ikki eg havi nakað, men ofta trívi eg í orðini »tað finna vit nokk útav«, tá ið onkurt óvæntað hendir. Hevur tú nakað húsdjór? Nei, tað havi eg ikki. Hevði kettu og marsvín sum barn. Hvat hevði tú gjørt, um tú vann eina millión? Eg hevði latið eina ókenda upphædd dulnevnt til onkran ella onkur, ið hava tað fyri neyðini. Restina vildi eg brúkt at tryggja børnunum eina góða uppsparing til teirra vaksa lív. Hvat hevði tú gjørt, um tú vann tíggju milliónir? Eg hevði uttan iva syrgt fyri at míni nærmanstu vórðu skuldarfrí. Síðani hevði eg tryggja mær framtíðina hjá børnunum og latið eina ókenda upphædd dulnevnt til onkran ella onkur, ið hava tað fyri neyðini. Hvat er best við Føroyum og hví? Náttúran, tryggleikin og friðurin! Tað er serstakt og ótrúliga dýrabært at kunna finna friðin og seg sjálvan aftur úti í okkara stórbæru náttúru bert eitt hanagleiv frá býnum og meldrinum, ið stundum hóttir tann innara friðin og javnvágina. Hvar ert tú um 10 ár? Eg vænti, at eg búgvi sama stað, vónandi við fleiri børnum í húsi, við enn fleiri royndum sum lærari og uppaftur glaðari um lívið, og tað sum er umráðandi fyri meg og míni! Besta er náttúran, tryggleikin og friðurin Um 10 ár búgvi eg sama stað, vónandi við fleiri børnum í húsinum