mánadagur 23. november 2015síða 28

Mánadagur 23. november 2015 · Nr. 135 28 Sosialurin Hugskot og viðmerkingar – send sms til 225000 ítróttur Jógvan Arge, varaborgarstjóri í Tórshavnar kommunu, gevur bæði borgarstjóranum og forkvinnuni í mentamálanevndini eitt nevs fyri framferðina í sambandi við lyftum til ítróttar­ anlegg, sum hann heldur lítið høpi vera í. – Staðfestast má, at sjálvt høgra hond veit ikki longur, hvat vinstra hond ger á Vaglinum, sigur hann í hvassorðaðum skrivi Pætur Albinus Greinarøðin í Sosialinum um vánaligu umstøðurnar hjá fleiri ítróttargreinum í høvuðs­staðnum hevur fingið fleiri at rakna við. For­ menn í ítróttar­feløgum- og sam­bond­um og ÍSF-forsetin tóku undir við, at umstøður­ nar vóru ov vánaligar, og tað var sum bensin á bálið, tá ið Halla Samuelsen, býráðs­ limur, skeyt upp, at peningur mátti vera á komandi fíggjar­ ætlan til eina squash-høll. Kommunuval er í eyg­sjón og fíggjarætlan skal leggj­ast fram um góða viku, og longu nú hevur fyrsti býráðs­ politik­arin hvest tung­una í um­røðu av uppskotum og lyftum hjá øðrum býráðs­ limum. Tað er Jógvan Arge, varaborgarstjóri, sum heldur lítið um tosið hjá Helenu Dam á Neystabø og Heðini Morten­sen viðvíkjandi ítrótar­anleggum. Lítil kós Helena Dam á Neystabø, for­ kvinna í mentamála­nenvnd­ ini, sum varar av ítróttinum, lovaði fyri einari viku síðani, at tað í 2016 verða uml. 50 milliónir krónur settar av til ítróttaranlegg, og at tey ar­beiða við fullari orku at finna fram til tær loysnir, sum á bestan hátt loysa so nógv­ar avbjóðingar sum møgu­ligt. Ítróttargreinar sum fót­bóltur, hondbóltur, flog­bóltur, judo, borðtennis, boga­skjót­ing og svimjing vórðu nevndar. Jógvan Arge, varaborgar­ stjóri, heldur lítið um øll lyft­ ini hjá býráðsfeløgum hans­ ara, og samanber hann hetta við tað, sum hann kallar fyri 'húsaøðina, sum valdaði í mið­býnum og á vestaru bryggju fyri fáum vikum síð­ani.' – Lítil kós og ongin niður­ støða, men nógv orð við ong­ um politiskum veruleika aftan­fyri seg. Víst eru og verða pengar settir av til bygg­ing av ítróttahúsum. Stórur partur av hesum peng­um hevur verið tøkur til íløgur leingi, men ítøkilig og endalig stig eru ikki komin burturúr. Tað snýr seg um at útvega fleiri hallartímar til hondbólt og flogbólt í Havn við eini høll aftrat og haraftrat skilagott innivist til judo og borðtennis. Nær og hvat spyrst burturúr, veit ongin at siga sum er, skriv­aði Jógvan Arge í lesara­brævi í kjalarvørrinum á greina­røð­ ini um vánaligu um­støð­ur­ nar. Reyp Eisini finst varaborgarstjórin at tosinum um nýggjan 50m-svimjihyl í Gundadali. Helena Dam á Neystabø peik­aði á, at nú var verulig gongd komin á ætlanina um at byggja 50m-svimjihyl í Gunda­dali, og at byggiskráin verður liðug fyrst í komani ári. Jógvan Arge heldur hetta vera reyp, tí játtan hevur ver­ ið tøk í fleiri ár, men at málið hevur ligið deytt leingi. – Reypað verður eisini um 50 metra hylin. Til hans­ ara hava 10 milliónir verið tøkar í fleiri ár, men so at siga ongan veg er komið. Málið lá deytt leingi, men fekk nýggjan aktualitet, tá javnaðar­flokkurin valdi ein fólka­floksmann í nevndina fyri SEV. Nú ljóðar, at bresta skal fyri nev í januar. Nýggir pengar verða eftir øllum at døma kortini ikki játtaðir í 2016, skrivar Jógvan Arge. Svimjihylurin, ið tosað verður um, skal eftir ætlan út­byggjast frá verandi svimji­høll og tann vegin, har ÍSF-húsið stendur í dag. Petur Elias Petersen, ÍSF- forseti, segði við Sosialin í síðstu viku, at ÍSF hevur tørv á nýggjum høvuðssæti, og tí verða tað neyvan hann og felagar hansara í ÍSF, sum fara at vera ímóti einari møgu­ligari ætlan um at ríva ÍSF-húsið niður. Tórsvøllur Tað er ikki bara Helena Dam á Neystabø, sum fær nøkur orð á vegnum í lesarabrævinum. Varaborgarstjórin Lítið høpi í fram­ferðini