mánadagur 23. november 2015síða 46

vika 48 • 23. november 2015 14 Ókeypis lýsingarblað TEMA Sandoy Stórt bjartskygni er á Sandi Vilmund Jacobsen T að gongur væl í Sands komm­ unu, og fólk eru bjartskygd. Fólka­talið veksur, og vøksturin hig­ar­til í ár táttar í 3 prosent sum merk­ir, at kommunan hevur havt trið­ størsta vøkstur í Føroyum. Í dag búgva stívliga 530 fólk í Sands kommunu. Fara vit nøkur ár aft­ur, var fólkatalið væl størri, men nú er gongd í aftur, og tað fegnast ikki minst borgarstjórin, Brandur Sandoy, um. – Eins og í flestu bygdum í Før­oy­ um, hevur lítil sethúsabygging ver­ ið í okkara kommunu seinnu ár­ini. Beint nú er einki sethús í gerð, men í heyst er eitt grundstykki selt í Sand­ ar­brekkuni. Borgarstjórin vísir á, at kommunan eigur lendi, sum er klárt at leggja út til grund­øki. Hetta er Uppi á Høga­ryggi, har pláss er fyri umleið 15 grund­ stykkj­um. – Men, tað er ikki vist, at tað verð­ ur akkurát her, at næsta byggiøki í komm­ununi verður. Vinnu-og tøkni­ nevnd­in í kommununi arbeiðir við spurn­ing­inum um, hvar nýggja byggi­ øk­ið skal verða. Vit halda, at bygdin er ríki­liga spjadd sum er, men hinvegin er greitt, at vit fara ikki at taka bestu land­búnaðarjørðina til byggilendi. Brandur Sandoy sigur, at nú tíðin nærk­ast, til skjøtil verður settur á Sand­oy­artunnilin, væntar hann, at eft­ir­spurningurin eftir grundstykkum fer at veksa munandi. Summarhúsøki Byggifelagið Articon eigur eitt stórt summ­arhúsøki Handan Hamralið á Sandi, har pláss er fyri 14 summ­ar­ húsum – við útsýni yvir eitt nú Grót­ hús­vatn, Salthøvda og vestur í hav. – Articon hevur ikki sett spakan í enn, men eg vænti, at tað verður fyri jól. Soleiðis, sum eg havi skilt, er stórur áhugi fyri hesum summarhúsum, og hús eru longu bíløgd. Articon ætlar, at nøk­ur av húsunum skulu standa uppi longu komandi summar. Brandur Sandoy sigur, at Sands komm­una seinastu tíðina hevur fingið fleiri fyrispurningar um summarhús, og í slíkum føri hava tey biðið fólk vent sær til Articon. – Sandoyggin er so ófatiliga væl­ egn­að til summarhús, og tað undrar meg ikki, nú fokus er á oynna, at fleiri vilja eiga síni summarhús her hjá okk­ um. Tað gleðir okkum, at fólk vilja byggja síni summarhús her suðuri, tí hetta er við til at skapa eitt enn betri grund­ar­lag undir eitt nú handilslívi, mat­stovu-og ferðavinnu. Eitt andarhol Í nógv ár hevur Sands kommuna verið tyngd av ov stórari skuldarbyrðu, men eis­ini á hesum øki sær alt betri út í dag. – Eg kann siga, at vit hava fingið okk­ara frælsi aftur við tað, at skuldin nú er farin niður um eina álíkning, sam­stund­is sum vit hava fingið økt­ ar og nýggjar inntøkumøguleikar. Marine Harvest hevur fingið aliloyvi á Sandsvág, og hóast virksemi enn er á royndarstigi, og eingin fiskur enn er settur út, hava vit longu merkt ágóð­ an av alivinnuni. Brandur Sandoy staðfestir, at bara í ár kemur alifelagið at rinda heilar tríggj­ar miljónir krónur av sínum parta­fe­lagsskatti í kommunukassan á Sandi, og hetta hevur velduga stóran týdn­ing fyri kommununa. – Hóast vit lækkaðu skattin við hálv­um prosenti í verandi fíggjarári, er eisini lønarskatturin øktur. So, vit kunnu ikki siga annað enn, at hetta eru spennandi tíðir, sum liggja fyri framm­an. Borgarstjórin leggur tó dent á, at hóast pílarnir peika rættan veg hjá kommununi, verður framvegis hild­ið aftur í rakstrarútreiðslunum, sam­ stund­is sum goldið verður niður á eft­ir­ver­andi skuld. Nógv trivnaðartiltøk Hóast Sands kommuna hevur verið tyngd av skuldarbyrðu, hevur kortini eydn­ast at skipa fyri nógvum ymiskum trivn­að­artiltøkum í bygdini. – Eg vil siga, at her hendir ymiskt alla tíðina, og taka vit Sandoynna sum heild, eru fá vikuskifti, har ikki okkurt er á skránni. Brandur Sandoy vísir á, at skip­að hevur verið fyri almennum morg­un­ mat­ar­borði nakrar ferðir um árið, og tá hevur tað verið soleiðis, at allir sand­oyingar – og ikki bara fólk á Sandi – hava verið vælkomin til ein morg­un­ mat­ar-bita og hugnaligt prát. – Hesi tiltøk hava verið væl vitjað. Hann vísir á, at tá oktoberhugni var á Sandi fyrr í heyst, var góð upp­møt­ ing til tey mongu tiltøk, sum vóru á skánni. – Sandoyarstevnan skiftir millum bygd­ir í oynni, og tá vit ikki hava stevn­una á Sandi, plaga vit at skipa fyri seinsummardøgum, sum tó ikki hava verið hvørt ár. Tá tíðin styttist til jól­ar, kemur jólaskip á Sand, og á nýggj­ár­inum í fjør høvdu vit eina rúgvu av fólki til nýggjársbál. Brandur Sandoy sigur, at soleiðis hev­ur verið skipað fyri nógvum ym­isk­ um trivnaðartiltøkum, sum ikki kosta tað stóra, men sum skapa trivna í øk­ in­um. – Tað gleðiliga er, at í flestu førum møta bæði børn, ung, tilkomin og eldri, og tað eru eisini mong, sum búgva aðrastaðni, ið leita sær aftur í oynna, tá slík tiltøk eru á Sandi, sigur borg­ar­stjórin. – Hóast pílarnir peika rættan veg hjá Sands kommunu, og bartskygni er stórt, verður framvegis hildið aftur í rakstrarútreiðslum, samstundis sum goldið verður niður á eftirverandi skuld, sigur Brandur Sandoy, borgarstjóri - Hóast vit lækkaðu skattin við hálvum prosenti í verandi fíggjarári, er eisini lønarskatturin øktur. Vit kunnu ikki siga annað enn, at tað eru spennandi tíðir, sum liggja fyri framman, sigur Brandur Sandoy, borgarstjóri í Sands kommunu Mynd: Birgir W. Høgnesen Marine Harvest hevur fingið aliloyvi á Sandsvág, og hetta hevur longu givið stórar inntøkur í kommunukassan á Sandi Mynd: Vilmund Jacobsen