mánadagur 23. november 2015síða 64

vika 48 • 23. november 2015 32 Ókeypis lýsingarblað Fløyen og Ulriken Bergen fyri børn Eins og Róm er Bergen bygd millum sjey fjøll. Ulriken er tað hægsta av hesum sjey fjøllunum Hæddin er 642 metrar. Ovast hava norðmenn nú bygt eina matstovu og kafé og ein gondolbani koyrir ferðafólk upp á toppin. Tað ber eisini væl til at taka leiðina upp á Ulriken til gongu, fleiri gøtur leiða fólk upp á toppin og haðani víðari inn á Víddina. Enn betri umtókt sum ferðamannamál er kort­ini Fløyen, eitt av hinum sjey fjøllunum, og haðani sært tú besta útsýnið í býnum, sigst. Fløyen liggur beint oman fyri miðbýin, sum allar­ helst er ein av orsøkunum til, at tað er so væl um­tókt. Hæddin er einans 399 metrar og tað er bæði koyrandi, súkklandi og gangandi upp á toppin. Her ber tó eisini til at koyra við einum elektriskum kápulvogni. Hendan rutan byrjaði so tíðliga sum í 1918. Ovast av Fløyen, har tað sjálvandi liggur ein mat­stova, er útsýnið yvir Bergen bergtakandi. Haðani ber eisini til at ganga víðari inn yvir Víddina, millum annað yvir á Ulriken. Meet the Locals. Soleiðis roynir Akvariið í Bergen at lokka vitjandi til sín. Akvariet í Bergen er eitt akvarium sum vísir fisk, pingvinir, sjóleyvur, kópar og onnur djór, ið liva í vatni Akvariet hevur eisini eina stóra tropiska deild, við slangum, krokodillum, eiturkppum og øðrum tropiskum djórum. Akvariet liggur mitt í Bergen. Fleiri enn 300 djórasløg eru í akvariinum, og roynt verður at geva teimum eitt so nátúrligt um­hvørvi sum gjørligt. Í forhøllini sleppa bæði stór og smá at upp­ liva, hvussu tað er at geva fiskunum mat og fleiri ferðir um dagin geva djórapassararnir pingvin­unum og kópunum mat og greiða frá um djórini. Akvariið í forhøllini er eitt sonevnt nertingar­akvarium, har vitjandi kunnu nerta við øll djórini. Hetta akvariið endurspeglar norsku fjørðuna. Endamálið við Akvariinum er at breiða kunn­ leika um lívið í havinum við at vísa teim­um vitjandi tað, sum livir í norskum sjógvi. Vón­andi økir hetta um kunnleika teirra um djóra­lívið í havinum og vekir áhuga teirra fyri grundar­lag­ num undir norskum fiskiskapi, hvalaveiðu og hav­nýtslu. Ferðavinnan í Bergen ger nógv burtur úr at hava tilboð til børnini. Umframt akvariið eru bæði baðiland og ein vitanardepil í Bergen. Baðilandið hevur bæði innandura og uttan­ dura svimjihylar. Har eru glíðibreytir, boblu­bað, Superbowl, strendur og enn tá ein egin deild fyri vaksin. Baðilandið er inni á keyps­mið­støðini Vestkanten, sum annar hevur 110 handlar, íshøll, curlingbana, bowlingbana, kropps­íðkanar­ miðstøð og fleiri matarstøð. Eisini ber til at njóta eina góða máltíð á strondini í baðilandinum. VilVita er ein stórur upplivingar- og vitanar­ depil fyri alla familjuna. Her kunnu børn og barnsligar sálir spæla og læra í framsýningunum, einsamøll ella saman við øðrum. Í VilVita eru bæði fastar og fyribils fram­ sýn­ingar. Millum føstu framsýningarnar eru Sentrifugal­skapurin, har tú kanst súkkla 360 stig runt, tú kanst gera tíni egnu veðurtíðindi ella fáa robottin at tosa ella syngja. Í framsýningini Vetrarítróttur kanst tú royna teg sjálvan í 23 ymiskum vetrarítróttargreinum. Royn at halda tær sjálvum á beinunum á skíum, luttak í skískjóting, statt á snowboard ella á skoytum – ella ger kavaflykrur. Alskyns møgu­ leikar eru í VilVita í Bergen.