mánadagur 30. november 2015síða 32

VINNUBLAÐIÐ HJÁ MIÐLAHÚSINUM Desember 2015 8 8 Árni Gregersen Ongantíð fyrr í nýggjari tíð hava vinnan og politiska skipanin staðið so hart hvør yvir fyri øðrum, sum síð­ani tað kom fram, hvørjar broyt­ingar nýggja samgongan ætlar at gera í fiski­vinnuni. Reiðarafelagið, Felagið Nótaskip, mann­ ingar­feløgini, reiðarar og búskapar­frøðingar hava í almenna rúm­inum havt viðmerkingar til broyt­ingar­nar. Og mangar viðmerkingar hava verið hvass­orðaðar. Fyrsta hvassa álopið kom á broyt­ingina um, at manningarnar nú skulu sleppa undan at gjalda tilfeingisgjald og fyri kvotur. Hetta er áður farið av óbýttum, men eftir nýggja uppskotinum, so skal manningin sleppa at gjalda fyri kvotur og tilfeingisgjald. Hetta skal reiðarin í framtíðini gjalda. Reiðarafelagið bleiv í øðini, tá ið hetta upp­skot bleiv kent. Felagið sigur, at hetta er at leggja seg útí sátt­mála­viður­skiftini og tað er heilt óvan­ligt og broytir sáttmálarnar mun­andi. Felagið sigur, at hetta fer at geva mann­ing­unum eina lønarhækking uppá 20 prosent. Væl at merkja er hetta lønarhækking til teir sjó­menn, sum frammanundan hava hægstu hýrurnar í fiskiflotanum. Landsstýrismaðurin við fiski­vinnu­málum sigur hinvegin, at hetta verður gjørt fyri at rætta eitt mistak, sum politiska skipanin gjørdi, tá ið ein roynd seinast var gjørd við upp­boðs­sølu. So tá ið hetta nú verður sett inn í lógina, so er tað fyri at rætta eitt mis­tak, sum varð gjørt fyri nøkrum árum síðani, sigur landsstýris­mað­urin. Formaðurin í Fiskimannafelag­num sigur, at tað er fyri neyðini at hetta verður gjørt, tí tað er reiðarin, sum hevur fiskirættindini og kvot­ ur­nar og tí skal hann sjálvandi gjalda. Uppboðssølan Landsstýrið hevur eisini boðað frá, at ein part­ ur av uppsjóvarfiskinum eins og ein part­ur av kvotuni í Barents­havinum skal seljast á upp­ boði. Hetta hevur fingið reiðararnar upp úr stól­ inum. Fyrst og fremst, tí teir siga, at hetta skapar ótryggleika í vinnuni, men eisini tí teir vænta, at hetta fer at enda við, at alt verður selt á upp­boðið. Men eisini tí, at reiðararnir hava roknað við, at broytingar fara at henda 1. jan­uar 2018, ikki nú. Í einum almennum brævi sigur Hanus Hansen, reiðari: – Í løtuni er støðan tann, at vit hava ótrygg­ leika um loyvini eftir 1. jan­uar 2018. At finna eina nøktandi skipan fyri tíðina eftir 2018 og at fáa løn­semi í teir partarnar av vinnuni, sum ikki vinna til annað enn rakstur, er veru­liga avbjóðingin fyri føroyska fiski­vinnu. Landsstýrismaðurin við fiski­vinnu­málum, Høgni Hoydal, segði við Sosialin fríggjadagin, at upp­boðs­sølan av 10-15 prosentum av kvot­ unum í Barentshavinum og av upp­sjóvar­fiski, eru royndir, sum skulu brúkast til grundarlag undir nýggjari lóg um vinnuligan fiskiskap eftir 1. januar 2018. 60 prosent og so skatt Felagið Nótaskip hevur eisini havt nakrar viðmerkingar. Millum annað sigur felagið, at avgjøldini og uppboðssøla av upp­sjóvar­fiski fer at gera, at upp­sjóvar­skipini fara at gjalda 60 prosent av inntøkuni í avgjøldum – og so kemur skatt­urin afturat. Felagið sigur, at hetta fer at gera íløgu­ hugin minni og at flotin fer ikki at verða nú­ tímans­gjørdur á sama hátt sum nú. Nevndarformaðurin í felagnum Christian í Grótinum, Kristjan Martin Rasmussen, hevur sagt, at tær ætlanir, sum landsstýrið hevur verið frammi við, hevur fingið teir at steðga ætlan­unum um at byggja eitt nýtt skip í staðin fyri Norðborg. Hann sigur, at tað hevði borið teimum til at selt Norðborg fyri ein góðan prís nú, men óvissan ger, at teir velja at avlýsa og fyrst síggja hvussu leikur fer. Skapa grundarlag Høgni Hoydal, landsstýrismaður við fiski­ vinnu­málum, sigur, at reaktión­irnar frá vinnuni ikki koma óvart á hann. Hann sigur, at nakrar broytingar verða gjørdar nú, men hetta er fyri at royna nøkur ting, sum so kunnu verða grundarlagið undir nýggju lóg­ini um vinnuligan fiskiskap. Uppboðssøla verður ikki av øllum til­ feingið og tá ið komið er til 1.janaur 2018 byrjar ein skiftistíð. Hendan skiftistíðin verður so long, at tað væl fer at bera til hjá vinnuni at til­laga seg nýggju kørmunum, sum vinnan tá fer at arbeiða undir. – Hetta eru broytingar, sum raka vinnuna, so sjálvandi eru reaktiónir, men tað sum endamálið er, er at skapa tryggar, lógarfestar karm­ar hjá vinnuni at arbeiða undir í fram­ tíðini, sigur Høgni Hoydal, lands­stýris­mað­ur við fiski­vinnu­málum. arnig@sosialurin.fo Fiskivinnan Størstu broytingar í vinnuni nakrantíð ÆTLANIRNAR HJÁ SAMGONGUNI UM BROYTINGAR Í FISKIVINNUNI HAVA SKAPT ÓRÓGV OG FINGIÐ ALLA VINNUNA UPPÁ BARRIKADURNAR Høgni Hoydal, landsstýrismaður við fiskivinnumálum, sigur, at hetta eru royndir sum verða gjørdar, men at vinnan fær nýggjar og tryggar karmar at arbeiða undir í 2018. Mynd: Álvur Haraldsen NÝGGJUR NEVNDAR­ FORMAÐUR Í FESTI, PM- HOLDING OG PM-PLUSS Elin Sundberg Michelsen er nýggjur nevndar­ formaður í Sp/f Festi. Festi er felag sum rekur lýsingar- og reklamuvirki. Felagið er stovnað av Poul Clementsen og Poul Michelsen í 2011. Hans Juel Nystrøm er stjóri í Festi. Elin er somu­leiðis vorðin nevndarformaður í feløg­ unum P/f PM-Holding og P/f PM-Pluss, ið eru feløg í samtakinum P/f Poul Michelsen. FYRRVERANDI VINNU­ MÁLARÁÐHARRI FER UNDIR RÁÐGEVINGAR­ VIRKSEMI Jóhan Dahl, ið seinastu árini hevur verið føroyskur vinnumálaráðharri, hevur nú stovnað sær nýtt smápartafelag MarCon Sp/f. Parta­peningurin er 94.000 krónur. Endamálið við felag­num er ráðgeving, íløgur í fasta ogn, ferða­vinnu­virksemi, handilsvirksemi, inspektiónir av fiskavørum, shipping og annað í hesum sambandi. NÝTT FELAG HJÁ KNASSAR STJÓRA FARIÐ Í LIKVIDATIÓN Sp/f N.N., ið stjórin í Knassar stovnaði í juni 2014, er farið í likvidatión, og Ólavur Jákup Kristoffersen, sakførari, er valdur til likvidator. Sp/f N.N. hevur ikki latið roknskap inn fyri 2014, og eru tí eingi tøl tøk fyri hetta felagið. Endamálið við felagnum var at reka handil og annað virksemi í hesum sambandi. Parta­ peningurin var 80.000 krónur, og Niklái Nysted var stjóri í felagnum. POUL RUSTIN GÓÐA BYRJAN VIÐ NÝGGJUM SMÁPARTAFELAG Poul Rustin, kokkur, stovnaði í fjør Sp/f Muntra. Hóast hann hevur rikið matstovuna Muntra í eitt mannaminni, so er tað fyrsta árið, at virksemi verður rikið í einum partafelagi. Sigast má, at byrjanin er góð og nógv virksemi er í Fulgafirði. Sp/f Muntra hevði eitt avlop áðrenn skatt uppá 550.000 krónur hetta fyrsta roknskaparárið hjá felagnum. Festi heldur til í fabrikkin hjá Østrøm á Skálatrøð Mynd: Facebook Poul Rustin Mynd: Álvur Haraldsen