mánadagur 30. november 2015síða 38

VINNUBLAÐIÐ HJÁ MIÐLAHÚSINUM Desember 2015 14 8 Eyðfinn Reyðberg JFK hevur støðugt ment sítt virksemi seinastu árini. Hetta sæst millum ann­að aftur í at umsetningurin hjá sam­takinum er meir enn tvífaldaður sein­astu fimm árini. Umsetningurin, sum var góðar 100 milljónir krónur í 2010 og 2011, tvífaldaðist í 2012 til góðar 200 milljónir krónur, og síðan er um­setn­ ing­urin eisini hækk­að­ur bæði í 2013 og 2014, tá um­setn­ing­ urin kom uppá 237 milljónir krónur. P/f JFK eigur dóttirfelagið P/f JFK Trol, sum rekur reiðaravirki. JFK Trol hevði eitt avlop uppá 31 milljónir krónur áðrenn skatt í 2014. JFK Trol hevur 151 starvsfólk. Høvuðsvirksemi hjá JFK Trol er flaka­trolarin Gadus, ið fiskar í Barents­havinum, men seinastu árini eru fleiri skip komin afturat, ið fyri tað mesta royna á føroyska land­grunn­ inum. JFK Trol eigur nú partrolararnar Stjørnan og Polarhav, Safir og Smaragd, Grønanes og Topas um­ framt Sjúrðarberg. Harumframt eigur JFK Trol helmingin av línuskipinum Klakkur omframt onnur línuskip. Seldu virksemi í Grønlandi JFK Trol arbeiddi í nógv ár við at byggja upp virksemi í Grønlandi. Hetta var gjørt eftir at toskurin byrj­ aði at koma aftur í grønlendskan sjógv fyri nøkrum árum síðani. Í 2013 valdi JFK at selja alt sítt virk­semi í Grønlandi til eina íslendska fiski­vinnu­fyritøku. Tað framgongur ikki beinleiðis av rokn­skapinum hjá JFK, hvussu nógv hendan sølan kastaði av sær, men felagið fekk í hesum sambandi loyst seg frá fíggjarligum skyldum í sam­ band við virksemi í Grønlandi. Harumframt hevði JFK ein fíggjar­ ligan vinning uppá 48 milljónir krón­ur í 2013, sum má væntast í høvuðs­heit­um at stava frá søluni av virk­sem­inum í Grønlandi. Betri rakstur Um hugt verður grundrakstrinum hjá JFK seinastu árini sæst, at úrslitið áðrenn avskrivingar, rentur og skatt, EBITDA er hækkað. Í 2010 var EBITDA hjá JFK 27 milljónir krónur. Í 2011 og 2012 lá tað á sama støði, har EBITDA var 20 og 23 milljónir krónur. Hesi seinastu tvey árini hevur grund­raksturin verið betri, tá EBITDA hækk­aði til 64 milljónir krónur í 2013 og 45 milljónir krónur í 2014. Verður samanborið síggja vit, at meðal EBITDA fyri tey trý árini 2010, 2011 og 2012 var 23 milljónir krónur, meðan meðal EBITDA seinastu tvey árini hevur verið 55 milljónir krónur. Talan er soleiðis um at EBITDA er meir enn tvífaldað seinastu tvey árini, tá samanborið verður við undan­farin ár. 169 milljónir í avlopi JFK hevur seinastu fimm árini havt 169 milljónir krónur í avlopi áðrenn skatt. Hetta hevur eitt árligt meðalavlop uppá 34 milljónir krónur. Eginognin hjá JFK var við árs­ byrj­an 2010 71 milljónir krónur. Nú fimm ár seinni er eginognin hækkað við 149 milljónir krónur, og er komin uppá 220 milljónir krónur. Roknaði skatturin hjá JFK sam­ takinum er 26 milljónir krónur, sum svarar til eitt skattaprosent uppá 15 prosent. Talan er um útsettan skatt. JFK hevur seinastu fimm árini goldið 70 milljónir krónur í vinnings­býti. Eiga triðingin av Kósini JFK eigur triðingin av P/f Kósin, og hetta felagið er tískil ikki ein partur av samtaksroknskapinum hjá JFK. Síðan byrjað var aftur við virk­sem­inum á Kósini í 2010, eftir at virkið hevði ligið stilt í meir enn eitt ár, hevur Kósin givið avlop á hvørjum ári. Besta árið hjá Kósini var í 2011, tá avlopið var 12 milljónir krónur áðrenn skatt. Tilsamans hevur Kósin havt góðar 22 milljónir krónur í avlopi hesi seinastu fimm árini. Tað starvast í dag umleið 140 fólk á Kósini. Greining: JFK P/f Grønland kastað best av sær SØLAN AV VIRKSEMINUM Í GRØNLANDI, ER EINSTAKA ÍLØGAN, IÐ HEVUR KASTAÐ BEST AV SÆR HJÁ JFK SEINASTU FIMM ÁRINI, HAR EGINOGNIN ER HÆKKAÐ ÚR 71 UPP Í 220 MILLJÓNIR KRÓNUR EFTIR FIMM ÁRUM. Framhald á næstu síðu P/f JFK eigur dóttirfelagið P/f JFK Trol, sum rekur reiðaravirki. JFK Trol hevði eitt avlop uppá 31 milljónir krónur áðrenn skatt í 2014 Høvuðsvirksemi hjá JFK Trol er flaka­trolarin Gadus, ið fiskar í Barents­havinum