mánadagur 30. november 2015síða 64

VIKA 49 • 30. NOVEMBER 2015 8 MIÐLAHÚSIÐ ÓKEYPIS LÝSINGARBLAÐ Maria Torkilsdóttir Vilhelmsen STÓLURIN Í STÓLINUM HESA VIKUA LÝS TEG SJÁLVAN VIÐ TRIMUM ORÐUM: Umsorgan, málrættað, arbeiðssom HVAT MERKI ER BILUR TÍN? Peugout 208 HVAT MERKI ER TELEFON TÍN? Iphone4 HVØR ER TÍN BESTA SUMMARFRÍTÍÐARUPPLIVING? Nógvar góðar familjuferðir, men mítt fyrsta marathon í Athen í 2010 var nakað heilt serstakt – í mál í gamla Olympiska stadion. HVAT ORÐ ELLA HVØNN SETNING NÝTIR TÚ OFTAST? Hvat heldur tú? HVØRJUM HYGGUR TÚ AT HJÁ HINUM KYNINUM? Heildini – eygnum og smílinum HVAT GER TEG Í GÓÐUM LAG? Ein góður rennitúrur saman við manninum HVAT STRESSAR TEG? Tá ið ting ikki eru upp á pláss HVØR ER TÍN YNDISRÆTTUR? Skerpikjøt við brúnum eplum og rótfrukt – serliga til jóla HVAT GLEÐIR TEG? Vakna upp til ein nýggjan dag og liva dagin HVAT VAR SEINASTA YNSKIÐ, SUM TÚ FEKST UPPFYLT? Tá ið vit fýra systkin, í summar, vóru á vitjan hjá systir okkara, sum býr á røktarheimi í Danmark. HVAR ARBEIÐIR TÚ? Cosméto – Vakurleiki og vælvera HVÍ VALDI TÚ AT ARBEIÐA INNAN JÚST HESA VINNU? Havi altíð havt henda áhuga, og so tá maður mín fór at arbeiða í DK í 1991 fekk eg høvi at útbúgva meg til kosmetolog. Heimafturkomin í 1996 settu vit á stovn vakurleika og vælveru fyritøkuna Cosméto. HVØR ER STUTTLIGASTA UPPLIVING TÍN Í STARVINUM? Serlig tiltøk og ikki minst heilt serliga uttandura mótasýningin framvið Havnará, sum dótturin skipaði fyri, og eg fekk høvi at prýða vøkru modellirnar. HVØRJUM TÓNLEIKI LURTAR TÚ EFTIR? Dámar flest allan tónleik, tó góðan kórsang dámar mær sera væl at lurta eftir. HVAT ER BESTA UPPFINNINGIN OG HVÍ? Make-up – hvat kann tað ikki gera av undurverkum? HVAT ER BESTA ÍLØGAN, TÚ HEVUR GJØRT? Íløgan í mína útbúgving HVAT ER TÍTT BESTA HEIMARÁÐ? Rørsla, út at fáa fríska luft, góðan kost og so fylgir so nógv annað gott við. HEVUR TÚ NAKAÐ HÚSDJÓR? Havi havt saman við børnunum bæði fiskar, kettu og hund HVAT HEVÐI TÚ GJØRT, UM TÚ VANN EINA MILLIÓN? Deilt út til børnini HVAT HEVÐI TÚ GJØRT, UM TÚ VANN TÍGGJU MILLIÓNIR? Deilt út til børnini, latið meira til hjálparfelagsskapir og ferðast meira í víðu verð, eisini saman við familjuni. HVAT ER BEST VIÐ FØROYUM OG HVÍ? Óhugsandi ikki at búgva í Føroyum, har mesta av familjuni og vinfólkunum eisini hava røtur – hvat kann verða betri enn at hava børn og ommubørn uttanum seg í gerandisdegnum? HVAR ERT TÚ UM 10 ÁR? Neyvan á arbeiðsmarknaðinum, og hvør veit? Óhugsandi ikki at búgva í Føroyum Bestu heimaráðini eru rørsla, út at fáa fríska luft, góðan kost – og so fylgir so nógv annað gott við