mánadagur 30. november 2015síða 92

vika 49 • 30. november 2015 38 Ókeypis lýsingarblað Fiskabryggjan borin í stríði við hansakeypmenn Hansakeypmenninir vóru nakað kravstórir, og at enda gjørdu Bergensmenn uppreistur og fluttu Fiskatorgið av Bryggjuni og inn í Vágsbotn Afturat Bryggjuni er Fiskatorgið miðpunktið í miðbýnum í Bergen. Síðani 13. øld hevur Fiskatorvið verið eitt samlingsstað hjá keypmonnum, fiskimonnum og býarborgarum. Hóast staðsetingin er flutt nakað øll árini, so hevur týdningurin hjá Fiskatorginum verið hon sami. Eitt stríð við hansakeypmenninar um hvør skuldi hava ræðisrættin yvir torginum, gjørdi, at Torgið at enda var flutt av Týskubryggjuni og inn í Vágsbotn. Hetta var í 1556, og gjørdist byrjanin til eitt lítið byggiboom innast í vágni. Torgið gjørd­ist miðpunktið í einum nýggjum býarparti, sum fekk alsamt størri týdning í býnum. Fyrstu tíðina seldu fleiri fiskin beinleiðis úr bátunum. Flestu fiskimenn, ið seldu fiskin her, búðu uttan fyri býin, men tó so nær, at teir kundu rógva inn á torgið, selja fiskin og koma heim aftur áðrenn tað fór at skýma. Teir seldu fyri tað mesta feskan fisk, sum var fluttur higar í eini fiskakistu, ein kassi við holum í, sum varð sleip­aður aftan fyri bátin. Í fleiri hundrað ár var fiskur seldur á hendan hátt á Fiskatorg- inum. Umframt fiskimenn og fiskakeypmenn vóru fiskaberararnir eisini væl umboðaðir á Fiskatorginum. Fiskaberararnir bóru fiskin heim til ríkaru familjurnar í Bergen. Skúladreingin ar­ beiddu her áðrenn og aftan á skúlatíð, men teir sluppu ikki at bera størsta fiskin. Honum máttu teir vaksnu taka sær av. Fiskatorgið er vorðið eitt stórt og týdningar­ mikið handilsvindeyga fyri sjógæti og handilslívið í Bergen og kommunan hevur tí valt at byggja eina stóra matarhøll á Torginum. Í 2009 varð ein arkitekta­kapping fyriskipað, og í 2010 byrjaði ar­beiði við at byggja nýggju matarhøllina. Í fyrstu hædd er pláss til vanliga fiskahandilin, sum hoyrir torginum til, meðan kunningarstovan í Bergen og Norsk Sjømatsenter halda til á aðru hædd. Haðani er eisini gott útsýni yvir Vágna, Bryggjuna og restina av søguliga Bergen.