mánadagur 30. november 2015síða 96

vika 49 • 30. november 2015 42 Ókeypis lýsingarblað Nógv lekkur vøra til jóla Norðskáli · tel. 422727 grafix 504251 Tlf. 448289 · orkis@orkis.fo -altíð pláss til eitt sindur av inspiratión MinsT Til viT hava opið hvØnn sunnudag í advenT frá kl 15:00 -19:00 Grafix 504251 koM og viTja okkara fjálgu jólasTovu & Trend-rúM - og uppliv Tey nýggjasTu Trendini Uppliva norsku strondina frá havinum Hurtigruten verður kallað Heimsins vakrasta sjóferð. Túrurin úr Bergen til Kirkenes og aftur tekur 12 døgn Um tú hevur verið í Bergen fyrr ella bara hevur hug at uppliva okkurt annað, so er væl gjørligt at koma víðari úr Bergen. Forkunnugasti møguleikin er kanska at bíleggja sær eitt pláss umborð á Hurtig­ruten og uppliva norsku strandalinjuna frá hennara bestu síðu, av havinum. Hurtigruten er ein skiparuta framvið norsku strondini úr Bergen líka norður í Kirkenes. Farmur, postur og ferða­fólk eru umborð. 34 havnir vera vitjaðar á túrinum og ein ferð úr Bergen til Kirkenes og aftur tekur 12 døgn. Fyrsti túrurin hjá Hurtigruten var 2. juli 1893 og gekk leiðin tá úr Tróndheimi til Hammerfest. Tørvur var á eini álítandi og skjótari postrutu norður í norðasta partin av ríkinum. Hesa tíðina tók tað tríggjar vikur at senda eitt bræv úr Trónd­ heimi til Hammerfest um summarið, meðan tað vetrarstíð kundi taka heilt upp í fimm mánaðir. Við eini fastari skiparutu hevði tað tikið sjey dagar, og haðani kom heitið Hurtigruten, sum hevur hingið við rutuni síðani. Fyrsti túrurin úr Trónd­heim til Hammerfest tók 67 tímar. Í dag, 122 ár seinni, tekur sami túrur 65 tímar og 15 minuttir. Tað var í 1907 at Bergen gjørdist fast ferða­ mál hjá Hurtigrutuni, tá var talan um tveir túrar um vikuna norður til Vadsø. Í 1914 fekk rutan tað leið, sum hon hevur í dag, úr Bergen til Kirkenes og tá var siglt fimm ferðir um vikuna. Í 1953 vóru endiliga dagligar fráferðir úr Bergen til Kirkenes. Í sjeytiárunum var ferðafólkatalið umborð á Hurtigruten fallið nógv. Vegasambandið til havna­býirnar og bygdirnar var blivið nógv betri, eins og at fleiri nýggir flogvallir vóru bygdir. Fólk høvdu tí fingið nýggjar, skjótari møguleikar at ferð­ast, eins og at farmaflutningurin nú eisini fór aðrar leiðir. Skipini, sum høvdu verið nýtt, vóru nú vorðin gomul, og tí var Hurtigruten við eitt vegamóti. Í 1982 avgjørdi Stórtingið endaliga at halda á við Hurtigruten og sum frá líður varð hon meiri og meiri marknaðarførd sum eitt ferðavinnumál.