hósdagur 3. desember 2015síða 4

FRÍGGJADAGUR 4. DESEMBER 2015 SOSIALURIN 140 4 Sæð á Facebook: »Eldri fólk sleppa ikki at doyggja, sum tað verður pjøssað upp á tey. Og hetta er sama ættarliðið, sum hevur livað av grind og spik og nógvum sukri í hvønn einasta te og kaffimunn og tey allarflestu ganga við handilstonnum.«. Mánadagin fer føroyski opera­ sangarin, Rúni Brattaberg, á pall í víðagitna operahúsinum, Chicago Lyric Opera, í Chicago Har hevur hann ein leiklut í operuni, Bel Canto, sum verður frumframførd hend­an dagin. Tað er heimsgitni tóna­ smiðurin, Jimmy Lopez, úr Peru, sum hevur skrivað tónleikin. Við sínum 3563 sitiplássum, er hetta operahúsið eitt av kendastu operum í USA og í fyrstu framførsluni var tað operadivan, Maria Callas, sum sang í leiklutinum, sum Norma í operuni vid sama navni. Í operuni, Bel Canto, er Rúni Bratta­ berg, sovjettiski embætismaðurin, Victor Fyodorof. Operan byggir á kendu skald­ søguna, Bel Canto, hjá amerikanska rit­ høvundanum, Ann Patchett. Skaldsøgan, sum kom út í 2001, og hend­ingarnar í henni byggja á Lima­krepp­ una í 1996-1997, tá ið ein uppreistrarbólkur, ella yvirgangsbólkur, herjaði japansku sendi­stovuna í peruanska høvudsstaðnum, Lima, og helt leiðarar og politikarar til gíðsla í fýra mánaðar. – Frásøgan lýsir, hvussu álopsmenn og gíslar megna at liva saman, og hvussu vina- og kærleiksbond kunnu verða knýtt, eisini undir slíkum umstøðum Ein av gíslunum er sovjettiski em­ bætis­maðurin, Victor Fyodorov, sum Rúni Bratta­berg spælir. Í operuni syngur Rúni Brattaberg saman við sangarum úr USA, Suðurkorea, Ecuador, Sudurafriku og úr Japan. Og í sínum leikluti tekur Rúni Brattaberg, tað djúpa E´ið samfullar 39 ferðir. Operan verður framførd nú í desember, og í januar. Hægsti rættur í Suðurafrika umgjørdi hósdagin dómin, sum Oscar Pistorious fekk í fjør Suðurafrikanski rennarin, eisini nevndur Blade Runner, varð fyrr í ár dømdur fyri óviljað manndráp av unnnustu síni, Reevu Steenkamp. Ákæruvaldið kærdi dómin til hægstarætt, sum nú hevur givið ákæranum viðhald. Hægstarættsdómarin metti, at dómstól­ urin hevði sæð burtur frá avgerandi prógv­ um í upprunaliga rættarmálinum. Tí má ein nýggj rættarsak til fyri at avgera, um Oscar Pistorius skal dømast fyri tilætlað manndráp. Fyrrverandi olympiski rennarin, sum er heimskendur, tí at hann nýtir beinprotesir, varð handtikin eftir at unnusta hansara, Reeva Steenkamp, var funnin dripin í baðirúminum í húsi hansara í Pretoria. Oscar Pistorius vildi vera við, at hann handlaði í sjálvverju, tá hann skeyt gjøgnum eina afturlatna hurð, tí hann helt, at innbrotstjóvar vóru í baðirúminum. Hann bleiv ákærdur fyri morð, men ein dómstólur fríkendi hann fyri bæði morð og tilætlað manndráp, men dømdi hann fyri óviljað manndráp. Dómarin metti, at Oscar Pistorius hevði handlað í ósketni, tá hann skeyt og drap Reevu Steenkamp. Hann varð dømdur fimm ára fongsulsrevsing. Oscar Pistorius var royndarleyslatin úr fongslinum í august, og eftir ætlan skuldi hann sita restina av dóminum í húsavarðhaldi. Nú hevur Hægsti rættur so kolldømt avgerðina, og tí er neyðugt við einum nýggjum rættarmáli. FRÍGGJADAGUR LEYGARDAGUR SUNNUDAGUR 5-10 m/s 8 m/s 13-18 m/s 18-23 m/s 13-18 m/s Fríggjadagin verður strúkur í vindi upp í skrið av útsynningi, 13 til 18 m/s, sum eitt bil makar eitt sindur, men seinnapartin snarar í ein sunnan og øtlar aftur. Fyrst ælingur, men sólglottar, seinni samdrigið og regn. Um náttina verður sum frá líður hvassur vindur upp í storm av vestri og útynningi, við hørðum hvirlum. Tað klárar í, tó nøkur æl. Hitin alt samdøgrið millum 3 og 7 stig. Sunnudagin verður strúkur í vindi upp í skrið av vestri og útnyrðingi, 13 til 18 m/s, sum spakuliga makar og út á náttina verður lot til andøvsgul av ymsum ættum, undir 8 m/s. Samdrigið og ælaveður, partvís við heglingi ella vátaslettingi, um náttina yvirhøvur turt. Hitin millum 2 og 5 stig, um náttina í støðum niður í frostmarkið. Mánadagin verður lot til andøvsgul av ymsum ættum, undir 8 m/s, seinni strúkur í vindi upp í skrið av eystri, 13 til 20 m/s. Yvirhøvur skýggjað og sum frá líður regn av suðri. Hitin millum 3 og 6 stig. Týsdagin verður allarhelst strúkur í vindi upp í skrið av norðri, 13 til 20 m/s, í støðum upp í storm, 23 m/s, sum seinni makar niður í gul til stívt andøvsgul. Skýggj að og regn ella ælaveður, sum frá líður váta slettingur ella kavi, seinni turt og tað klárar í. Hitin millum frostmarkið og trý hita stig, um náttina frost fleiri staðni. Leygardagin verður skrið ella stormur av útsynningi og vestri, 18 til 23 m/s, eitt bil upp í hvassan storm í støðum, 25 m/s, við hørðum hvirlum, sum um náttina snarar í ein útnyrðing og vestan og makar nakað. Samdrigið og nógv æl, møguliga við heglingi ella vátaslettingi. Hitin alt døgnið millum 2 og 5 stig. Vikan ið fór Um orðið »umboðsmaður« sigur Sprotin: umboðsmaður k41 1 maður við umboði (at gera e-t vegna annan el. onnur), umboð (2), sendimaður, fulltrúi, felagið sendir ein umboðsmann á fundin; ~ fyri donsku stjórnina; ríkisumboðsmaður; løgtingsins ~ løgfrøðingur ið hevur eftirlit við at tað almenna heldur galdandi lógir og reglur 2 maður ið hevur rætt at selja ávísa vøru 3 (gl.) maður ið hevur jørð í hondum fyri annan Mikið rumbul var í tinginum, tá ið starvið sum Løgtingsins Umboðsmaður skuldi setast. Hesaferð vóru 22 atkvøður fyri, 8 blankar og tríggjar ímóti. Sólja í Ólavsstovu er sosatt sett sum Løgtingsins Umboðsmaður í fimm ár afturat Pál Joensen megnaði at svimja seg í finaluna í 1500 metra frí í Ísrael, har kappast verður í EM á stuttgeil. Pensjónistafelagið er í øðini inn á samgonguna, nú ætlanin er at lækka grundupphæddina í fólkapensjónini, meðan útgjaldið í samhaldsfasta veksur. Ein yvirlýsing er send frá landsfundi hjá pensjónistafelagnum og tosað hevur verið um at stovna egnan flokk. Seinastu vikuna hava fleiri stovnar og onnur upplivað, at tey eru vorðin útsett fyri sokallað netálop, har roynt hevur verið at lagt teirra heimasíður og servarar lamnar. Fleiri álop væntast í framtíðini StÍF vann í kvøld botndystin móti VB mikukvøldið og sostatt liggur VB nú aftast í bestu hondbóltsdeildini hjá kvinnum. Hetlendingar gera enn eina roynd at fáa Norrøna at leggja at landið í Hetlandi. Hildið verður, at tað er púra ørt, at Norrøna siglur beint framvið fleiri ferðir um vikuna, uttan at leggja at. »Løgtingsins Umboðsmaður« Vágbingur á pall í heimskendum operahúsi Pistorius kortini sekur í manndrápi MEST NÝTTA ORÐIÐ HESA VIKUNA ...uppá ein minutt milliónir fólk missa síni hús, um miðalhitin í heiminum veksur við fýra stigum og vatnstøðan harvið veksur. 627 MANGT OG HVAT Visti tú? Tørvurin at søkja um jólahjálp frá »Í menniskjum góður tokki« verður væntandi størri í ár enn undanfarin ár. 330 hava longu søkt um hjálp í ár.