mánadagur 7. desember 2015síða 8

Mánadagur 7. desember 2015 · Nr. 141 8 Sosialurin Hugskot og viðmerkingar – send sms til 225000 PENSIONISTAFUNDUR Áki Bertholdsen – Tað var eitt stórt vónbrot at flyta heima aftur til Føroya. Tað sigur 83 ára gamla, Jensa Hentze, úr Vági, men sum býr í Havn. Eisini hin var á fundinum, pensjónistafelagið skipaði fyri um ætlanina at skerja grund­upphæddina í fólka­ pen­sjónini. Og hon er eitt gott dømi um, hvussu hart tað kann raka summar pensjónistar, tá ið størri og størri partur av pensjónini verður løgd í Samhaldsfasta. Tí fyri at fáa fult gjald úr Samhaldsfasta, skal ein hava búð í Føroyum í minst 40 ár í frá tí at ein er 15 ár, til ein er 67 ár. Og tað er verri enn so, at Jensa Hentze verri hevur búð í Føroyum í 40 ár. Hon flutti úr Vági til Danmarkar mitt í seksti­ árunum, tí hon hevði eitt sjúkt barn og hon hevur eis­ ini búð í Svøríki, har børnini nú búgva. Men hon vildi sleppa heim aftur til Føroyar at liva síni síðstu ár. – Eg gleddi meg ómetaliga til at flyta heim at enda mína lívsleið, segði hon. Men tað var eitt ógvuliga stórt vónbrot, tí hon misti eftir­lønina úr Danamark, og í Føroyum fær hon bara ein brotpart av Samhaldsfasta, tí hon hevur búð so leingi uttan­lands. Men hon fær so føroyska fólkapensjón, men nú missur hon so góðar 500 krónur um mánaðin av henni. Tey fyrstu árni, eg búði heima, var eg so hart fyri­ spent fíggjarliga, at eg kundi ikki so frægt sum loyva mær at spæla sjavs í einum felag eitt kvøld um vikuna, tí eg hevði ikki ráð til tað. – Íbúðin kostaði 7.000 krón­ur um mánaðin, so ein og hvør kann meta um, hvat var eftir at liva av, sigur hon. Ført varð fram á pen­ sjón­istafundinumm, at nett­upp hetta er eitt gott dømi um, hvussu illa summi kunnu koma fyri, nú politikararnir ætla at skerja fólkapensjónina og ístað­in lata Samhaldsfasta verða høvuðstátturin í eini nýggj­ ari pensjónsskipan. HART SPENT Ta fyrstu tíðina hevði eg ikki so frægt sum ráð til at spæla sjavs EITT STÓRT VÓNBROT AT FLYTA HEIM Áki Bertholdsen – Skulu vit ikki stovna okk­ ara egna politiska flokk? Tað skeyt Trúgvi Bech upp á fundinum mikudagin, har pensjónistarnir úr øll­ um landinum vóru savn­ aðir at mótmæla ætlanini hjá samgonguni at skerja grund­upphæddina í fólka­ pensjónini. – Tað eigur at bera til at fáa ein politiskan flokk burt­ ur úr 6000 – 7000 pen­sjón­ist­ unum, og tað er einasti máti at ræða politiska valdið upp á, legði hann afturat. Á fundinum varð enntá upp­skot sett fram um, hvussu tann nýggi flokkurin skuldi eita. – Hann skal eita “Flokkur Teirra Fátæku Og Minni Mentu”, skeyt Arndal Harald­ sen, pensjónistur í Miðvági, upp. – Við einum navni sum hes­um, verða tað ikki bara pen­sjónistar, sum fara at fylkjast um tann flokkin, tí tað fara øll fátøk og minni ment. – Um stutta tíð verða vit 7000 pensjónistar í land­ inum, og tá kunnu vit seta róð­ur soleiðis, at vit stýra bæði Løgtingi og landsstýri við okkara atkvøðum, segði hann. Næstan bara til fortreð Arne Thorsteinsson, for­ mað­ur í Landsfelagnum hjá pen­sjónstunum, staðfesti, at Landsfelagið sjálvt kann ikki vera við til at stovna ein nýggjan flokk, tí tað forbjóða viðtøkurnar fyri felagið. – Vit skulu vera óheft av poli­tikki, sigur hann. Men, hvat einstakir Pen­ sjónistar annars gera, fer Landsfelagið ikki at leggja seg út í, leggur hann afturat. Hann heldur kortini, at ein pensjónistaflokkur burt­ ur av, hevði næstan bara gjørt fortreð í politisku skip­ anini. Hann mælti heldur pen­ sjónstum til, hvør í sínum lagi, at fara til teir politisku flokkar, teir stuðla, og at krevja av teimum, at teir virða pensjónistarnar. Heldur ikki Elisabeth Ell­ ingsgaard av Eiði, hevur ikki stórt álit á ætlanini at stovna ein pensjónistaflokk. – Støðan er nevniliga so, at tað er ongin virðing fyri okkum pensjónistum. Men eg skilji ikki, at politisku flokkarnir, hvør sær, ikki lurta betri eftir teimum eldru limunum í flokkunum, akkurát sum at hvør flokkur hevur ungdómsfeløg, sigur hon. – Nógvir pensjónistar eru limir í flokkum og teir eiga at leggja størri orku í at fáa teir flokkarnar um at taka pen­ sjónistarnar fyri fult, segði pensjónisturin av Eiði. Vit kunnu sjálvi taka valdið PENSÓNISTAR MÓTMÆLA Skjótt eru vit 7000 í tali, og stovna vit ein nýggjan flokk, kunnu vit taka valdið í Føroyum TIL GAGNS ELLA FORTREÐ Aftur nú er uppskot sett fram um at pensjónistar stovna ein politiskan flokk, men tað eru ikki øll ið halda, at tað hevði gagnað nøkrum