mánadagur 7. desember 2015síða 28

VIKA 50 • 7. DESEMBER 2015 4 MIÐLAHÚSIÐ ÓKEYPIS LÝSINGARBLAÐ Danjal av Rana Í miðbýnum, í gomlu hølunum hjá Skyn í Tórsgøtu, stendur Mynda­ boksin. Har ber til hjá fólki at støkka inn á gólvið í jólamánaðinum og taka nakrar skjótar jólamyndir ella portrettmyndir til jólagávuna. Hand­an Myndaboksina stendur Janus Gunnar­sson, minni kenda helvtin av fototoyminum Miriam & Janus. Byrjanin til yrkisleiðina innan mynda­tøku var heldur tilvildarlig. Janus Gunnarson sigur, at honum hevur altíð dámað væl at taka myndir, og hevur hann gjørt nakað við tað, tá hann sum yngri ferðaðist sum trúboðari í Eysturasia. Meðan hann og konan, Gvøðny Miriam, eitt bil vóru í Onglandi, fóru tey á kon­ sert hjá Rebeccu St. James. Tey vistu, at hon skuldi spæla í Føroyum og bóðu tí um loyvi at gera eina mynda­reportasju. Hendan kom á prent í gomlu Dimmalætting saman við einum ummæli av konsertini og soleiðis byrjaði ævintýrið hjá teimum báðum. Higartil er tað kanska mest Gvøðny Mirjam, sum hevur frammi við sínum listakendu myndum frá samtakinum Miriam & Janus, meðan Janus hevur stuðlað henni. Hann sigur, at tað er eitt samstarv, sum riggar stak væl, tí at tey eru sterk á ymiskum økjum. – Dygdin hjá Miriam & Janus liggur í listarliga eyganum hjá Gvøðny. Eg havi okkurt hugskot, men hon skapar sjálva listina. Eg dugi kanska betri tey teknisku tingini. Og so akti eg nokk so væl, so samstarvið koyrir uttan trupulleikar, sigur Janus við einum skálkabrosi. Hann sigur, at kappingin millum nógvu myndafólkini í Føroyum er hørð og seinastu árini eru fleiri sjálvlærd løgd afturat. Ein ávísur illvilji hevur kanska onkuntíð lyndi til at stinga seg upp millum myndafólkini við útbúgving á økinum og tey sjálvlærdu. Janus, sum sjálvur er sjálvlærdur, heldur ikki, at útbúgving eigur at vera avgerandi innan yrkið, men dygdin. – Um tú ikki kanst kappat í dygd, so skalt tú gevast. Tað er dygdin av tínum verki, sum er avgerandi, ikki tín formliga útbúgving, sigur hann. Nú hevur Janus Gunnarsson eina nýggja verkætlan í gongd. Mynda­ boksin hevur ferðast um landið sein­ astu mánaðirnar og stendur í løtuni í miðbýnum. – Myndaboksin er ein sera einføld verkætlan og krevur ikki líka nógv av okkum sum myndafólk sum tær verk­ ætlanir, vit gera við Miriam & Janus. Her í Myndaboksini kann eg lætt­liga biða onnur fólk røkja uppgávuna, meðan eg fáist við okkurt annað sjálv­ ur, sigur Janus Gunnarsson og greiðir frá, at tey nú royna at skilja tað at taka portrettmyndir av fólk­um frá tí meiri listakenda, sum Mirjan &Janus skulu taka sær av. Hann sigur, at hetta er eitt hugskot, hann hevur gingið við í eini trý, fýra ár. Hugsanin er at endurskapa nakað av kensluni frá gomlu myndaboksunum, ein plagdi at síggja ymsa staðni fyrr, har tað var gjørligt hjá fólkum at skapa okkurt meiri spontant. – Í einum studio ella til eina portrettmyndatøku verður alt meiri stívt og formelt. Við Myndaboksini er lættari at lata bæði skapanarlyndi og tilvildina ráða eitt sindur. Tí fáa vit í Myndaboksini eitt heilt annað slag av myndum enn til aðrar myndatøkur, ofta við nógv meiri lívi og gleði, sigur Janus Gunnarsson. – Fólk koma inn á gólv og síggja myndirnar, sum onnur hava tikið og koma longu tá í rætta dámin. Eingin bíðitíð er, tað er bara at støkka inn á gólvið, so taka vit myndirnar og áðrenn 10 minuttir eru farnir hevur tú 10 ella 20 liðug jólakort við myndum í hondini. Hetta ger tað lættari at fanga eina ávísa løtu, eitt ávíst lag ella stemning, sigur Janus Gunnarsson. Nú gongur Janus við ætlanum um at taka myndaboksina við sær uttan­ lands. – Teknikkur er sera einfaldur, so mær tørvar bara ein stóran bil at koyra útgerðina í og so fara. Vónandi fái eg loyvi at seta Myndaboksina upp á festivalum í Danmark, sigur Janus Gunnardson at enda. – Um tú ikki kanst kappat í dygd, so skalt tú gevast. Tað er dygdin av tínum verki, sum er avgerandi, ikki tín formliga útbúgving, sigur Janus Gunnarsson, sjálvlærdur myndamaður Vil fanga løtuna