mánadagur 7. desember 2015síða 72

VIKA 50 • 7. DESEMBER 2015 50 ÓKEYPIS LÝSINGARBLAÐ Portrið til Bergen Flogvøllurin í Bergen, Bergen Flesland, liggur 15 kilometrar sunnan fyri býin og er frá 1955 Flesland er næst størsti flogvøllurin í Noregi og hevði yvir 6 milliónir ferðandi í fjør. Flogvøllurin er fjórð mest trafikeraði flogvøllur í Evropa, um hugt verður eftir talinum av flogfráferðum. Í 2009 vann flogvøllurin heiðurin sum besti flogvøllur í Evropa og varð kosin 6. besti flog­ vøllur í heiminum. 25 flogfeløg flúgva til og úr Bergen til 61 ymisk útlendsk ferðamál. Á flogvøllinum eru ikki somu møguleikar til shopping sum vit eru von við frá Kastrup, men onkrir handlar eru. Áðrenn trygdargeiran eru vanligu kioskirnar, meðan í innanríkispartinum av terminalinum er klædnahandil, bóhandil og mat­stova. Í uttanríkispartinum eru vanliga toll­ fría sølan, umframt kioskir og matstovur. Spælipláss er til børnini, eins og at mat­ stov­urnar hava fleiri rættir ætlaðir børnum. Og um foreldrini ynskja at stytta sær stundir við onkrum, bjóðar flogvøllurin millum annað ókeypis tráðleyst netsamband. Hvar skalt tú gista í Bergen? Úrvalið av seingjarplássum er stórt, tí ikki færri enn 30 hotell við 7.000 seingjum eru í Bergen og økinum harumkring Fleiri teirra eru sett í miðbýnum, meðan onkur eisini eru nærindis flogvøllinum, Bergen Flesland. Eitt, sum kanska hevur serligan týdning, tá hotell skal veljast, er morgunmaturin og til tað er at siga, at flestu hotellini bjóða eitt stórt morgunmatarsjálvtøkuborð. Á kømør­ unum eru baðirúm, kábulsjónvarp og telefon. Í Bergen eru sjálvandi eisini fleiri gistingar­ hús, vallaraheim og ból og biti. Eisini ber til at leiga íbúðir í longri ella styttri tíðarskeið. Tað ýðir í kampingplássum um býin og bjóða tey ókeypis bussamband til býin og í býnum.