mánadagur 7. desember 2015síða 74

VIKA 50 • 7. DESEMBER 2015 52 ÓKEYPIS LÝSINGARBLAÐ Festivalar í Bergen Kygo trónar ovast Sum stórbýur í Noregi og norðurlondum roynir Bergen eisini at spíla seg út hvat festivalum og tiltøkum viðvíkur. Komandi ár eru fleiri festivalar á skrá Bergen megnar eisini at seta sín dám á norskan tónleik 25. mai til 8. juni verður skipað fyri Festspølunum í Bergen. Hetta er størsti festivalur av sínum slag í norðurlondum. Festivalurin umfatar tón­ leik, dans, bókmentir, myndlist, tjóðminni og mangt annað. Klassiski tónleikur fyllir nógv, tá Bergen millum annað heiðrar sín stóra son, Edvard Grieg, og á hvørt ár verður klaverkonsert nummar 1 í a-moll hjá Grieg spæld á farvælkonsertini. Í ár eru eisini serstakar konsertir við kendum klass­ isk­um tónleikarum sum Leif Ove Andsnes og sir András Schiff. 26. mai til 4. juni er NattJazz í Bergen. Tá verður høvi at hoyra Jarle Bernhoft, Lee Ritenour og the Budos Band. 9. til 12. juni verður Hansafest í Bergen, til minnis um Hansatíðina hjá býnum. Bergen var ein av fýra býum, har Hansasamgongan hevði eina fasta skrivstovu í miðøldini. 15. til 18. juni verður Bergenfest, fýra dagar við stórum tónleikaupplivingum, siga fyri­reik­ ar­ar­nir. Millum høvuðsnøvnini eru Wilco, Sigur Rós og Lars Vaular. Um 50 tónleikanøvn skulu spæla á fýra pallum hesar fýra dagarnar, so okk­urt verður fyri øll. Festivaløkið er nærindin Skansan í Bergen. Bergenfestivalurin byrjaði sum ein tón­leika­ festivalur fyri blues og americana, men hevur seinni árini ment seg nógv og fevnir nú um alt frá popp til punk og frá blues til nigerianskan fólka­tónleik. 21. til 28. septembur verður Bergen Inter­ nationale Filmfestival. Yvir 50.000 fólk vitja festivalin, har yvir 150 ymiskir filmar vera vístir. Millum filmarnar, ið hava vunnið heiður á BIFF eru Crouching Tiger, Hidden Dragon í 2000, Bowling for Columbine í 2002 og Kill Bill, vol. 1 í 2003. Bergen hevur eitt ríkt tónleikalív og fleiri tón­ leikarar úr Bergen hava veruliga sett dám á norskan tónleik sum heild. Onkrir teirra hava eisini megnað at fingið altjóða gjøgnumbrot. Hvat stíli viðvíkur, spennir tónleikurin víða. Lars Vaular telist nú millum fremstu rappararnar í Noregi, meðan Gabrielle, Sondre Lerche og Kurt Nielsen, ið vann fyrstu útgávuna av Idol og World Idol, tróna ovast á popphimmalinum. Jan Eggum tiltalar kanska heldur tey væl vaksnu, meðan Audrey Horne og Enslaved eru millum fremstu metalbólkar í Noregi. Röyksopp eru eisini úr Bergen, sama við Datarock, Casiokids og Kings of Convenince. Og sjálvandi, heimstaðurin hjá Grieg má kunna alva fram nakrar klassiskar tónleikarar av ovastu hyll. Her hoyra uttan iva klaverspælarin Leif Ove Andsnæs og sangarin Sissel Kyrkjebø, sum vit føroyingar halda okkum eiga ein lítlan part av, heima. Oman yvir øllum hesum trónar tó í løtuni Kygo. 24 ára gamli Kyrre Gørvell-Dahll gjørdist kendur gjøgnum Youtube og Soundcloud við sín­um elektroniska tónleiki, har hann fyrst og fremst gjørdi remix av kendum løgum. Onkur av upp­runa­løgum hansara hava tó verið sera væl um­tókt eisini.