mánadagur 14. desember 2015síða 56

VIKA 51 • 14. DESEMBER 2015 32 ÓKEYPIS LÝSINGARBLAÐ TEMA Eysturoy Vilmund Jacobsen E itt av teimum heitaru mál­un­ um í Fuglafjarðar komm­unu í seinastuni hevur ver­ið plaser­ ing­in av teimum 18 leiguíbúðunum, sum ætlanin er at byggja í Fuglafirði. Bústaðir hava víst áhuga fyri at lata hesar íbúðir byggja, men stovnurin hevur sagt, at kommunan fyrst má finna út av, hvar ein møgulig bygging kann fara fram. Upprunaliga var ætlanin at byggja leiguíbúðirnar á økinum, har smiðjan hjá Peturi Larsen og egn­ingar­mið­ støðin eru. Men, tað vísti seg, at meiri­ luti fekst ikki í býráðnum í Fuglafirði fyri hesum øki. Í tvíningum Tað er eingin loyna, at Fuglafjarðar býráð leingi hevur verið í tvíningum, har borgarstjórin, Sonni á Horni, situr í minniluta. Meirilutin í býráðnum hevur peik­ að á fjøruna á vestara landi, har mælt verður til at gera eina munandi út­ fylling til Bústaðir at byggja sínar leigu­íbúðir á. Men, henda ætlan hevur fingið øði í nógvar fuglfirðingar, og hetta er held­ur ikki ein ætlan, sum minnilutin í býráðnum við Sonna á Horni tekur undir við. Ætlandi skuldi hetta mál koma til viðgerðar á býráðsfundi í Fuglafirði seinasta hósdag, men nakrar dagar fyri fundin varð ein facebook-bólkur stovnaður, har borgarar í Fuglafirði høvdu høvi at skriva undir og mót­ mæla verkætlanin at fylla út í fjøruni. Málið útsett Minnilutin við Sonna á Horni á odda mælti á fundinum hóskvøldið til at útseta málið, og tað eydnaðist eisini. Minnilutin skjýtir annars upp at venda aftur til upprunaligu ætlanina at byggja íbúðirnar á økinum, har smið­jan hjá Peturi Larsen og egning­ ar­miðstøðin eru. Sum eitt alternativt uppskot mælir minnilutin til at gera eina útfylling vest­ur úr grótkastinum við bátahylin – og skamt niðan fyri Mentanarhúsið. Nú er so viðgerðin av hesum máli útsett, og óvist er, hvussu verður, og nær málið verður tikið uppaftur. Ætlanin er í fyrsta lagi at hava ein borgarafund um málið seinni, har borgarar skulu kunna bera fram sína hugsan og fáa svar upp á spurningar. Borgararnir, ið hava stovnað og hava skrivað undir á facebook-síðuni – Varðveit fjøruna í Fuglafirði - skjóta upp, at fjørðan í Fuglafirði verður frið­ að og mest møguliga varðveitt, sum hon er, skapt frá náttururnar hond, sum tikið verður til. Aðrir møguleikar – Hetta málið vísir, at nógvir borgarar í Fuglafirði eru ógvuliga ónøgdir við ætlanirnar um at fylla út í fjøruni á vestara landi, tá málið saktans kann loysast á annan hátt. Tað sigur Sonni á Horni, borgar­ stjóri, sum fegnast um, at málið nú er útsett til seinni støðutakan. Sjálvur heldur hann, at best hevði verið at vent aftur til upprunaliga uppskotið, men heldur, at alternativa uppskotið eisini er áhugavert, tí við alternativa uppskotinum verður eisini fríðkað um sandin, eins og bøtt verður um umstøðurnar í bátahylinum, sum ikki eru nóg góðar. – Neyðugt er ikki at fremja alla hesa útfylling í einum, men so hvørt, sum leiguíbúðirnar skulu byggjast, hevur borgarstjórin sagt. Sonni fegnast um, at málið nú verð­ur lagt fyri ein borgarafund, so­ leiðis at borgarar kunnu fáa alla ta kunn­ing, ið er um málið, eins og høvi verð­ur hjá fólki at siga sína hugsan. Vánaligur sólargangur – Sjálvur haldi eg, at tað er stórur munur at gera nakrar broytingar í eini skipa-ella bátahavn - og so at broyta ella taka eina fjøru til slíka planering og bygging. Borgarstjórin, Sonni á Horni, dug­ ir heldur ikki at síggja, at økið vest­uri á landi er serliga væl egnað til slíka bygging, tá hugsað verður um vest­ur­ skin og sólargang, ið heilt vist hevði verið nógv betri, um bygt verður eftir upprunaliga ella alternativa upp­skot­ in­um. Borgarar í Fuglafirði fáa nú eitt andarhol – Eg haldi, at tað er stórur munur at gera nakrar broytingar í eini skipa-ella bátahavn - og so at broyta ella taka eina fjøru til planering og bygging av leiguíbúðum, sigur borgarstjórin í Fuglafjarðar kommunu, sum heldur ikki dugir at síggja, at økið vesturi á landi í Fuglafirði er serliga væl egnað til slíka bygging, tá hugsað verður um vesturskinið, ið heilt vist sæst nógv betri, um bygt verður eftir upprunaliga ella alternativa uppskotinum Tað er her út eftir fjøruni á vestara landi, at meirilutin í Fuglafjarðar býráði ætlar at planera og byggja leiguíbúðir – Nógvir borgarar í Fuglafirði eru ógvuliga ónøgdir við ætlanirnar um at fylla út í fjøruni á vestara landi, tá málið saktans kann loysast á annan hátt, sigur Sonni á Horni, borgarstjóri