mánadagur 14. desember 2015síða 58

VIKA 51 • 14. DESEMBER 2015 34 ÓKEYPIS LÝSINGARBLAÐ TEMA Eysturoy Vilmund Jacobsen E ins og aðrar kommunur, hev­ur Runavíkar býráð eisini sam­tykt sína fíggjarætlan fyri 2016. Skatta­prosentið, sum er 22, er óbroytt. Barna­frádrátturin er 5000 krónur fyri hvørt barnið, men barna­ ans­ing­ar­gjøldini verða lækkað við um­leið fimm prosentum, eins og gjørt varð fyri árið 2015. Inntøkutølini hjá Runavíkar komm­ unu í 2016 verða 175,2 miljónir, og raksturin verður 136,4 miljónir krónur. Íløgurnar í 2016 verða á til­sam­ ans 38,8 miljónir krónur, og hes­ar verða eitt nú brúktar til liðugt­gerð av náttúrubarnagarðinum Sólju­hjart­an­ um í Søldarfirði, dagføring av ítrótt­ ar­høllini á Skála, liðugtgerð av vatn­ verkætlanini á Skála, og hildið verð­ur eisini fram við arbeiðnum at fremja spilli­vatnsætlanina. Peningurin er eisini settur av til havnabygging, har Kongshavn og Beta­bryggjan skulu bindast saman, og nakað av peningi er sett av til fyri­ reiking av svimjihøll, ið leingi hevur ver­ið upp á tal í Runavíkar kommunu. Inntøkurnar av persónsskatti fyri 2016 eru mettar at gerast umleið tvey prosent hægri enn í 2015, men raksturin fer at økjast við stívliga seks miljónum krónum orsakað av eitt nú eldraøkinum, víðkan av forskúla og víðkan av frítíðaransingini. Aftrat hes­ um koma lønarhækkingar og prístals­ vøkstur. Umframt nevndu íløgur eru ætl­ an­in eisini at fremja nógvar aðrar størri og smærri verkætlanir kring um í komm­ununi, og Runavíkar kommuna fer at taka 16 miljónir krónur í láni til at fíggja hesar íløgur. Fólkatalið veksur Fyrr í heyst kundu tey í Runvíkar komm­unu fegnast um, at fólkatalið í komm­ununi rundaði tey 3.900 og setti met. Seinstu tíggju árini hevur fólkatalið sveiggjað millum 3.700 og 3.800, men serliga seinastu tvey árini er fólka­talið økt nógv, og bara í ár eru 100 íbúgvar fleiri í kommununi.
 – Ein av orsøkunum til fólka­vøkst­ urin er, at fólk flyta til kommununa og stórur partur av hesum eru barna­ familjur, bæði úr Føroyum og út­ landinum. Hetta sæst eisini aftur í eitt nú barnaansingini og skúlunum.
Vit gleðast um hesa góðu gongd og vóna, at hon heldur fram. Tað sigur borgarstjórin í Runavíkar kommunu, Magnus Rasmussen, sum skjótt letur stýrisvølin frá sær til Tór­ bjørn Jacobsen sum borgar­stjóra og Helga L. Petersen sum vara­borgar­ stjóra. Umframt teir dagstovnar, sum eru í kommununi, hevur kommunan eisini einar 10-12 dagrøktarmammur. Borgarstjórin vísir á, at grundstykki eru tøk ymsastaðni í kommununi, men tað stendur á at nøkta tørvin og eftir­ spurningin á Runavíkar-leiðini. – Tí fer kommunan nú eisini at seta hol á eina nýggja útstykking í Sal­tangará, leggur hann aftrat. Í góðum hondum Á seinasta løgtingsvali varð Magnus Rasmussen valdur á ting, og tá hann læt seg stilla upp, boðaði hann sam­ stundis frá, at varð hann valdur fór hann at taka tingsessin og sleppa borg­ar­stjórasessinum. – Eg eri púra avkláraður, nú eg um tríggjur vikur ikki eri borgarstjóri meira. Tað hevur verið ein forrættur at sleppa at stjóra kommununi hesi sjey árini, og eg eri ómetaliga glaður fyri hesa tíðina. Eg ivist onga løtu í, at kommunan framhaldandi verður í góðum hondum, tí eg havi fult álit á teimum, sum taka yvir. Magnus sigur, at enn er hann so nýggjur á tingi, men hann heldur, at tað er ein spennandi tíð, sum liggur fyri framman. – Eitt er, at vit sita í andstøðu á tingi, men tað er nú einaferð soleiðis, at man skal byrja onkustaðni, og eg ætli mær at arbeiða konstruktivt í lands­politikki – antin tað er í andstøðu ella samgongu. Mínar royndir sum borgar­stjóri hava givið mær eina góða barlast, og eg kenni meg rímiliga væl brynjaðan til arbeiði á Føroya løgtingi, tó at her eru nógvar mannagongdir at seta seg inn í. Magnus Rasmussen sigur at enda, at hann eisini fer at hava fingurin á pulsinum við teimum verkætlanum, sum eru settar út í kortið á Føroya løg­tingi og sum hava við Skálafjørðin og Eysturoynna at gera, og soleiðis fer hann eisini við stórum áhuga at fylgja verk­ætlanini við Skálafjarðartunlinum. Kommunan í góðum hondum Vilmund Jacobsen T að var eitt einmælt býráð í Eyst­ur­kommunu, sum samtykti fíggj­ar­ætlanina hjá kommununi fyri 2016. Stórur fólkavøkstur hevur verið í komm­ununi seinastu árini, og hetta sæst eisini aftur í fíggjarætlanini fyri 2016, har stívliga 34,4 miljónir krónur eru settar av til íløgur. Borgarstjórin, Jóhan Christiansen, sigur, at størsta einstaka íløgan er bý­ráðshúsið, sum verður bygt tvørtur um ánna í Norðragøtu. – Hetta er ein íløga á 16 miljónir krónur í 2016, og ætlandi verður bý­ ráðs­húsið liðugt um mánaðarskiftið oktober/ november næsta ár. Hann vísir á, at 7,7 miljónir krónur eru settar av til útstykkingar, harav 3,7 miljónir krónur skulu brúkast til at gera útstykkingina í Syðrugøtu lidna. – Í Leirvík er einki grundstykki eftir, og her hava vit sett 4 miljónir krónur av til eina útstykkingarætlan, sum fevn­ir um 15 grundstykki í Leirvík, sig­ur Jóhan Christiansen. Aðrar íløgur Borgarstjórin sigur, at 3 miljónir krón­ ur eru settar av til at byggja eina til­ búgvingarstøð í Leirvík, og 4 miljónir krón­ur eru settar av til íløgur í vatn og kloakkir. – Verkætlanin við nýggja báta­hyl­ inum í Leirvík verður eisini tikin upp­ aftur, og peningur er settur av til at byggja nýtt felagshús við almennum wc-um og brúsum til vitjandi, umframt nýggj høli til havnafútan. Eysturkommuna hevur eisini sett 1,5 miljónir krónur av til íløgur í fríðk­ an av bygdunum, eitt nú í Syðru­gøtu og Leirvík. – Vit hava eisini sett pening av til at fyrireika útbygging ella bygging av nýggjum barnagarði í Gøtu, umframt at fyrireikað verður bygging ella út­ bygg­ing av heilsumiðstøðini í Gøtu­ dali, sigur borgarstjórin. Hálv álíkning Við ársenda í ár verður skuldin hjá Eysturkommunu umleið eina hálva álíkning, og hetta gevur væl og virði­ liga rúm fyri einari lántøku í 2016 á 15 miljónir krónur, samstundis sum restin av íløgunum verða fíggjaðar yvir raksturin hjá kommununi og inni­ stand­andi. Borgarstjórin sigur, at skatta­pro­ sentið í kommununi verður 21, og barnafrádrátturin verður 5.000 krónur fyri hvørt barnið. – Samlaðu rakstrarútreiðslurnar í 2016 verða stívliga 73 miljónir krónur, rentuútreiðslurnar verða stívliga 2 miljónir, og avdráttirnir verða stívliga 6,1 miljón krónur. Jóhan Christiansen sigur, at saml­ aðu inntøkurnar hjá Eystur­komm­unu í 2016 væntandi verða stívliga 88,8 miljónir krónur. Nógv hendir í Eysturkommunu – Eg eri púra avkláraður, nú eg um tríggjur vikur ikki eri borgarstjóri meira, og eg ivist onga løtu í, at kommunan framhaldandi verður í góðum hondum, sigur Magnus Rasmussen Í løtuni verða útstykkingar gjørdar í Syðrugøtu, og næsta ár verða 4 miljónir krónur brúktar til eina útstykkingarætlan í Leirvík, har einki grundstykki er eftir – Eg havi fult álit á teimum, sum taka yvir í Runavíkar kommunu, sigur Magnus Rasmussen Jóhan Christiansen er borgarstjóri í Eysturkommunu, og hann fegnast um um, at fólk hava hug at seta búgv í kommununi. - Vit gera nú eina útstykking í Syðrugøtu, og næsta ár verður skjøtil settur á eina útstykking í Leirvík, sigur hann Mynd: Vilmund Jacobsen