týsdagur 15. desember 2015síða 19

19 Mikudagur 16. desember 2015 · Nr. 145 Sosialurin Freelance-pilotar til Atlantic Airways - við støð í Føroyum ella Keypmannahavn Okkum tørvar nakrar freelance-pilotar at flúgva okkara Airbus 319/320, um høgtíðirnar og í summartíðarskeiðinum, tá ið tað er nógv ferðsla. Sum freelance-pilotur fært tú møguleikan at royna teg í einum avbjóðandi starvi. Tú skal kunnu arbeiða fulla tíð í summar-mánaðunum juni, juli og august 2016. Tað er ein fyrimunir fyri okkum og vónandi eisini fyri teg, um tú eftir hetta eisini kanst vera tøk/ur, tá tørvur er á tí í høgtíðunum og tá nógv er at gera. Tú mást búgva og kunna røkja starvið úr antin Føroyum ella Keypmannahavn og hava lætt við at møta upp á flogvøllinum til skiftandi arbeiðstíðir. Tín uppgáva verður, saman við okkara vandu flogskiparum, sum eru í føstum starvi, at hjálpa til á ein professionellan hátt og at halda tey høgu krøv og væntanir, sum verða sett til Atlantic Airways. Tínir eginleikar Tú ert ábyrgdarfull/ur og arbeiðir málrættað og professionelt. Tú skalt vera broytilig/ur (fleksibul) – her verður eisini hugsað um tað praktiska í sambandi við arbeiðstíð og -stað. Tú kanst arbeiða undir trýsti, trívist við at starvast tætt saman við øðrum og kanst gera mun fyri viðskiftafólk og starvsfelagar. Tú skalt kenna til føroysk viðurskifti og hava loyvi at búgva og arbeiða í Norðurlondum og EU. Krøv Umsøkjarar skulu hava eitt av hesum certifikatum: • ATPL(A) • MPL(A) • CPL(A), við ATPL teori og MCC prógvi. Í øllum trimum førum skalt tú hava eitt galdandi IR(A)ME, eitt General Flight Radiotelephone Operator Certificate (GEN) og ICAO Language proficiency við level 4 í enskum. Grundleggjandi hava vit ætlanir um, at ein útvaldur freelance-pilotur við tíðini verður settur í fast starv, um so verður, at okkara vinnumøguleikar í framtíðini loyva hesum. Tað kunnu vit ikki tó ikki veita trygd fyri í løtuni. Ein onnur grundleggjandi ætlan hjá okkum er, at ein og hvør pilotur, sum vit seta í starv, skal hava mál og ætlan um at gerast skipari. Byrjan Byrjurnarsamrøður verða hildnar skjótast tilber og endaliga valið av freelance-pilotum verður um miðjan ella síðst í januar 2016. Arbeiðstíðir og -staður Verður tú vald/ur, skalt tú umskúlast til at kunna flúgva okkara Airbus 319/320. Umskúlingin fer fram í Toulouse í februar, mars og apríl 2016. Atlantic Airways rindar fyri umskúlingina, ferð, uppihald og dagpening. Løn verður ikki goldin í sambandi við umskúlingina. Eftir umskúlingina verður avtala gjørd um Line-venjingina, sum tekur umleið ein mánað. Løn og dagpeningur verður goldin undir Line-venjingini. Eftir hetta skalt tú skjótast tilber arbeiða fulla tíð í juni, juli og august, við møguleika fyri arbeiði í september eisini. Seinni skalt tú, eftir tørvi, vera tøkur í høgtíðunum og tá nógv er at gera. Starvið er við støð í Vága Floghavn ella Kastrup Lufthavn eftir nærri avtalu. Løn og dagpeningur eru sambært galdandi reglum hjá okkara freelance-pilotum. Hevur tú hug at søkja starvið, far so inn á leinkið niðanfyri og fylg vegleiðingini: https://app.jobmatchprofile.com/eefa27 Á leinkinum skalt tú svara einum spurnablaði, viðfesta mynd, viðkomandi prógv og eina umsókn, har tú sigur eitt sindur um teg sjálva/n, hvat tú fæst við, og hvørjar arbeiðsroyndir, tú hevur. Tá byrjunarsamrøðurnar og valið av freelance-pilotum hevur verið, skulu tey valdu ígjøgnum eina roynd, sum snýr seg um týdningin at arbeiða gjølla, skjótt og neyvt. Eisini verður ein persónsgreining gjørd av viðkomandi, har fatanarstøði verður mett. Við støði í hesum, saman við byrjunar- samrøðunum, verður tað okkara úrvalsnevnd – við møguligum fleiri starvssamrøðum – sum fer at velja út og gera tilmæli til leiðsluna um skikkaðar umsøkjarar. Í úrvalsnevndini sita HR-leiðarin, flogovastin, flogstjórin, veningar- leiðarin og eitt umboð fyri flogskipararnar. Umsóknarfreistin er tann 15. januar 2016. Atlantic Airways Georg Suðurgarð Director, Human Resources Atlantic Airways Vagar Airport FO-380 - Sørvágur Tel +298 34 10 00 www.atlantic.fo Atlantic Airways er ein altjóða fyritøka, hvørs virkismentan er eyðkend av, at ljós altíð verður varpað á trygd, stundvísi, kundanøgdsemi, úrslit og góð starvsfólkaviðurskifti. Umleið 200 fólk starvast í føroyska tjóðarflogfelagnum, sum hevur heimstað í Sørvági. Umsetningurin var 574 milliónir krónur í 2014. Atlantic Airways hevur trý Airbus 319 flogfør og tvær tyrlur í flotanum. Flogførini røkja rutusambandið úr Føroyum til býir í Danmark, Skotlandi, Íslandi og Noreg alt árið – og Spania um summarið. Tyrludeildin hevur um hendi ferðasambandið til útoyggjarnar, sjúkraflutning umframt leitingar- og bjargingartænastu.