hósdagur 17. desember 2015síða 32

FRÍGGJADAGUR 18. DESEMBER 2015 SOSIALURIN 146 32 ÍTRÓTTUR HONDBÓLTUR Tað kom púra óvart á tey flestu, at StÍF mikukvøldið vann á ósigraða H71, sum undan dystinum hevði vunnið 12 dystir upp í slag. Sveinur Justinussen er tó ikki bilsin HONDBÓLTUR VÍF er í vanda fyri at detta niður í millum Kyndil og Neistan, tá FM-finaluatgongumerkini skulu deilast út tíðliga komandi ár. Lemjandi ósigurin fyri Neistanum í vikuni talar sína greiðu søk TRÓNDUR ARGE M ikukvøldið vann StÍF 22-11 á H71 í høllini í Hoyvík. Talan er helst um mest óvænt­aða úrs­litið í landskappingini higar­til. Í 12 dystum hevur ongin megnað, at koppa Peter Krogh og hoyvíking­ unum. Fyri roynda spælaran hjá StÍF, Svein Justinussen, so var úrslitið ikki so óvæntað, sum tað helst var fyri øll hini. – Eg eri ikki so bilsin av hesum sigrinum. Vit hava spælt tvær ferðir móti H71 í landskappingini. Serliga dystin á Skála lorkaðu vit burtur. Tá stóð á jøvnuum , tá fáir minuttir vóru eftir, men so fekk millum ann­að bonkurin eina útvísing, og tað kost­ aði. So vit vistu, at vit kundu, sigur Sveinur Justinussen, sum skoraði fimm av málinum. Verjan vann dystin Sveinur Justinussen heldur, at tað serliga var verjan hjá strandingum, sum vann teimum dystin. Teir hildu allar avtalur, og so funnu teir eina loysn, sum steðgaði Peter Krogh. – Vit valdu ikki at mansverja Peter Krogh, men seta okkara besta verjuspælara á hann, og so dekka nakað longur framm, sigur Sveinur Justinussen, um Marius Joensen, ið fekk sum uppgávu at dekka Peter Krogh. – Hann fekk trý mál í opnum spæli og fekk tvey upp á brotskast. Eg haldi tú kanst siga, at vit vinna dystin í verjuni, sigur Sveinur Justinussen, ið mangan sjálvur hevur roynt at verið mansvardur. Á Strondum taka tey tað tó púra róligt, sjálvt um liðið akkurát hevur vunnið á H71. – Eg hugdi meiri um, at sigurin hevur stóran týdning fyri okkum á stigatalvuni. Nú eru vit við aftur. Sjálvandi er tað stuttligt, at vinna vinna á einum liði, sum ikki hevur tapt. Men fyri okkum snýr tað seg meiri um okkara støðu á stigatalvuni, sigur Sveinur Justinussen, ið leggur afturat, at málið hjá felagnum er at røkka FM finaluni. Neistin bítur frá sær Í hinum mansdystinum, sum var miku­kvøldið, spældu VÍF og Neistin javn­leik 24-24. Neistin var á odda allan dystin, men í seinasta minuttinum kom VÍF upp á javnleik, og fekk ein dystar­bólt. Hann bleiv misnýttur, og so hevði Neistin ein hálvan minutt at avgera dystin. Tað gekk heldur ikki, og liðið deildust um stigini í einum undir­haldandi og spennandi dysti. VÍF hevur nú tapt fyri KÍF, og fekk eitt stig móti Neistanum. Úrslitini sein­astu vikurnar hava gjørt, at bara Team Klaksvík kann avskrivast í FM stríðnum. TRONDUR@SOSIALURIN.FO STRANDINGAR TÓKU ØLL UTTAN SEG SJÁLVAR Á BÓLI VÍF Í STÓRUM TRUPULLEIKUM TRÓNDUR ARGE – VESTMANNA E ftir lemjandi 59 minuttir móti Neistainum mikukvøldið, var alt sjálvsálitið hjá vest­ mannakvinnum burtur. Tær fáa brotskast, sum ongan týdn­ing hevur fyri útfallið. Løtuna framman­undan hevur Neistin skift fleiri ungar spælarar inn, og tær hava gjørt mun. Serliga 16 ára gamla Drós Ragnasdóttir ger um seg. Við einum brotskasti og tveimum dundur­ skotum, skorar hon trý mál lítlu løtuna hon er inni. Í hinum endanum er Margit Weihe í læru hjá málverjanum Fríðu Petersen. Hon kemur fyrst inn at taka sær av onkrum brotskasti, men móti endanum av dystinum sleppur hon veruliga at royna seg. Tað er í seinasta minuttinum, at tað av álvara er sjón fyri søgn, at VÍF er tappað fyri sjálvsálit. Tað er brotskast til VÍF, men 16 ára gamla Margit Weihe bjargar til ovurhondsstóra gleði fyri spælararnar hjá Neistanum. Seinastu løtuna av dystinum verður VÍF trumlað niður av lær­lingunum hjá Neistianum, meðan fleiri lyklaspælarar hjá VÍF antin sita uttanfyri, ella spæla við skaðum. VÍF er nú í vanda fyri, at dett niður í millum Kyndil og Neistan. Liljan manglar Undan dystinum er tað ikki so nógv, sum bendir á, at hetta skal blíva ein avsmurningur. Neistin hevur júst tapt púra óvæntað fyri StÍF, meðan VÍF hevur vunnið á VB og júst StÍF. Tað er tó munur á liðnum, tá tey renna á vøllinum í høllini í Vest­ manna. Neistin er omaná og hevur fleiri spælarar, sum eru kunnugar við at spæla oddadystir í Hvonn-deildini. Ása Dam á Neystabø er flutt aftur til landið og spælir fast, Jacklin Durhuus er byrjað aftur, og Fríða Petersen stendur enn í málinum, hóast tað ikki var vist undan kappingarbyrjan. Fyri VÍF eru spælarar sum Durita C. Jojic, Tóra Seloy, Eilin Hansen, Kristian Griksaite og Liljan Djurhuus ikki við. Tað sást væl á spælinum, tí trýstið á Mariannu H. Jacobsen og Agnas Olsen var ovurhondsstórt. Tá so Agnas Olsen heldur ikki fekk spælt við fullari, so var bara Marianna eftir. Serliga er saknur í skotstrykini hjá Liljuni Djurhuus. – Spæla við soleiðis, so koma vit ikki í finaluna, sigur Agnas Olsen, sum ásannar at VÍF má finna eina loysn upp á trupulleikarnar. Fríða og Ása Fyri Neistan riggaði næstan alt. Bæði berandi spælararnir og ungu spæl­ ar­arnir gjørdu um seg. Tó mundi dags­ins besta samanspæl vera tað mill­um málverjan, Fríðu Petersen, og Ásu Dam á Neystabø. Hvørja ferð Neistin vann bóltin fór Ása tuskandi av­stað í vinstru, meðan Fríða sendi eina neyva avlevering fyri, og aðra eftir. At kalla hvørja ferð fekk Ása, onkuntíð Nikoleta R. Hansen, fatur á bóltinum. – Fríða kundi sent hasar av­lever­ ingarnar í blindum og framvegis rakt meg. Tað er fantastiskt at spæla saman við henni, sigur Ása Dam á Neystabø, sum ikki vil avskriva VÍF í FM stíðnum. Er dysturin mikukvøldið í Vest­ manna nakað at ganga eftir, so eru Neistin og Kyndil favorittar at koma í FM finaluna. TRONDUR@SOSIALURIN.FO MYNDIR: ÁLVUR HARALDSEN