mánadagur 21. desember 2015síða 28

VIKA 52 • 21. DESEMBER 2015 4 MIÐLAHÚSIÐ ÓKEYPIS LÝSINGARBLAÐ Tekur koyrikortið av neyð F lestu havnafólk munnu vita hvør Nemus Napolen Djurhuus er og ikki heilt fá uttan fyri Havnina heldur. Í eitt mannaminni hevur hann verið fótbóltsdómari, men nú eru longu 20 ár síðani, at hann fall fyri aldurs­markinum fyri at døma í bestu deildini. Síðani hevur hann verið virkin í dómaraarbeiðinum hjá FSF, fyrst og fremst sum eygleiðari. Í tí dagliga hev­ur hann starvast á Mimir, men nú hann ætlar sær eina nýggja yrkisleið, rendi Nemus seg í ein óvæntaðan trupul­leika. – Líka mikið hvat starv tú ynskir, so stendur altíð, at koyrikort krevst. Eg ætlaði at fáa mær eitt arbeiði nú, men uttan koyrikort, einki arbeiði. So tað er av neyð, ikki til stuttleikar, at Nemus er farin at fáa sær koyrikort, nú hann er farin um tey seksti, sigur Nemus Napoleon Djurhuus. Hann hevur búð alt sítt lív í mið­bý­ num í Havn og hevur tí ongantíð havt brúk fyri einum koyrikortið. Um hann onkuntíð skuldi havt tørv á at fara ein longri túr ella okkurt skuldi koyrast, so var altíð onkur annar, sum hevði koyrikort og kundi hjálpa. – Eg eri ómetaliga væl móttikin av unga fólkinum, tey eru sjálvandi flestu um 17 ára aldur í koyriskúlanum hjá Benny. Ótrúliga fryntlig og fitt eru tey øll somul, sigur Nemus, sum tó ásannar, at tað allarhelst er munur á, hvussu hann og hesi ungu hugsa um koyrikortið og tað at koyra bil. – Eg havi eitt heilt greitt mál við koyrikortinum. Eg má fáa mær tað, fyri at fáa eitt starv. Hetta er ikki ein leika, ikki nakað, eg skal stuttleika mær við. Eg havi heilt einfalt brúk fyri tí, um eg vil hava eitt arbeiði, sigur hann. Hóast tað eru 20 ár síðani, at Nemus dømdi ein vaksnamannadyst, so er hann enn virkin, bæði sum eyg­ leiðari og sum dómari. Nú dømir hann eini 15 dystir um árið fyri HB, í aldurs­ bólkunum upp til unglingar. Hann stúrir tó fyri framtíðini hjá dómarastættini í føroyskum fótbólti. – Um ikki okkurt verður gjørt, so endar FSF í somu støðu sum HSF, at tað mangla dómarar. Har er alt ov lítil tilgongd. Sum er, eru eini sjey, átta dómarar til Effo-deildina, og tað merk­ir, at ein dømir næstan hvørt viku­skifti. Tað er strævið at vera dóm­ari. Ein skal vera líka væl fyri sum spæl­ararnir, í líka góðari venjing. Tað vísir seg nú, at tað er ein trupulleiki at fáa fatur í fólki, sum vilja geva tað, sum krevst, sigur fyrrverandi fót­bólts­ dómarin. – Fyri at gerast venjari í Effo- deild­ini, so má ein taka uppgávuna í álvara. Tað verður eitt offur fyri teg og familjuna. Tað krevur nógva tíð, og tað krevur nógv tol. Sum dómari fært tú nógvar lortaspannir oman yvir teg viðhvørt, so tað krevur harða húð eisini, sigur Nemus Napoleon Djur­ huus. Tað er eisini hart arbeiði at ganga til koyrilæru, heldur Nemus. – Tú kemur altso ikki sovandi til eitt koyrikort nú á døgum. Tvær ferð­ ir um vikuna er teoriundirvísing og so koyring eina ferð um vikuna. Krøvini eru hørð, tú skalt svara 20 av 25 spurningum rætt á royndini, sigur Nemus, sum nú hevur gingið til koyri­ læru í hálvan annan mánað. Ein av kom­andi døgunum skal hann til teori­ roynd og so stendur koyriroyndin á skránni eftir ársskiftið. – Eg síggi tað sum eina avbjóðing, líka stóra, sum tá eg skuldi blíva FIFA- dómari. Hetta er ein uppgáva, sum skal útførast væl, um eg vil varðveita koyrikortið. Geri eg ikki sum eg skal, so er brádliga einki koyrikort eftir, sigur Nemus Napoleon Djurhuus. – Eg havi tó ongar ætlanir um at gerast bilførari burturav. Endamálið er at gera tað lættari at fáa eitt arbeiði, men annars ætli eg mær at ganga. Eg búgvi enn í miðbýnum, hví skal eg fara at liggja í bilinum og koyra runt nú, spyr hann. Hóast hann er farin um tey seksti, er Nemus Napoleon Djurhuus nú farin undir at taka koyrikortið fyri fyrstu ferð