mánadagur 21. desember 2015síða 68

20 ÓKEYPIS LÝSINGARBLAÐ VIKA 52 • 21. DESEMBER 2015 Heilsufrøðiliga starvsstovan virkar fyri tryggum mati og vatni, góðari fiska- og djóraheilsu og einum tryggum arbeiðsumhvørvi. Smyrilsvegur 7, Tórshavn, www.hsf.fo DJÓRALÆKNAR EVNAFRØÐINGAR LABORANTAR LÍVFRØÐINGAR MATVØRUTEKNIKARAR VERKFRØÐINGAR ... OG MONG ONNUR JOBMATCH 2015 Vitji okkum á bási nr. 8 Á HFS arbeiða fólk við nógvum ymiskum útbúgvingum: FJØLTÁTTAÐ SERFRØÐI Vitan um okkum sjálvi og okkara tíð Hagstovan er á Jobmatch bási nr. 14 Kvíggjartún 1. Argir, tel. 352800, hagstova@hagstova.fo, www.hagstova.fo Jobmach brýtur fordómar – Jobmatch er ein frálíkur møguleiki hjá lesandi at læra vinnulívið betri at kenna og hjá vinnulívinum at læra tey lesandi betri at kenna, sigur Holger Arnbjerg, leiðari á Altjóða Skrivstovuni, sum nú er vorðin ein partur av Fróðskaparsetri Føroya Holger Arnbjerg sigur, at hann følir eitt slag av ognarábyrgd fyri Job­ match, við tað, at hann var sterkur tals­maður fyri at flyta starvsstevnuna til Føroya á sinni. Í ár er fimtu ferð, at Job­match verður hildið í Føroyum. – Vit hugsaðu sum so, at tey, ið hava áhuga í at starvast í Føroyum, ferð­ast allarhelst í Føroyum. Nógv teirra plaga at halda jól í Føroyum og tí avgjørdu vit, at starvsstevnan skuldi vera millum jól og nýttár, greiðir Holger Arnbjerg frá og sigur, at eftir hans­ara tykki vísa vitjunartølini, at tað var ein røtt avgerð. Væl fleiri vitja Job­ match nú, enn tá stevnan varð hildin í Keypmannahavn. Holger Arnbjerg sigur, at navnið Jobmatch er júst rætta navnið til til­takið, tí tað er jú júst tað, sum er enda­málið, at fólk hitta hvønn annan til eitt prát um eitt starv. – Her er ein møguleiki hjá teimum, sum júst eru liðug, og teimum, sum eru um at gerast liðug, at hitta tey, sum møguliga fara at seta tey í starv. Virkini hava møguleikan at vísa á, hvat tey sóknast eftir, eins og at tey lesandi hava møguleikan at siga frá, hvat tey hava at bjóða, sigur hann. Fróðskaparsetur Føroya luttekur í ár við tveimum endamálum. Annað er at vísa seg fram sum eitt møguligt starvs­stað hjá fólki, hitt, ið vit kanska kenna Setrið betri sum, eitt lestrar­ stað. – Í ár fara vit fyrst og fremst at varpa ljós á nýggju bachelor­út­búgv­ ingina í búskaparfrøði, sum byrjar í heyst. Vit fara millum annað at greiða frá henni í einum fyrilestri í Dans­istovuni og annars at kunna um hana á básinum. Hinvegin, so skulu vit minn­ast til, at Setrið eisini er eitt arbeiðs­pláss og vónandi er onkur, sum hevur hug at koma at starvast hjá okk­um, antin sum lærari ella okkurt annað, sigur Holger Arnbjerg. – Eg haldi, at Jobmatch er eitt frá­líkt høvi at bróta nakrar for­dóm­ ar. Tey lesandi hava allarhelst nak­rar for­dómar móti virkjunum, með­an ar­ beiðs­plássini møguliga hava nakrar for­dómar móti aka­dem­ikarunum. Les­ andi uttanlands hava kanska nakrar for­dómar móti arbeiðs­markn­að­inum í Føroyum sum heild, men hetta er eitt gylt høvi at vísa, at kanska hendir nógv meiri spennandi á føroysku ar­ beiðs­plássunum enn ein gav sær far um, sigur Holger Arn­bjerg. Holger Arnbjerg sigur, at umframt at vera eitt stað, har fólk kunnu finna eitt starv, er Jobmatch eisini eitt gott mið hjá teimum, sum enn ikki eru liðug at lesa. – Hjá teimum, sum skulu gera eina høvuðsuppgávu, er hetta eitt gott høvi at finna ein arbeiðsgevara, sum hevur tørv á at fáa okkurt gjørt. Soleiðis verður eitt samband knýtt millum tann lesandi og arbeiðsgevaran, sum kann koma báðum pørtum til góðar, eftir at lestrartíðin er liðug, vísir Holger Arnbjerg á. – Hvør veit, kanska eigur Jobmatch ein part av æruna av, at tað fyri fyrstu ferð búgva yvir 49.000 fólk í Før­oyum í novembur mánaði og at fólka­frá­ flytingin ber brá av at hava steðgað, sigur hann at enda. Savnsmynd: Álvur Haraldsen